لا تضحكون علي .. ابغي اعرف اصول التنظيف

الله يسعدك ويحفظك قولي لامك تعلم الشغاله

مشكوره يا الغلا .. بس انا في منطقه و امي في منطقه ثانيه ، عشان كذه محتاره
يزاج الله خير:)

حبيبتي بالنسبه للتنظيف كل يوم علميها شي مثلا الارضيه انتي سوي قدامها وخلها تشوف وتركز وبعدين عطيها تطبق وشيكي ع شغلها وصححي لها المهم اهم شي التعليم من البدايه عشان ما تتعود ع تنظيف اي كلام ..
بالنسبه لمسح الارضيات اول شي اشتري الممسحه السحريه اللي تكون عباره عن ممسحه وشطافه تشيل الماء وتصفيه وما تترك اثر ع الارضيات بتلاقينها بالمحلات الكبيره مثل كارفور او جيان او سبينس .. بتلاقي موضوع بالقسم عنها وفيه صورتها ..وهاتي سطلين واحد حطي فيه ماء والثاني حطي فيه ماء لترين وحطي فيه غطاء واحد من داك ( انا افضل اللي برائحه الزهور ) وممكن تستخدمين الديتول او الكلور او اي منظف متوفر بس من تجربتي احسن شي داك وللرخام احسن شي جربته كان ماء + كميه فنجان لينور +شويه خل ابيض وغطسي الممسحه وبعدين اسحبي اليد وخلي الماء يتصفى بالسطل وابدي مسح ع الخفيف وكل ما تنشف الممسحه غطسيها بالسطل اللي فيه الماء بس وصفيها فيه وارجعي للسطل اللي فيه مواد التنظيف واشفطي منه وصفيه وارجعي امسحي بس .. الممسحه تنظف وتشطف بنفس الوقت ..
بخصوص الغبار خلها كل يوم تمر ع البيت كامل بالنفاضه الريش بس نصيحه خلها اخر خطوه لانها اذا كنست الارضيات راح يغبر البيت والاثاث مره ثانيه فخلها تخلص كنس البيت بعدين تنفض الغبار بعدين تمسح الارضيات والاثاث .. للاثاث المنضف احسن شي تحطين علبه رش فيها ماء + ديتول غطا او ممكن شويه داك عشان الريحه .. وهات يا رش ومسح .. بس
الحمامات وانتي بكرامه طبعا يوميا تنغسل .. بس علميها انه ع الاقل مرتين بالاسبوع تغسله غسيل عميق اللي يكون مع الجدران انا طريقتي اني اطلع كل شي بالحمام من ادوات وسله ومفارش وغيره برع واحط سطل فيه ماء + بونكس الاحمر + كلور واجيب مكنسه خاصه للحمام واغطسها وافرك الارضيات والجدران بالمكنسه << لاحظت انه المكنسه اسهل بالتنظيف واسرع وما تاخذ وقت مثل الاسفنجه وتوصل لاخر مكان اما بالاسفنجه صعب .. والاسفنجه اخليها للمغسله والبانيو بس .. وطبعا المرحاض يتنظف بمسحوق خاص فيه وبفرشته الخاصه اما ايدي المغاسل والانابيب اغسلها بشويه صابون + خل وافركها بالليف وتصير تلمع وتلق كانها جديده .. وبعد ما تشطفين الحمام سوي كميه علميها ترجع كل شي مكانه بنفس الترتيب .. ( ملاحظه ) << تاكدي من كل التنظيف بنفسج وكيف تسوي لانه الشغالات ما فيهم امانه ما تعرفين اذا تنظف بضمير والا لا .. خاصه المطبخ والحمامات لانها اماكن انتشار الجراثيم والامراض .. وحاولي انه فرش الاسنان الخاصه فيكم تشيلينها معاج الغرفه بعد كل استخدام لاني مره سمعت عن شغاله كانت تغسل المرحاض بفرش اهل البيت .. ما ابغي اخوفج بس الحذر واجب ..
بالنسبه للمطبخ خليها تطلع كل الاغراض من الدواليب وتنظف داخل بشويه ماء وكلوركس او ديتول وبعدين تفرش جرايد او ممكن مفارش خاصه بالمطبخ وتحط الاغراض بنفس ترتيبها وتعلمينها تنظف الجدران وخاصه بعد القلي والطبخ فوق الغاز لانه مكان تجمع الزيت ( بشويه لوكس وخل ابيض مع ماء ترشه ع المكن وتمسح .. ) وتنظف مروحه المطبخ ع الاقل مره بالشهر لانه تجمع وسخ وزيت بنفس الخلطه ولا تنسى تفصل الكهربا يوم تنظفها .. الثلاجه مره بالاسبوع تنظيف عميق ويوميا تمسحها من الخارج بديتول وماء .. وتشيك ع الاشياء الخربانه ف ي الثلاجه .. بالنسبه للفرن والغاز خلها تنظفه بمنضف الافران وتغلفه بقصدير يتغير كل يومين او كل ما يتوسخ ع حسب الاستخدام والعيون يوميا تنقع بشويه صابون وخل ابيض وليمونهع الاقل ساعتين وتغسل وتنشف وترجع مكانها ع الفرن ..
اتمنى اكون افدتج باللي عندي .. اي سؤال انا حاضره

نسيت بخصوص باقي الشغلات مثل السجاد خلها نهايه كل اسبوع تمسح السجاد بالفرشه الخاصه تغطسها بشويه ماء مع ( منظف السجاد من داك روعه وريحته قويه وحلوه ) وممكن بماء وديتول بس .. وخلها تنفضها وبعدين تمر عليها بالفرشاء مع ها الخلطه طبعا الفرشاه بتشيل الشعر والخلطه بتعقم وبتنفش السجاد وبتطلع نظيفه ..
بخصوص الكنب مره يوميا ينفض بالمكنسه ومره بالاسبوع او ابالسبوعين ينمسح بماء ومنظف السجاد باتسخدام فوطه .. اما بخصوص الثريات واللمبات تنمسح من الخارج بشويه ماء بفوطه .. ومقابض البيبان والدرابزين ينمسح يوميا بالديتول عشان التعقيم وبالذات مقابض الحمامات والثلاجه ويد التلفون والرموتات او اي شيي ينمسك من ايد لايد .. اما بخصوص الغرف علميها كل يوم تمر ع الغرف ترتب الاسره وتنفض المفارش وترتبها عدل وكل 3 ايام تغير البياضات اللي ع السراير .. والدواليب تنمسح من الخارج والداخل كل اسبوع وتتاكد من ترتيبها .. وعلميها حركه الملابس الداخليه والجرابات تنلف رولات وتترتب بالدواليب واللي يتعلق يتعلق بترتيب .. اممممم هذا اللي يحضرني حاليا ..

ماشاء الله الاخت ماروكوو ماقصرت
اتبعي طريقتها حرف بحرف