لا تعليق

اخاواتي بنات حواء ودي اقولكم على مشكله يمكن ماهي كبيره بس والله تضايق :29:
الزبده..انا لي متزوجه خمس سنين وكم شهر في بداية زواجي كنت اتكشخ والبس واكون في ازهى صوره لما يجي وبصراحه كان يمدح بس شوي شوي شفته معد يهتم حتى في قمصان النوم كنت اتفنن فيها بس الحين والله مانتو مصدقين ايش انام فيه كلها شيرتات وقديمه معد اهتم حتى في التجديد اواشتري لوبجامات جديده مايهتم ولا يطالع انا وش نايمه فيه لو البس خيشه قسما بالله مايدري ولا يهتم وش انا لا بسه والله لو اشوف القمصان في الاسواق اطالعها واتحسر مو معناته ان العلاقه الزوجيه منقطعه لا هذا ماله دخل بس الانثى بالفطره تحب تلبس وتنمدح من زوجها ولو حاولت اسوي جو والا شى مااحس انه مبسوط عادي ولما اشوف افكار بنات حواء للرومانسيه واليالي الحلوه احس ان العبره تخنقني اول ماتزوجت كنت احرص على كل مناسبه حلوه واجبيب له هديه مثل الاعياد وذكرى زواجنا اسوي فيها حركات واتحمس واشتري له هديه في البدايه كان يجيب هدايا في ذكرى الزواج واكون انا اللي مذكرته اما آخر مره ماجاب شئ ولا طلعني ولا شئ بس احس اني مليت وقلت في نفسي خلاص ماراح اجيب له هدايا مع اني كنت حريصه اني ماافوت مثل هالمناسبات بتقلون كلميه كلمته ووالله يتاثر بس ماشوف اي تغيير :06: يقول اني دايم اجي من الدوام تعبان وهو ديم تعبان ومنهد هذي المقوله الشهيره عنده طيب ونهاية الاسبوع؟؟؟؟ قولو لي وش اسوي احس اني منقهره وبطق......