السلام عليكم ورحمة الله وبركاته
اسفة يابنات بس والله مره مقهورة في قلبي حرقة لسى ما انطفت على بنتي وشايفة إلى مايخافون الله قدامي في كل مناسبة وفي كل جلسة قدامي وانا مقهورة ارجع بيتي وأجلس على سجادتي وأسجد لربي وادعي كل ما اتذكرت بنتي ابكي بحرقة نار في قلبي ماني قادرة انساها والله كانت نور البيت بعد موتها البيت مظلم كئيب ممل مافيه نشاط وحوية مافي شيء اهتم فيه ويشغلني كنت أنا وأخواتها والكل ندور فرحها مانحبها تزعل كنا نغير جو كل اسبوع أو في الاسبوع كم مرة علشان تفرح وتضحك لو مرضت البيت كله ينقلب حزن وضيق ولدة بنتي وكانت ماشاءالله جميلة وبياضها صافي حلو ناعم شعرها بني ناعم ماشاءالله وأنا في الأربعين ما اقدر احملها من صحتها الوحيده إلى رضعتها من طبيعي كنت اتكاسل اعمل رضعة لييها رغم لما ولدت كنت اشوفها عادية رغم الكل كان يقولي حتطلع جميلة احلى عيالك المهم كبرت لحد ماوصل عمرها 6شهور أو 7شهور انقلب كيان البنت 180 درجة بكاء بطريقة متعبة تخيلو طول اليوم تبكي وجسمها يعرق بغزارة وأعصابها مشدودة والله كنت الف البيت بيها على رجولي علشان تسكت لدرجة اطيح من التعب وانا حاملتها كثير قالولي غيري اسمها من هذه الخرافات عرضناها على دكتور في مستشفى العسكري كانو يجتمعو أكبرالدكاترة ودكتور امريكي معاهم ولا هم عارفين اش في البنت جلست 20 يوم وخرجت رحت عرضتها عند افضل دكاترة الأعصاب متعجبين من حالة بنتي كل التحاليل والاشعات المقطعية سليمة حتى من جلدها أخذه عينة وسفرتها وعضتها على دكاترة اعصاب برضو كل شيء طبيعي رضيت بحالها وكنت فرحانة بيها مرا رغم إنها لا تتحرك ولا تتكلم بس كانت ماشاءالله ذكية جداً تخيلو لما أكون في المستشفى الحريم الكبار يدخلو من الباب يشوفو بنتي وحتى لسى مايجلسو يقلولي ودي بنتك للشيخ بنت مش مريضة 4 حريم كبار في السن قالولي كدا وانا وقتها زعلت قتلهم أنا راضية ببنتي وحامد ربي عليها المهم سجلتها في مراكز تأهيل علاج طبيعي حتى الأمهات كان يقلولي ودي بنتك للشيخ بنتك مش مثل عيالنا وفعلاً كنت اشوف بنتي مش زي عيالهم إلى عندهم ضمور ملامحها تختلف ملامحها طبيعية جداً بس جسمها كان يدهور بسرعة سارت نحيفة جداً رغم إني مهتمة جداً في أكلها وصحتها سجلتها في مركز تاهيل ثاني أكثر من وحده تقولي ودي بنتك للشيخ لما كنت اكلم ابوها كان يعصب ورافض تماماً كلمة شيخ وياويلنا لو فتحنا قرىن في البيت يقلب الدنيا المهم صديقاتي نصحوني اقرأ سورة البقرة عليها بدأت اقرا سورة البقرة عليها البنت تجلس ترافس وتعصب وأنا لافتها بيدي بقوة وبحضني لحد ماتتعب وتنام وبعد اسبوع من قرآءة سورة البقرة عليها والله سارت تستفرغ مثل الدم الأسود وعلى وسخ تخين كأنه شيء خيوط مدري اش كان بس تخيلو مثل البزبوز بكميات كبيرة استغربت اش هذا كلمت صديقاتي قالولي شكله هذا سحر في بنتك مش حسد قتلهم مستحيل ليه يسحرو طفلة صغيرة اش عملت ولا أنا اش عملت واستمريت فترة اقرا البقرة والبنت بستفراغ فجأة ابوها عصب وعرضناها على دكتور قال مدري اش هذا بعد الكشف عليها اتنومت اسبوع معاها في المستشفى كانت معايا وحده في الغرفة مشتركة كنت لما انام افتح التلفزيون على قناة المجد القرآن وبدات البنت تستفرغ ويتجمعو الدكاترة ويعطوها مهدئات لأانها كانت تعصب وتعرق عرق فظيع وبعدين الحرمة غلى معايا قالتلي بنتك مسحورة وسحر مشروب جلست ابكي بكاء قهر ليه ذا كله سحر والله ماكنت احط في بالي بحياتي كلها اشوف أحد مسحور كنت اشوفه شيء خرافي شوفتي في بنتي أهل زوجي ودوني للعمري والله دخلنا عادي البنت قبل الشيخ يدخل فجأة البنت قلبت مثل الخشبة وصارت تدفعني للخلف بقوة سرت اقولها اش فيكي وتناظر بعيونها لجهة معينة سرت اشوف الرجال طلع الشيخ من يوم شافته إنقلب حالها كنت في وسط المجموعة بدا الشيخ يقرا في طفلة شوية ينظر الشيخ لبنتي