لا تلومونهم ودوروا اعذار ......لأني منهم أفهم ليش يسوون كذا

السلام عليكم ورحمة الله وبركاته
أكيد تتساءلون منهم اللي أنا منهم؟؟
بصراحة من زمان وأنا ودي أكتب عن هالشي
وكل يوم يصير شي يخليني افكر في هالموضوع
خصوصا لما اقرا بعض مواضيع البنات اللي كلها لوم وعتاب للناس الثانين
ومواقف في حياتي تصير
نفسي الناس يفهموني:icon33:
والله قلبي طيب
بس هالأشياء تصير بدون قصد:09:
ولا أفكر فيها أصلا

تبون تعرفون انا اتكلم عن ايش
عن الواجبات الاجتماعية والمجاملات
احيانا اقرا وحدة تشره على صديقتها لأنها ماتدق عليها
أو وحدة تشره على بعض قرايبها اللي مايزورونها اذا ولدت أو حتى يدقون
أو
أو
من هالأشياء .....فهمتوا؟
يعني أنا وحدة ماأفكر اني ادق على أحد ابارك له
مع اني أكون فرحانة له وادعي له
بس مايجي في بالي أدق
واذا جا في بالي يكون الوقت غير مناسب
وشوي وأنسى
دائما أنسى
دائما أنسى

يعني أنا لما ولدت آخر مرة
وحدة من سلايفي ماجت تسلم(أصلا معظمهم مايجون ولا أزعل عليهم)
وبعد شهرين أو ثلاثة كنت أتكلم مع زوجي
وقال ان فلانة(سلفتي) ماجت تسلم علي متقصدة
لأني ماعطيتها هدية يوم ولدت قبل سنة تقريبا
أنا وقتها احس اني جتني حالة غريبة
وقعدت اصيح:icon33:
وزوجي يقول وش فيك ...... مافيه شي يصيح
أنا وقتها حسيت بالذنب والفشلة
وحسيت اني مالي داعي
لأني أيام نفاسها كنت في بيت اهله(وهي كانت عندهم)
وكنت كل يوم انزل عندها واحبب ولدها واغير له حفاظته واسولف معها
اثاريها ناقدة علي
ادري ان المفروض اعطيها
بس مدري وشلون راحت عن بالي (يمكن لأن زوجي ذيك الفترة ماكان معودني اهدي احد)

الموقف الثاني
كلمتني وحدة من قرايبي وصديقة عمري(احنا ثلاث صديقات )
وكانت تسولف عن وحدة من اقاربنا
ذيك البنت حبوبة وأنا بصراحة اغليها وأعزها
ذيك البنت مانشوفها الا كل سنة أو سنتين مرة (وأحيانا أكثر)
بس اللي تفاجأت منه
ان صديقتي تقول انها شرهانة علي
لأن صديقاتي الثنتين يهتمون فيها وأنا مهملتها
اللي فاجأنا انها معتبرة نفسها كأنها مثلنا (يعني رابعتنا)
هي عزيزة وغالية بس مستحيل تصير مثلهم
والثنتي اصلا
وحدة بنت خالها (قريبة منها مرة)
والثانية ساكنة عندها في نفس المنطقة (يني مالهم غير بعض)
والله وقتها مدري كف حسيت:icon33:

أحس اني ساذجة احيانا
ودائما انسى اسوي الواجب
بس والله مو هدفي القطيعة أو الانتقام (مثل بعض الناس)
وأنا احب الناس كلهم
بس مدري وش اسوي بغبائي الاجتماعي؟؟:(