لا تعطون المراهقين سيارات شوفوا وش صار .....!!!

السلام عليكم ورحمة الله وبركاته ..


كيف حالكم غالياتي ؟؟

يوم السبت بعد الظهر تفاجأنا بخبر مؤلم جداً ام خالد انسانه رائعه بكل ماتعنيه الكلمه اخلاق

وتعامل وفكاهيه جداً يعني اذا جلسنا معها دموعنا تنزل من الضحك معلمه راجعه من الدوام مع

زوجها وبنتها صف رابع وفي الطريق فاجأتهم سياره تحاول تجي عليهم يعني صاحبها متعمد يلف

ويرجع فوقهم حتى زوج ام خالد من الخوف والربكه فقد السيطره ع السياره وطاحت السياره ففي

منحدر بسيط حتى السياره الثانيه برضوا طاحت المهم الحادث غريب نوعاً ما ومانعرف تفاصيله

اللي بالسياره الثانيه ولد اختها في سن مراهقه وشافهم وعرفهم وحب يستهبل عليهم ويمزح معهم بالسياره

اللحين ام خالد في غيبوبه عندها كسر في الرقبه وكسر في الجمجمه وكسر في الكتف وتتنفس صناعي


بنتها الصغيره في غيبوبه عندها نزيف دم على الرئه وثنتينهم حالتهم خطيره بالعنايه

وولد اختها صاحب السياره الثانيه عنده كسر في الرجل وحالته النفسيه زفت مره امه وابوه

غاضبين عليه دايم كانوا ينصحونه من السرعه ويهاوشونه وحالتهم حاله

فنصيحتي لكم اخواتي لا تعطون المتهورين السياره الا في الضروره وبمراقبه من الوالدين الله يصلح لنا النيه والذريه .



اسأل الله العظيم رب العرش الكريم ان يلطف بحالهم ويشفي ام خالد وبنتها ويردها لأهلها وزوجها واولادها بالسلامه انه ولي ذلك والقادر عليه

دعواتكم اخواتي لها بالشفا ولولد اختها فدعاء المسلم للمسلم بظهر الغيب مجاب

اللهم ياكريم يامنان يامن تحيي العظام وهي رميم اشفهم شفاء لا يغادر سقما يا الله