بسم الله الرحمن الرحيم
و به نهتدي و نستعين
يا ترى بتصلى الفجر فى وقته ؟
كتير مننا مقصر فى الصلاه دى للاسف
يمكن علشان صعبه
مع انها الصلاة الوحيدة اللى ركعتين بس !!
بس يمكن علشان وقتها صعب
مع اننا لو فى عندنا لقاء مهم فى الوقت دة هنقوم جرررى و نظبط المنبهات علشان نصحى !!
طيب هو للدرجة دى لقائنا مع ربنا مش مهم بالنسبة لنا ؟!
معقول يكون الله اهون علينا من البشر و الدنيا ؟
تخيلى معايا كدة مدى فرحة ربنا بيكى و انتى قايمة من عز النوم
و تدخلى تتوضى و تصلى بس علشان متفوتيش وقت فرضه
شوفى كدة فى الشارع بتاعك كام واحد بيعمل كدة ؟
هتلاقى للاسف مش كتير
شوفى بقى لما تكونى انتى من اللى المعدوديين دول اللى ربنا اختارهم للقائه فى الوقت دة
صلاة الفجر هي مقياس حبك لله عز و جل
معقول تكونى بتحبيه فعلا و انتى بتتكاسلى عن لقائه ؟
ده لو حد هيديكى فلوس فى الفجر كل يوم هتصحى مخصوص علشان تقابليه و تاخديها
طيب و ربنا
اللى اعطاكى نظرك تشوفى بيه و غيرك لا يرى ؟
اللى اعطاكى سمعك تسمعى بيه و غيرك لا يسمع ؟
اللى اعطاكى رجليين بتمشى عليها و غيرك عاجز ؟
اللى اعطاكى ايدين تتعاملى بيها و غيرك ربنا ابتلاه فيهم ؟
اللى بيرزقك من يوم ولادتك لغاية دلوقتى ؟
اللى اكرمك بكل حاجة حلوة فى حياتك ؟
اللى نعمه عليكى لا تعد و لا تحصى ؟
قال تعالى : "وإن تعدوا نعمة الله لا تحصوها "
ميستاهلش منك تصحى من النوم تصلى ركعتين....معقول ؟!!
طيب نشوف مع بعض ثواب صلاة الفجر
اولا فى قبل صلاة الفجر ركعتين سنة ياريت متفرطيش فيهم لان ثوابهم عظيم جدا
و لان دى سنة حبيبك و ينفع يبقى حبيبك و انتى تاركة سنته بالكليه !
وهي من أحب الأمور إلى النبي صلى الله عليه وسلم إذ يقول
" ركعتا الفجر خير من الدنيا وما فيها "
فإذا كانت الدنيا بأسرها وما فيها لا تساوي في عين النبي صلى الله عليه وسلم شيئا
أمام ركعتي سنة الفجر فماذا يكون فضل صلاة الفجر نفسها؟
شوفى معايا كدة الحديث دة
روى البخاري ومسلم قوله صلى الله عليه وسلم
" من صلى البردين دخل الجنة "
وقال صلى الله عليه وسلم
" لن يلج النار أحد صلى قبل طلوع الشمس وقبل غروبها " . والبردان هما صلاة الفجر والعصر .
و علشان عارفة ان فى ناس كتير بتكسل تقرا
نسمع مع بعض كدة المقطع دة للشيخ العريفى بارك الله فيه عن فضل صلاة الفجر
WIDTH=420 HEIGHT=315
طيب عارفة كمان الايه الكريمة دى يقول تعالى " وقرءان الفجر إن قرآن الفجر كان مشهودا "
عارفة ايه قران الفجر ؟؟
قرآن الفجر هو صلاة الفجر التي تشهدها الملائكة ,
وقد فصل ذلك النبي صلى الله عليه وسلم إذ قال " يتعاقبون فيكم ملائكة بالليل , وملائكة بالنهار ,
ويجتمعون في صلاة الفجر وصلاة العصر , ثم يعرج الذين باتوا فيكم فيسألهم وهو أعلم بهم : كيف تركتم عبادي ؟
فيقولون : تركناهم وهم يصلّون وأتيناهم وهم يصلّون "
تخيلى معايا كدة انك من الناس اللى الملايكة تقول عليها لربنا انه
"تركناهم و هم يصلون و اتيناهم و هم يصلون" ............اللهم اجعلنا منهم يا رب
طيب نتكلم بقى عن التفريط فى صلاة الفجر
قال الله تعالى : " إن الصلاة كانت على المؤمنين كتابا موقوتا "
وصف النبي صلى الله عليه وسلم الذي يفرّط في صلاتي الفجر والعشاء في الجماعة بأنه منافق معلوم النفاق !
فكيف بمن لا يصليها أصلا .. لا في جماعة ولا غيرها ... فقد قال النبي صلى الله عليه وسلم :
" ليس صلاة أثقل على المنافقين من الفجر والعشاء
ولو يعلمون ما فيهما (يعني من ثواب) لأتوهما ولو حبوا أي زحفا على الأقدام"
رواه الإمام البخاري .
و بردة علشان الناس الى مابتحبش تقرا كتير نشوف المقطع دة
WIDTH=420 HEIGHT=315
طيب هنعمل ايه دلوقتى ؟
· أن يقوم كل منا بوضع منبّـه يضبطه على ميعاد صلاة الفجر يوميا
· أن يتم إعطاء الصلاة منزلتها في حياتنا فنضبط أعمالنا على الصلاة وليس العكس
· أن ننام مبكرا ونستيقظ للفجر ونعمل من بعده .. فبعد الفجر يوزع الله أرزاق الناس
· أن تلتزم كل منا بالصحبة الصالحة التي تتصل به لتوقظها فجرا وتتواصى فيما بينها على هذا الأمر
· أن نواظب على أذكار قبل النوم ونسأل الله تعالى أن يعيننا على أداء الصلاة
· أن نشعر بالتقصير والذنب إذا فاتتنا الصلاة المكتوبة ونعاهد الله على عدم تكرار هذا الذنب العظيم
اتمنى من الله ان يكون الموضوع سبب فى انتظام صلاتنا الفجر بإذن الله
منقول للفائدة
جزاها الله خيراً صاحبته
ولا تنسونى وإياها من دعواتكم الطيبة
