لا تقولي عجينة العشر دقايق ولا غيرها .. غير عجينة الخلاط ما تعتمدي

السلام عليكم ورحمة الله وبركاته

طبعا انا عذااابي كان عذاب مع العجين لغاية ما قلت بس مافي امل فيني
كرهت فرني وكرهت العجين والعجن وكل شي لغاية ما وقعت العجينة هذي بين ايدي

في اليوم الموافق 20 نوفمبر 2007

دخلت المطبخ واعلنت الحرب وبديت اسوي في العجين واضربها واضربها
لغاية ما تعلمت الادب وشكلتها وخبزتها والحمدالله النتيجة كانت مرضية جدا

لاول مرة في التاريخ :icon28:

ما حطول عليكم وللمعلومية العجينة منكم وفيكم << بنت ناس يعني :42:
اخدتها من المنتدى وناس كثير عارفينها بس حبيت انقل تجربتي
وكمان اعرفها للي ما يعرفوها

مميزات العجينة :
ما تحتاج تخمير
تشكيلها سهل جدا جدا
طرية مثل القطن
تحتفظي فيها لليوم الثاني وهي لسه طرية
وما فيها ريحة الخميرة


يالله نبدا بالمقادير :
بيالة زيت >> البيالة هي استكانت الشاي الكباية الصغيرة الطويلة
3 ملاعق طعام حليب بودرة
2 ملعقة طعام خميرة فورية
3 معالق طعام سكر
كاس طحين ابيض
كاس ونص ماء دافئ

نضع كل هذه المقادير في الخلاط ونضربها ضرب مبرح لمدة سبع دقايق او اكثر
وهالخطوة مهمة جدا

بعدين نحطها في الصحن اللي حنعجن فيه وحتلاحظي سخونة المزيج ونبدا نضيف دقيق عليها في حدود 2 كاسين دقيق <<< انا اخدت مني كاسين وشوي

وحاليا ممكن تبدي تحشيها على طول
لكن انا تركتها ترتاح وغطيتها على ما بديت اسوي الحشوة

واول ما خلصت بديت اشكل واحشي ودهنت وجهها بالبيض

طبعا الفرن كان ساخن وجاهز
حطيت العجينة وخفضت الحرارة عليها وتركتها

وبعدين صحة وهنا

وهذي صورة فطاير السبانخ

ولاتنسوني من صالح الدعاء :26: