لا تضيعي فلووووسك وش دراك انهم محتاجين كذابين

معنا زميله بالدوام ماشاء الله جدا ثريه
ومحبه للخير ودايما كل فتره وفتره تسأل
تعرفون احد محتاج تعرفون احد فقير
اما تعطينها حنا الفلوس نوصلها لو نعرف
او تروح اهي بنفسها
دار بينها وبين واحده ثانيه حوار بحط رقم واخد للي تصدق و2 لثانيه عشان توضح الصوره
المهم زميله ثانيه تقولها
ارحمك احسك اضحوكه ترمين فلوسك في كل مكانه
وشوله تتعبين وتشتغلين عشان تقطينهم على الناس
وبعدين مو كل عائله تتصدقين عليها تستاهل
تراهم نصابين وكذابين وانا ااعرف

1 عليها الحمدلله انا مو اضحوكه واذا ربي رازقني ومكتفيه ليه مااساعد غيري
وبعدين من تقصدين بالنصابين


2 تعرفين بنات فلان ترا قبل يومين رحت اتصدق عليهم
بس شفت بنتهم الكبيره لابسه بلوزه من ماركة مانجو

وغرفة بنتها الصغيره كلها العاب


1 وش دراك انها ماركة مانجو الاصليه او لا ترى فيه تقليد وبـ20 ريال

بعدين ماودي اضيع اجري بس ماابي اظلمهم ترى الالعاب حقت البنت الصغيره شريتها لها عشان نجحت
حرام اخليها تفرح بنجاحها


بعدين ترى كل الخير الي انها فيه من دعوات هالمساكين لي


2 والله مااتصدق على احد اذا ماردت بيته غرفه غرفه وشفت وش عندهم وش ماعندهم
واحقق مع الي المحتاجه الين اعرف كل شي واتااكد انها محتاجه انا مااتعب ع الفاضي مثلك


1 والله بتصدق يستاهلون مايستاهلون الاجر عند ربي



ماحبيت اتدخل لان واضح انها لسانها طويل
اعووووذ بالله وش ضارها تتصدق عليهم او لا

وتدخل بيوتهم تفتش تشوف اهم محتاجين او لا
والله حرام كسرت خاطر لهم
تحسسهم انهم كذابين
صح فيه ناس محتالين وكذا
بس حتى الي يبي يسوي الخير
مايفكر محتاج مو محتاج صادق كذاب يسويه وخلاص

ترى الصدقه اجر وتسويع ضيق
مو تحقيق واهانه للعالم
يعني حطي نفسك في مكانهم ترضين احد يدخل بيتك ويشوف وش عندك وش ماعندك عشان يعطيك مبلغ
وبعض الاحيان كل هالحوسه بس عشان 50 ريال الصدقه مالها قيمه محدده بس يعني مو توهمهم انك بتعطيهم مبلغ وقدره وفي الاخير شوي لا وتتمنن عليهم
خافي ربك لاتصرين مثلهم