لا تسخروا من مشكلتي انا منهارة ):

بسم الله الرحمن الرحيم


لا اله الا الله وما شاء الله ولا حول ولا قوة الا بالله


خواتي انا تعبت من المشاكل في حياتي من يوم كنت صغيرة
مخنوقة من الصدمات


ما اعرف اكتب مقدمات بس بقولكم شي متعب في حياتي ما ادري ليش اسوي هالشي
يمكن من الصدمات في حياتي


انا مو صغيرة


من كثر شوقي يصير عندي طفل قمت اتوهم اني حامل
مع اني متأكدة 100% اني مو حامل ما يحتاج اوضح اكثر


صرت من يصير عندي فلوس واكون محتاجة للفلوس اشتري جهاز تحليل الحمل واجرب حتى لو فيني الدورة !!!!!!!
واجوف بس خط واحد والمشكلة اتضايق وانهار وابكي في الحمام !!!!


ليش اتضايق وانا مستحيل اكون حامل ما ادري


وزادت هالحالة فيني لان في بنات كثير اعرفهم حوامل كل مرة اسمع فلانة حامل واختنق
فزادت عندي هااحالة مع اني مهمومة وعندي مشاكل توصل للمحاكم ودوم مريضة


صرت امشي لا اراديا مثل مشية الحوامل واجلس مثلهم بس بدون محد يشوفني لاني دوم لحالي
واعمل حالي اني على طول محتاجة اروح الحمام !!!!! واتعمد اشرب ماي عشان اروح
واذا مشيت اقول بصوت مسموع تعبني الحمل !!!!!!!!!!!!!
ونزلت برنامج حساب ااحمل واصلا دورتي متخربطة وعندي مشاكل في الدورة فكتبت تاريخ على كيفي !!!!!!
وجيكت الحساب الصيني !!!!! واحط تواريخ على كيفي


وحاسبة تحسب متى موعد الولادة واجوف اذا عجبني التاريخ او لا !!!!!
ارجوكم لا تسخروا مني ترى ما كتبت كل شي ومخنوقة ودي بطفل يناديني ماما
صرت عصبية بزيادة وابكي بصورة هستيرية
وعندي هموم لو اقولها تستغربون مشاكل تشيب الراس يا ليت بس موضوع الحمل هو همي الوحيد ):
ادعوا لي الله يرزقني بالذرية الصالحة ما بخبركم عن حياتي يمكن انا مو متزوجة وتدعوا لي بالذرية الصالحة اطلبوا من امهاتكم يدعوا لي الله يحل مشاكل كلها ويشفيني
ما عندي خوات غيركم ارجوكم ):