كربوجه وينج
عسى المانع خير انشاء الله
انا ناطرتج على احر من الجمر
مع السلامه

هلا حبيبتي ..تسلميلي
انا هون بس معلش عندي صحبتي فرحها السبت ودايخة معهها لانه ماضلش وقت بس هلا راح اكتبلك الرد وان شاء الله يكون عاذوقك
انا معك ما تقلقي

كيفك اختي الكريمة نصفي الثاني
والله انك اسعدتيني لما قلتي انك وصديقاتك استفادوا من كلامي ان شاء الله دايما اقدر اساعد كل اخواتي اللي يحتاجوني بكل المعلومات اللي عندي.... ونكون في عون بعض
والحمد لله ان زوجك اتشجع لان فعلا لبنان حلو بيستاهل وانا مامصدقة امتى انزل هيك بس اسمع ان حد نازل كتير بنبسط له......
خليني اقولك شغلة ....عارفة امبارح انا دخلت النت بالليل بس مانتبهت لردك شفت اخر شي ردي وكنت هاحطلك معلومات عن الاسعار اللي طلبتيها لاني كنت بفتش في اوراقي عشان في اخت عزية متلك كمان طلبت شغلة فكنت عم فتش في شغلاتي واوراقي المهم لقيتلك اسعار اشياء كنت اشتريتهم من لبنان وكنت بطلب دايما ورقة مفصلة عشان اتذكر ايش اللي اشتريته...

شوفي هابدا بالميك اب اللي اشتريته من برج حمود ...اراكس
دالي روج ....3الاف ليرة ....
دالي بلشر....6الاف ليرة
دالي مانيكير...2الاف ليرة

هي ماركة ثانية هيك اسمها
y.m rouge..........4000lira
nail polish st.gamoh.......4.500

بالنسبة لسؤالك اذا موجودين باراكس وبس لا طبعا موجودين في كل مكان سواء
دالي ,سيموا..سيفنتين عافكرة كتير حلو وهو من قبرص بس مرتب ...ميك اب و مانييكير و فاوندتنان
والماركات الثاينة ....
يعني هتلاقيهم في ال آ بي سي abc............بس طبعا بيزودوا شوي عليه في السعر

وكمان في phv monoprix ...بس الاسعار هون اقل من ال ا بي سي وبعدين هتلاقي ستاند فوق مليان ميك اب حلو من دالي ل سيموا ل سفنتين....
يمكن السفنتين الروج اللي هو لاستينج بيكون طويل ونحيف ب 7000 الاف على ماتذكر
عموما راح احاول افتش يمكن الاقي اسعار هي الشغلات عندي....

وممكن تلاقي هدا الميك اب كمان في الحمرا ...في محل في الحمرا للمكياج في نفس صف المحلات اللي وصفتلك اياها وتاع السحلب ....بس خليني اتذكر يمكن اسمه شي كراجيه والله راح من بالي هلاء...
وكمان في محلات جانبية هيك بتكون زغيرة بس مش عارفة كيف اوصفلك اياه .....
شوفي في الحمرا هتلاقي محلات احذية جمب بعض ....هتمشي في هدا الشارع وتتفرجي عالاكسسوارات ...بعدين هدا المحل اللي بقولك عليه زغير بس الست اللي فيه منيحة جمبه محل كاسيتات هتلاقي عندها كل شي ...ميك اب سيموا ودالي وطبعا محلها زغير فهتلاقي اسعارها منيحة كمان....
وكمان عندها شرابات لطيفة مش غالية وللاستعمال اللي يومي ....روحي وتفرجي هتلاقي شغلات حلوة

اه بدي احكيلك شغلة في محل نانسي للاكسسوار هدا المحل في الحمرا في شارع اسمه بافيليون ..نفس الشارع اللي في محلات الجزم والمحل اللي هلاء حكيتلك عنه
المهم المحل هدا عنده اكسسوار حلو بس غالي يعني ممكن يكون عقد واسورة ب 80 دولار....وطبعا اكسسوار
عموما اانتي ما تخليهاش تضحك عليكي وتبيعك اشياء انتي مش بحاجتها وفاصلي معها لو فكرتي تشتري من عندها....
بس في محلات اكسسوار جانبية كمان فيها اشياء حلوة وهتلاقي في اراكس ...

في شغلات اشتريتهم من اركس وكانت اسعارهم كالتالي
مثلا كيلوت 5.500 الاف
بس لانه بالفرنسي مش عارفة اترجم وطبعا انا في الفرنسي بعرف بس قليل ...
المهم في اسعار هاتكون ب 4000,8000,18000 يعني منوع

انتي حاولي تستفيدي بكل وقتك في لبنان
يعني اذا بدك تكوني قريبة من السوق بس طبعا هاتكوني بعيدة عن البحر
انا بنصحك بفندق ميرديان كومودور ......واللي اقبر منه للسوق اوتيل الكزادور وهدا 4 نجوم بس كتير مرتب عموما الفنادق في لبنان مرتبة ونظيفة ...طبعا الكزادور اقل بالسعر ممن الميريدان....
بس انا هاقولك شغلة مرة نزلت فيه صاحبتي وجوزها اخدوا الجناح ب 60 دولار بالليلة وفيه صالون ومطبخ
لكن الميريدان قعدوا في غرفة ليلة وحدة ايجارها 95 دولار وكان هدا وقت مهرجان التسوق يعني بالشتا

وباتو ليلة كمان في الرويال بلازا ب 250 دولار ....
يعني اذا بدك رايي انا صراحة بشوف انه حرام علينا نحط هالمبلغ في فندق مش هانقضي فيه طول اليوم بس عالنومة وياللا ...يعني اكيد الله هايحاسبنا طالما في بديل ومافي داعي للمظاهر اللي لابتفيد بس بتضر.....
وطبعا انتي وراحتك انتي وزوجك بس شايفة انه ممكن تستفيدي من المبلغ اللي هاتحطيه في الفندق في الفسح و التسوق ولا شو رايك...
عموما انا ذكرتلك امثلة عن الفنادق ...وكمان لو صادفك انتي وجوزك فندق اسالوا وشوفوا واختاروا اللي بيعجبكو...
في فندق حلو كمان اسمه سي رووك
هدا عالبحر ولفوق شوي اذا بدك ببعتلك تلفونه
هدي الفنادق لو هاتسكنوا ببيروت مش بالجبل
---------------------------------------------------------------------------------------------------------------
خلص استقريتوا بفندق حاولوا تستفيدوا من وقتكو منيح
مثلا لو الصبح تسوق ...وانتبهي ان السوق في لبنان بيسكر بدري يعني حوالي الساعة 7 او 8 مش متذكرة بالليل بس انتي اسالي وهم هايقولولك...
خلي الضهر للغدا ....ويام لازم تطلعوا فيها عالجبل ....واصحوا بدري ماتتاخروا في النوم وياريت تصحوا بدري وتتمشي انتي وجوزك عالبحر عن جد التمشية عالروشة والبحر بتجنن....بالفجر وبالليل بتجنن عشان بتشوفي انوار الجبل .....
الافطار بيكون عادة عالفندق ..لو ما حبيتوا فيكوا تتروقوا مناقيش او كنافة بكعك من عند الحلاب و سعد الدين البحصلي .....
شوفي هدول في منهم قدام الروشة في يا الحلاب ياحد تاني كمان اتلخبطت في الاسم روحي الصبح انتي وزوجك خدي سرفيس من الفندق قوليله بدي اروح الحلاب اللي عالروشة ....واتذكريني واديعلي انه اللي يحقق لي اللي في بالي وانه يطعمني ويسقني من الجنة انا واهلي .....ونشرب من ايد الرسول الكريم

اذا بدك تفطري مناقيش فماتعديش كل العالم بيعملو مناقيش بلبنان...اي مكان هتلاقي فيه ....
وفي بربر بالحمرا بيعمل وعنده مشويات للغدا اذا حبيتوا ....

في ساحة السوليدير كمان حلوة القعدة فيها وهتلاقي عالم هناك.....
زوري سوق البرغوث ....بس خلي بالك من البراغيث عم امزح

