بدخل في الموضوع على طول مو على عرض <<<<<<تنكتين ياكرهك
انا متخرجه من الجامعه لي 16 سنه :44:كنت طموحه ومقبله على الحياه وابي يكون لي كياني واكون نفسي خلاص
قدمت في جميع المناطق ولكن لاحياة لمن تنادي كانت التعيينات اول ماتخرجت قليله مره 2 اوثلاثه في تخصصي الشريعه طبعا
وصراحه واقولها بالفم المليان سببت ازمه في الملفات العلاقيه الخضراء من كثر مااشتريتها :mad:
المهم استمريت على ذي الحال ست اوسبع سنين والوضع متوقف
مافي تعيينات لا ويجون ناس عند زوجي ويفشرون هات الملف وخل الباقي على الله ثم علينا وهاتك ياتصوير ويروح الملف والرجال ولا عاد نشوف احد من الاثنين :icon33:
وفي سنه من السنين زعلت وطنشت التعليم والتقديمات <<<<<<والله ماحد درى عنك
وجلست على ذا الحاله الين قبل سنتين ورجعت اقدم وبرضه ماقبلوني مع اني كنت زعلانه ورضيت برضه مانفع
فصرت اقدم مؤخرا عشان خاطر زوجي واهلي بعد مايدخلون علي ويرمون غترهم تكفين قدمي
واقدم ونفس الحاله تهقون يدرون اني تخرجت وبتقدير جيدمع مرتبة الشرف الاخيره ههههههههه ولايعينوني عجيب والله
الخلاصه عشان لاتملون لاتستغربون اذا قلت لكم اني ماابغي اتعين والسبب ماذكرته انفا حلوه انفا متعوب عليها
وايضا لاني امرض اكثر ممااطيب ولله الحمد وحال التعليم والمتعلمين مايبشر بخيروسلامتكم ----- مدري ليه حاسه ان المشرفات بينقلون موضوعي قسم المريخ ههههههه تكفون يامشرفات خلو موضوعي بليز
شطحه :في التعييينات ال28 الف مالقيتم اسمي :39:دمتم في رعاية المولي وانا معكم
متشوقه للامومه @mtshokh_llamomh
كبيرة محررات
يلزم عليك تسجيل الدخول أولًا لكتابة تعليق.
دلع اطفال
•
زين سويتي هههههههههه
الصفحة الأخيرة