كيفكم يا احلى حوامل
عساكم بخير
عشان احبكم حبيت انبهكم
لي من ولدت اربعين يوم
وجبت احلى جودي
وكان ولادتها احلى لحظه في حياتي لكن بعد ولادتها مريت بأسوء ايام حياتي
والسبب
ومن بعد الولاده قالت لي الدكتوره اتشطفي بماي دافي وملح
ولاني ما ركزت معاها بدل ما اتشطف كنت اتنقع في المويه
والي صار اني ما قدرت بعد الولاده اجلس زي خلق الله
كنت دايما منبطحه حتى الناس تجي تسلم علي وانا مثل الاميره النايمه
ولا كنت اقدر امشي طبيعي كل ما مشيت احس زي النار في الخياطه
ولما ادخل الحمام اهلي يسمعوا صراخي
وماكنت انام كل ما انام اصحى من الوجع
وغير كذا بنتي ما حطيتها على حضني
لاني دايمامنبطحه
وكنت ارضعها وانامنبطحه
وكل من جاء لي وعنده ولاد وجرب الخياطه اسألهم هل مريتوا بها المعاناة يقولوا اي بعدين يخف
المهم بعد اسبوع على ولادتي رحت المستشفى ولو بتسألوني كيف ركبت السياره
اقول ليكم اني انبطحت على الكراسي :eek:
كشفت الدكتوره وكانت النتيجه
التهاب شديد في الخياطه
وبواسير :o
والسبب الالتهاب هو كنت اتنقع بدل ما اتشطف بالماي والملح
والبواسبر هي سببها الامساك طبعا
وبعد اسبوع ثاني على الولاده قامت الناس تبارك لي على ولادتي وعلى جلوسي :p
فانصح كل وحده على وجه ولاده تنتبه تتشطف مو تتنقع
لا تحركي وايد على جرحك وخليكي دايما دافيه اهم شيء من تحت
غير كذا اتركي حبوب الحديد وعوضي عنها باكل اللحوم و اشربي لك ملين اسمه سوفلاكس لتفادي الامساك والبواسير
اشربي دايما اشياء ساخنه وكثري من الماي والماي اشربيه فاتر
وسمعت كمان لاتنامي على ظهرك خليك على جنب عشان يرجع الرحم الى مكانه
وتقوموا بالسلامه
المتوسله @almtoslh
محررة
يلزم عليك تسجيل الدخول أولًا لكتابة تعليق.
ساره 2011
•
الف الحمدلله على سلامتك وسلامة البنوته ربي يخليها لك ويحفظها...وماتشوفي شر اختي
الصفحة الأخيرة