ايوة في محلات بتسكر بدري زي ا ال آ بي سي هدا بده صبحية او ضهرية حسب وقتك .....
لكن ال بي اش في هدا ممكن تروحيله بالليل .....فاتح وكمان اللف والقعدة فيه حلوة... وبالنهار لو رحتي مش غلط المهم انتي وجوزك نظموا وقتكواا
في اماكن لازم تروحوها تتفرجوا عليها
زي
مغارة جعيتا
حريصا...بتركبوا تلفريك و بتتطلعوا لفوق وحلوة الطلعة فيه.....طيعا هي منطقة جونيه وحريصا ...وماتنسي تتصوروا لان الصور حلوة في هي المنطقة
لما تطلعوا التمثال اللي هي ل سيدة حريصا ...هو مزار سياحي لاي حد بيروح ..وطبعا مزار هام للمسيحين بلبنان.....بس يعني مافي مشكلة كل الديانات بتروح تتفرج ....حبيت انوه الك ...
بيت الدين....هدا في الشوف
قلعة موسى ...مغارة كفر حياما كمان في الشوف ....
في متحف جبيل في جبيل فيه تماثيل شمع اذا حبيتي لجبران خليل وصباح وهيك.....وفي شغلات تنشرى منه

دايما اسالي اللبنانين اللي في المحلات هادلوكي وهم متعاونين يعني ااسالي وين ممكن اروح في عالية والشوف ...
في كمان منطقة في الشوف اسمها داني شمعون فيها متحف جوه حلو كمان ...
وفي مطاعم في الشوف حلوة زي
مطعم شلال نبع الصفا ...........ونبع مرشد
هتلاقي محلات للتسوق كتير في واحد من هاي المطاعم وحلوة القعدة فيه يعني رواق وهيك منظر حلو...

الاسواق بتكون فيها شغلات ممكن تقعي على اشياء حلوة من اشياء مختلفة ...وفي وحدة واقفة عندها اشياء معمولة في البيت طيبة زي مرى التوت وعصيره ...

في مطعم الساحة هدا في بيروت حلو ...ومن التراث ومافيه اي نوع من الكحول ....
في مطعم او كوفي اسمه باي روك كافيه عالروشة حلو كتير القعدة فيه صبح وليل بس بالليل كمان احلى...

في برمانا ...انا عني ما بشجعك تروحيها بالليل بالذات لانه فيها محرمات كتير ...يعني مغنيات وبيرقصوا بلبس مش محترم وممكن تشوفو محرمات انا ما بحب اروحلها .....انا بيهمني المنظر الحلو والاحترام طبعا عشان احنا محاسبين على كل شي بنعمله ونشوفه ونصرف فيه فلوسنا...

في مطعم جنة بيت مري حلوو....كتيررررررررررررررررررر
في مطعم فوار انطلياس حلو والقعدة حلوة فيه ..

في مطعم الخيزران هدا بالجنوب للسمك والميزة ان قعدته عالبحر و في مسبح للناس اللي حابين يسبحوا ..هو اكله طيب بس صراحة انا ما بحبه لما بروحه بتعصب مش عارفة ليش....

وفي الطريق لصيدا في حلواني مشهور فيكو تشتروا من عنده حلويات وانتوا راجعين
كمان في قرب جونيه حلو عروس البحر ...

وشو كمان بقدر افيدك .....ان شاء الله اكون كفيت ووفيت


في مطعم برازيلي في شارع مونو بيروت انا مارحته لسة بس سمعت عليه
وفي مطعم في برمانا اسمه كرم حلوة القعدة فيه بالليل بس مشكلة انه بيكونوا جايين يسهروااا و ممكن يشربوا ويرقصوا يعني مابنصحك فيه بس الصبح
كمان الاشرفية منظقة مزدهرة فيها كايفهات وتسوق
في نهر الكلب ...ملاهي مائية اسمها rio lento
في الكاسليك في المرسى انا سمعت عنه بس لسة ماشفته

في متحف المشاهير في ذوق مصبح قرب مغارة جعيتا
وعندك مطعم وادي اشمون ب صيدا

في مول اسمه سبينس بيفتح من 8 ص ل 12 م


وفعلا بتلاقي الاسعار في اركس حلوة يعني ممكن تلاقي شغلات موجودة بغير اماكن نفس اللي في اراكس بس اغلى بكتير......
وانا اشتريت البنطلون والتنورة وشغلات حلوة ولسة حتى مانزلت عاالدول التانية ...
بس في اشياء بتكون نيو كوليكسيون يعني حديثة كتير هاتكون اغلى ماعليها تخفيض بس كمان اقل من فردان وغير اماكن....

اذا بتحبي قمصان النوم الدلع هتلاقي وحتى الاندر وير

وماتنسي تشتري كولونات اللي بلمعة اسمها ساتينيه من هناك في بيكون فيها مشدات وكتير حلوة عالالبس ...
وموجودة بالحمرا بماركات مختلفة ...شوفي جربيهم وانتي في بيروت واذا عجبوكي اشتري منهم زي ما بدك

انتي هتلاقي الوان ونقشات حلوة منها مقلم ومنهها اللي فيه ورد شوفي وانتي وذوقك ...
يعني ياريت فيني فيدك لو كنت هناك كنت لفيت معك ...

