لا تستهينون بالريال شوفوا وش صار معي

اخواتي انا كنت لما اطلع مع اولادي للسوق اي ريال يبقى معي اوحتى ريالات ما اخليها في اشنطه احاول ادور احد من العاملات او العمال الي في السوق واعطيهم وكان ولدي عمره 14 سنه يقولي يمه فشلتينا بس تعطينه ريالات المهم كنت داخله سوق في الدمام عند اهلي ومعاي ولدي هذا ولما نزلت من الساره لقيت الكشك وفيه مطوع ودورت في الشنطه ما لقيت الا ريال لان ما كان عندي صرفبس كان معي 500 وعطيته الريال وقالي جزاك الله خير وولدي قالي يمه فشلتينا بس ريال كان ما عطيتيه الا لما نطلع من السوق وقلتله هذا الريال عندك شوي بس عند ربي شي كبير وقعدت اقوله عن الصدقه وعن فظلها وان الله يشفي بها المرضى وانها تطفي غضب الله عزوجل وان الله يربي الصدقات وبعدين قالي خلاص بصير اسوي زيك كل مارحنا مكان يوم عليك ويوم علي المهم يوم جا ء العشاء دقت علي اختي وقالت لي ابي امر اخذك انتي واولادك للملاهي والمطعم بمناسبة نجاحهم ولما طلعت معها وتحلف علي وتحط في شنطتي الف ريال وتقول هذي نجاحة اولادك وكان معاي ولدي الي معي في السوق وجاني وقالي يمه صح هذي العشرة اضعاف الريال الي عطيتيه الرجال اليوم وفعلا اي خير تسوينه ربي يجزاك عليه ان كان في الدنيا او في الاخره فنصيحه قبل ان تعودي الى بيتك من السوق ابحثي عن الريالات وتصدقي بها قبل ان يعبث بها اطفالك هنا وهناك او ترمى على المكتبه او في ادراج الغرفه وسامحوني على الاطاله واتمنى ان اكون افدتكم وادعولي ان ينصرني الله على من عاداني ويسخر لي زوجي ويحفظ لي اهلي واولادي