ابغى احكيلكم قصتي من طأطأ لسلامو عليكو
تزوجت و عمري 18 بعد ضغوط اسرية قوية .. كنت ابغى بعدها الخلاص و الفرج من الله بزواجي
و خلاص كان هذا املي اللي علقت علية نتيجة صبري و قلت ربي بيعوضني بزوج حنون و يعتمد عليه
و لكن تزوجت زوج حنون لكن لا يعتمد عليه في شي
و فوقها ما سلمت من الحسد و الغيرة من امه و اخواته
و جاتني الهم و الغم و المشاكل
لدرجة قلت ليتني تزوجت يتيم
مع اني بطيبة قلبي اخترت السكنى قرب اهل الزوج و كانت هذي فعلا نتيجة طيبة قلبي
لان والدي حذرني و قالي بشرط عليه سكن خارجي بس قلت له لأ حرام حرمة كبيرة في السن مين بيخدمها .. طبعا هذا قبل ما تجلس بنتها المطلقه عندها
و مشيت السنين ع موال يطالعون في رزقي و رزق عيالي و التحريض و التدخل
ما سلمت منهم اي خدامه تجيني لين ما يطيروها او اتناشب معاهم فيها .. هم يقولولها هرج و تجيني تقولي .. ازعل عليها و عليهم ... لكن يناشبوها ما تسلم عندهم خدامه و كل شي يقولوا و الله خدامتنا مريضه خلي خدامتكمم تجي تخدم و لا عندنا عزيمه و لا الحوش يوم على هذي و يوم على هذي .. ليش بس خدامتنا اللي تنضفه .. و انا عندي عيال صغار يعني هما ما عندهم اصلا مدري ايش تسوي الخدامه عندهم و لا شي بس جالسه طبعا قبل ما تجي المطلقه عند امها .. كانت الخدامه و عمتي بس
المهم و على قرف و تعليقات ما خلوا شي ما انتقدوة
لا في شكلي لا في بيتي لا في اولادي و لا الفلوس كله انتقاد
و انا كنت ما بين بعد عن الله و جفا
و ما بين و الله الحمدلله ادعي و ربي كريم ما يخذلني
و منها اني جبت ثلاث بنات و الله العظيم يا ام زوجي الله يبتليها ما خلت شماته و لا خلت جارة ما تشتكيلها
اني ما جبت ولد !!
و تزن و احملي و احملي
و يوم بنتها جابت ولد ... تقوم و تطلب غسولي !!
ع اساس بحسد بنتها !!
المهم ياما جاني منهم و الله
قمت دعيت و صليت قيام الله و انا ابكي
و السنه اللي بعدها و لا انا شايله ولدي في حضني
الحمدلله رب العالمين
المهم دحين النفس الشينه و المعامله الخايسه كلها مستمرة و يبغوني اطلع من البيت عشان تسكن بنتهم المطلقة في شقتي
انا هذا يوم المنى عندي بس زوجي مو راضي يطلع الا ع بيت ملك !!
و التطفيش جاي من نصيبي
ابتديت اشك و استغفر الله اني انا و الهموم ما نتفارق
بعدين كأن احد صحاني و قاللي عندك ثلاث بنات الله يحفظهم و ولد الله يحفظه .. عندك زوج طيب صح انه مهمل .. و الغرض يصير بعد سنه بس الحمدلله انه طيب و يحبك
و عندك و عندك و اللهم لك الحمد
لكن هالامور كلها صارت تضغط على ... و انا عمري 35 سنه يعني جالسه افكر عمر الشباب الاستمتاع راح في تربيه العيال و المناحله ... صح فيه زوج طيب بس ما يكفي لسعادتي
و من قريب قلت انا آخر املي ان شاء الله اني استمر على سورة البقرة و اتمسك بحبل الله المتين و ما يكون صوتي ضعيف لما ربي يسمع صوتي
لازم اذكر ربي
و الله يا بنات معجزة في حياتي
@ الخدامه صارت مطيعه !!
@ ام زوجي و اخته و اخواته التانين ما اسمع ليهم حس منذلتهم مستمرة بس مع نفسهم بدون ازعاج لي يعني صاروا ما يعزموني و لا يسألوا و يجتمعوا يروحوا يجوا بدون ما يتكلموا .. طبعا اول كنت لازم احضر بالاجبار و بالاكراه شي مو حلو كمان .. فلما فجأه الناس كده تقطعك تستغربي .. بس تعتبر نذاله منهم .. بس على نفسهم احسن و الله
@ زوجي صار ابكر و متعاون معاي اكثر في طلبات البيت و الحمدلله
لا تستهينوا بالمعجزات
1/ قول .. حسبنا الله سيؤتينا الله من فضله إنا الى الله راغبون .... و حسن الظن بالله
2/ الاستغفار و بالذات وقت السحر اذا صليتي الوتر
3/ قراءة سورة البقرة و انا اقرأها بعد صلاة الفجر
4/ المداومة على قراءة صفحه من القرآن قبل النوم .. بس صفحه واحده .. لنقرأ و نشمل القرآن كله لأننا نقرأ البقرة فقط في الصباح كل يوم
3/ الشكر لله عزوجل
هذي قصتي و املي في الله و ادعولي كمان بمنزل مبارك
اللي حابة تنضم معانا و نشجع بعض لقراءة سورة البقره
هنا
this HTML class. Value is http://forum.hawaawo