في سوق مار الياس هدا روحيه واسعاره منيحة...
نسيت اقولك ان قدام فندق الميريديان كومودور في محلات للعبايات و شغلات التراث ما بعرف انا بحب هي الشغلات كتير ...

اذا حبتي تتصوري انتي وجوزك صور حلوة في فوتو ناجي بالحمرا ...والجامعة .....وفي مصورين كبار زي دافيد عبد الله ووسيم رحال ...يعني اذا بتشوفي الصور اللي في كتاب احمد قبيسي المصور هو وسيم رحال صراحة فنان....
بس طبعا صورهم غالية نوعا ما

لو حبيبتي تعملي ميك اب عند حد مش غالي وحلو في في الحمرا اذا بدك ببعتلك تلفون ....
ولو حابة عند احمد قبيسي في عنده مدام شطورة و حبوبة كتير بتعمل ميك اب ...

بالنسبة للميك اب اللبناني عندك دالي و سابيل وكمان حلو ....
بس يموا اعتقد فرنسي هاشوفلك عندي واقولك...

ملابس النوم الخفيفة هتلاقيها في اي من اللي قلتلك عليه ....حتى في عندك ال ’ بي سي اللي في الحمرا نسيت اقولك لانه في آ بي سي اشرفية.....

بالنسبة للتكسي صراحة مابعرف كم بياخد ...بس مكن السرفيس يحاسبك عن اي حد يركب يعني تدفعيله بدل الركاب ..

وممكن تتفقي مع محل لتاجير السيارات وتريحي نفسك....يعني اسالوا الفندق اللي هاتقعدوا فيه بيكون عادة في سيارات وانتوا تاخدوهم لحسابكو
او في محلات تاجير سيارات بشوفير او من غير يعني لو حابب زوجك يسوقها من غير شوفير....



ملابس اطفال هتلاقي رخيص وغالي في الحمارا واراكس وال ا بي سي وفي اي مكان ..
عندك محل الدوريدوا فيه ملابس لكل العيلة....
البوتات هتلاقي في فردان والحمرا و ..بس اذا بدك زي بوت نانسي وهيك روحي فردان ....وطبعا في شغلات حلوة كتير تياب و بوتات وصناديل و ميك اب ...انتي نوعي بين الغالي واللي اقل لانه في شغلات حلوة وسعرها عالي بس بضل حلوة....
كا تنسيش اذا بدك ماركة كريولان هتلاقيها في فردان ...وفور ايفر كمان و ماركات عالمية ....حلوة
انا بنصحك تشتري من لبنان لانه اللي بيكونوا واقفين عالاستاند خبيرات وبيساعدوكي عشان تنقي الشي المناسب لك

عا فكرة فردان فيها شغلات حلوة الامود وكتير حلوة....وهي عدة مجمعات لفي فيهم وهتلاقي تياب و صنادل وبوتات حلوة وشيك كتير ...وايطالي
بس كمان اللبناني حلو .....

في اخت النا في المنتدى في ركن الماكياج كانت بتسال عن فاونديشن للاستعمال اليومي وفي اخت نصحتها تشتري سن بلووك ...مش موجود الا في لبنان راجعي الموضوع واشتري منه وانتي هناك
وماتنسي تروحي ل زين الاتات ...موجود في طريق المطار واشتري من عنده ...

لما تروحي عالية بيكون في اسواق فاتحة بالليل وكمان فيها اشياء حلوة مطرزة ....
وعلى فكرة عالية حلوة للسكن يعني لو لقيتوا شقق وفنادق هناك حلوة براد ومنظر ولا اجمل .....بس هاتكوني بعيدة شوي عن بيروت بس مشكلة اذا معك تكسي .....
ونصيحة دايما اسالي اهل البلد عن الاماكن الحلوة اللي تروحيها و الاسواق الحلوة .....يعني ماتنحرجي ابداا..

