(((( لا تشتكي من جور الأيام يا صاح )))) للااهمية

اتمنى ان تنال اعجابكم

مع خالص الود


لا تشتكي من جور الايـام ياصـاح
ولا تشتكي من ظلـم نـاس قريبـه


الوقت لو زان لـك ماظنـي ترتـاح
ياعونة الله فـي الليالـي الصعيبـه


حظٍ عرفته وأعرف الحظ لـو طـاح
ماله عضيـدٍ والأمـل مـن يجيبـه؟


أواااه من قلبٍ به إطعـون وإرمـاح
جـرحٍ غـدا بـه مايفيـده طبيبـه


وش يستفيد أعمى من أنوار الأصباح
وش حيلة المقهـور فاقـد حبيبـه؟


وش هي معاني الفرح والحزن صداح
في خاطـرٍ جتـه الأغانـي كئيبـه؟


بي جرح بي آهااات بي قلب ما أرتاح
بي كف يصفق كـف دنيـا غريبـه؟


مالي جدا كود الأمـل فيـك مـا راح
ترفق بقلـبٍ ......أتعبنـه نحيبـه


بثيت لك شكواي والقلب لـك صـاح
ودّه بمـن يشفـي جـروحٍ عطيبـه


هذه يميني ضمهـا حيييـل ياصـاح
واطفى من الخفـاق حامـي لهيبـه