موسم الرطب واكيد الكل يحب الرنقينه وللي ما تعرفها تتفضل الطريقه
المقادير
كميه من الرطب المنزوع النوى( ويفضل نزع النوى من غير تقطيع الرطب ) وانا استخدم عود كبريت
واحلى شي رطب الخلاص لاكن مو شرط ممكن استخدام اي نوع بس يكون ناضج
كوب طحين مشفشف خفيف ومنخول ( ضروري حتى لا يصير فيه كتل بيضاء)
ورشة كركم
2ملعقة هيل
2ملعقة دارسين
سكر بودره ملعقتين
زيت حوالي نص كوب
الطريقه
يصف الرطب في صحن التقديم بالطول
يوضع الدقيق في قدر على النار مع ملعقة من الهيل والدارسين والسكر ورشة الكركم ويقلب حتى يختلط ويكون شبه سائل
ممكن اضافه زيت زياده اذا احتاج
يصب الخليط على الرطب
ويرش بالباقي من الهيل ثم الدارسين ثم السكر البودره
وصحتين وهنا على قلوبكم
وهذي الصوره من مطبخي جبتها لكم على طول
وصوره مقربه
وسلامتكم