اللانجري موجود في كل مكان وحلو
في فردان
واراكس و
الحمرا و
مار الياس و
ال بي اش في و
في ال آ بي سي
حلو و شغلات كتير شيك و دلع و في للبيت مريحة و في الاندر وير حلو كمان وفي كل مكان

ان شاء الله اكون افدتك واي سؤال ما تنحرجي ابدا ...واللي بعرفه راح اقوله واساعدك واي حد يطلب .....
ومعلش اذا اتاخرت بس زي ماقلتلك عندي صديقة بتتزوج ودايخة معها

امتى سفركوا باذن الله .....؟؟ان شاء الله بالسلامة وتكون رحلة ميسرة ان شاء الله

والله يكرمك انتي وزوجك والصبايا وصحباتك اللي ذكروني بالخير وحابة اقول اشي
انه احنا مامورين انه نكون اخوة في الله ونساعد بعض ...

جزانا الله واياكم خيرااا

انا هاحطلك هدا العنوان مممكن مكن تشوفي فيه فنادق لبنان وتلاقي معلومات تفيدك

www.allosiyaha.com

كلمة كفيتي ووفيتي قليله جدا بالنسبه لك اذا قلتها لج فانا راح اكون مقصره معاج واايد لانها شويه حق وحده مثلج انتي رائعه فعلا انتي طيبه وانسانه خلوقه بمعنى الكلمه انتي مش كفيتي ووفيتي انتي كامله والكامل لله
اسمحيلي اني اقول لج انتي اللي مثلج نادرات وانتي نادره ياكربوجه الحلوه
وانا راح ادعيلج مب اليوم ولا لما اجي لبنان بس لا لا انا راح ادعيلج طول حياتي طول ماانا موجوده على هاذي الدنيا اللي لسه هي بخير وفي ناس تحب الناس وتحب اتساعدهم في معلوماتهم مثلك ياكربوجه
(اللهم يسر امورها ووفقها في اللي في بالها اللهم امين )
(اللهم اسعدها في حياتها اللهم امين )
اللهم اسقيها واطعمها من الجنه هي واهلها )(اللهم نور دربها بدرب الايمان )
اللهم ثبت الايمان في قلبها ولكي تكون من الجنه هي وذويها وترى رسولك الكريم )
اللهم اميييييييييييييين
انتي تستحقين اكثر من جذيه لكن حطي في بالج اني ماراح انساج ابدا ياكربوجه
والله يوفق صحبتج انشاء الله ويسر امورها
وانتي ماخليتي شئ الا وقلتيه يعني انا ماعندي طلب اطلبه وتصدقين ان صديقاتي كانوا ناطرين ردج وانا وياهم بفارغ الصبر وهم شافوا الرد قبلي واتصلوا علي وقالوا لي يالله روحي المنتدى وشوفي الرد وااااااااااااااو على الرد مافي زيه ابدا في كل المنتديات وانا ووياهم كنا بحاجه لمثل هاي الرد واكيد العالم كلها استفادت مثلنا وانا متاكده ان الكل قام يسجل كل اللي انتي كاتبته لانه شئ مايتفوت انتي من كل شئ كتبتي كانج مرشد سياحي ماشششششششاء الله عليج
اختي كربوجه عقب اللي كتبتيه انا اكن لج كل التقدير والاحترام وماعندي شئ اطلبه منج لانج كفيتي ووفيتي وماخليتي شئ الا وقلتي وكتبتي عنه
وانا اشكرج ومعاي زوجي كل الشكر وصديقاتي بعد والله يوفقج ويحقق كل شئ لج
وانا ايد كلامج ان الفلوس المفروض ماتروح على الفندق كلها اوفرها للمشتريات وصح كلامج الفندق للنوم وباقي الوقت احنا برع الفندق يعني حراااام ندفع حق غرفه 250 دولار مثلا للنوم واللي يبي يسافر يستحمل التعب ويشوف العالم ويشتري اللي نفسه فيه ولاحق على النوم صح ولا لاء
وكل كلمه قلتيها بخصوصهالنقطه انا ماايدتج وراح اسوي اللي قلته باذن الله
على العموم اختي كربوجه انا والله سعيده في كل ردودج اللي راح تكون مخزونه عندي للابد وانا واااااايد استفدت منهم وانشاء الله اقدر اروح كل محل ومنطقه وسوق ومطعم من اللي قلتيهم لي علشان اتذكرج يالكربوجه الحلوه
واخر كلامي كل كلمه قلتها لج شويه في حقج وانتي يمكن تستغربين مني ومن شكري لج بس والله لاني في غاية السعاده من كلامج لاني باختصار كل مااكتب في منتدى يكون كلامهم بسيط ومايوضحون لي مثلج وانا بحاجه على هاي النوع من التوضيح الجميل وعلشان جذيه انا ممتنه لج وااااااايد
والله يجعل هاي الشئ في ميزان حسناتج
ومشكوره على الرابط لانه وااايد فادني
وتسلمييييييييييييين :24:
:26:
ومع السلامه
واذا عندج اي معلومه اخرى لا تبخلين علينا فيها (صج انا طماعه )
واذا انا ابي ايشي بعد راح اكتب لج بس انتي لا تنسيني ياكربوجه الحلوه
مع السلامه

تسلمي يا نصفي الثاني ...انتي وصديقاتك وسلميلي عليهم واذا هم بيقروا ردي سلامي لهم
وطبعا لازم لما اكون عارفة شي ابلغه متل مابعرف من غير مجاملة سواء حلو ولا مش حلو ....وانصح لان الدين النصيحة ......
وفعلا ياريت كل الاخوات اللي بيحطوا ردود ويكون عندهم معلومات كتيرة ما يبخلوش عنا فيهم....عشان الكل يستفيد...
واللي لسة عنده اي معلومات عن لبنان يحطها الك وللكل عشان يستفيد

وتسلمي على الدعاء والله يتقبل منك يارب ....ويجمعنا واياكي في الجنة ...
ودايما تذكريني بالخير وانا هاذكرك بالخير ان شاء الله

جزاكم الله خيرا

اذا حبيتي تعملي شي بشعرك او بادييكير او اي شي في الكوافيرة ياللي قلتلك عليها بالحمرااا كتير منيحة وحبوبات
اسالي الصبية اللي في محل ايف روشيه عليها وهي راح اتدلك ....انتي بس قوليلها انه بدك كوافيرة بالحمرا وهي كتير قريبة من محلها ...يعني اذا انتي في محل ايف روشيه ...بتمشي شوية وبتلفي يمين بتلاقي الكوافيرة حدها محل هيك زي جميعة بيبيعوا فيها شغلات للبيت وللزينة فيكي تشوفيها كمان...بلكي لقيتي شي حلو واسعارهم رخيصة ..
المهم الكوافيرة جمب الجمعية..
اختي انا بدلك عالناس اللي جربتهم ولقيتهم طيبين ومش نفسيات وحشة .....وكمان الصبية اللي بتعمل بادييكير وميك اب كتير طيوبة و خلوقة وممكن تدلك على الشي اللي يناسبك .....
صراحة انا كتير بقدرها للبنت لان فعلا خلوقة وبتستاهل
بالنسبة لميك اب دالي في درجة حلوة لما تحطي عليها جلوس بيطلع شكلها حلو كتير .....خذي رقم 4 كتير حلو
وفي 83 حلوة كمان ونقي اللي بيعجبك
وماتنسي تشتري كتاب احمد قبيسي عشان تتعلمي وتعملي الميك اب عاذوقك .....
في بيكون بهالشهر معارض بتتعمل في الجبل صناعة يدوي كتير حلوة لو عرفتي تروحيها بنصحك تشتري من عندهم لانه بيكون في افكار حلوة كتير للحمام الله يعزك ...وللبيت عموما ....
واستفيدي من فلوسكم بشي اهم من الفندق ...طبعا بدي تنتبهي الاسعار اللي عطيتك اياها للفندق كانت بشهر التسوق يعني ممكن يكونوا بالصيفية مغلينها شوية.....
في محل في الحمرا اسمه الينا لانجري هدا موجود ... الحمرا كومودور ....كمان اطلعي عليه ...خدي فكرة


وان شاء الله رحلتك تكون موفقة وتنبسطي فيها انتي وعيلتك وترجعي بالسلامة
بس بدي اضيف اضافة ...بما انك رايحة لبنان والاستاذ عمرو خالد كمان في بلنان .....ياريت اذا قدرتوا تروحوا تحضرواااا برنامجه صناع الحياة عالهوا .....واتذكرينا ...
انا للاسف ماعندي العنوان اللي بيعطي فيه محاضراته في لبنان .....لكن ممكن نشوف موقع عمروخالد يمكن يكون ذاكر فيه العنوان او التلفون........واذا لا
ممكن تسالي حد في لبنان من الناس اللي ملتزمين بعتقد ممكن تلاقي عندهم الاجابة......

واي سؤال تاني من عيوني ..وانا اذا اتذكرت شي تاني بكتبلك عنه.....

سلام