خلص البنت ساب الباقين ومسك بنتي من حلقها وبنت سار جسمها قوي تدفعني بقوة وحزنت عليها الشيخ قالي لازم تدخلي في غرفة كنت اسمع الحريم يصرخو قبل يدخل الشيخ عليهم قلت للشيخ ليه قالي إلى في بنتك شيء قوي مارح ينزل بسهولة بعد اسبوع رحت للشيخ رغم إني قرات سورة البقرة وشوفت الغرفة خوفت وسمعت اصوات الحريم تخوف قلت للحريم السماعدات اش يسير في الغرفة قالولي كل شيء خوفت الحريم ينقزو ويتقفل باب الغرفة حسيت بخوف قوي ورجعت أم زوجي ماقدرت تدخل معاها حتى الحرمة المساعدة للشيخ قالت صعب أنا امسكها بعدها بفترة حلمت شغالتي حلم قلقني مرا على بنتي جلست ادور على مفسر وحده مفسره قالتلي بنتك حتتزوج رجل ذو شأن قتلها بنتي ماتتحرك ولا تتتكلم كيف تتزوج ما أقتنعت المهم لاقيت مفسر مدحوه قلتله الحلم طول مكالمتي معاها وهو يقول لا حول ولا قوة إلى بالله حسبي الله ونعم الوكيل بعد ماخلصت قتله اش في قالي لازم اشوف البنت وأبوها معاها قالي عندك بنت عمرها 6 سنين وبياضها مشع قلته ايوا قال البنت لازمها روقية قوية كلمت ابوها بهدلني وأهل زوجي حاولو معاها يوديها الشيخ رفض تماماً وهدد المهم مرت كم سنة سار عمرها 9 سنين ونص سرت بس افتح قرآن لما يكون خارج البيت للبنت ولما تنام على الجوال افتح آية الكرسي وبنت في تعب الله يعلم بيه والله كانت فترة الحج كانت تتعب تعب يبكي الحجر يهد جبل الكبير ما تحمله مدري اش كانت تحس في جسمها والعرق كأنه أحد مغرقها في بركة لا بنج ياثر فيها ولا شيء وأنا انهد معاها كنت أتناوب أنا والشغالة عليها بعد فترة تعبت تعب وانا افتح آية الكرسي وكل ماخلص عدتها فجأة البنت سارت تنظر بعيونها في غرفتها كأنها تتابع أحد في الغرفة كنت اقولها اش فيكي اش تشوفي كانت أول تفهمني اي شيء بعيونها أو تفهمني بي تصرف تعمله تنبهني للشيء تحتاجه سارت تنظر بعيونها كأنها تتابع شيء لحد ماخرج من باب غرفتها وأنا أتابع نظراتها وا،ا مجلستها في حضني فجاة البنت داخت اصحي فيها ماترد ولا تتحرك صحيت ابوها ورحنا العسكري بسرعة أتلمو الدكاترة فجأة البنت تدهور حالتها والكلى تفشل عندها والدكاترة والله حيتجنو عليها وانا حتجن عليها يطلعوها العناية مافي لحظات يركبولها الأجهزة إلى يتوقف التنفس عندها سرت ابكي بحرقة وابوها تعب رغم زمان كان يقولي لماتتعب وأوديها المستشفى يقولي تموت افضل ترتاحي كنت اعصب عليه لما فعلاً تعبت تعب سار هو يبكي عليها جلست اسبوعين ومارضيت افارقها لحظة حاولي يخرجوني من العناية رفض وقلبت الدنيا لهم وبعد يومين قالولي اتوفت دماغياً بس والله كان عندي أمل تقووم وترجع بعدها بيومين قالولي فشل الكبد عندها قلت لأبوها مارح تعيش البنت سرنا بتعب نفسي فظيع ومر اسبوع والدكاترة يحاولو فيا ما أجلس في المستشفى كانو مايبغوني اشوفها تموت قتلهم انا راضية بقضاء الله وحامد ربي على كل شيء بس لا تحرموني اكون معاها في اخر لحظاتها وبعد اسبوعين سارت دربكة الممرضات ونادو الدكاترة كانت البنت خلاص تفارق الحياة حاولو يخرجوني من الغرفة رفضت قلت أخر نفس يخرج منها وأنا معاها مع كل نفس ينقص أحمد الله وياربي اجعلها شفيعة ليا ولأبوها كلنا أنهرنا بس حسبي الله على من ظلم طفولتها بسحر وقت حياتها حلمت حلم وكنت سبحان الله أكلم الشيخ يفسره ليا كان يقولي لما تجي إنتي وأبوها افسره لكي ورفض حتى اقول الحلم بعد وفتاتها بسنين فسرت الحلم في المنتدى هنا وحلمت وحده أعرفها ونعامة رغم في الحلم ماكانت في بنتي قالولي إنه بنتي كانت مسحورة والغرض من سحر بنتي موتها وفلانة إلى في الحلم هي السبب في سحرها وفعلا بنتي وقت حياتها كانت هذه الإنسانة تدخل بنتي تصرخ وبكاء فظيع لحد مانخرجها من الغرفة رغم تكون وقتها هادئة بنتي ماكانت تجتمع معاها في مكان إلى حال بنتي ينقلب بصراخ وتعب وكانت بنتها لما تشوف بنتي بحضني تضحك تقولي ودي بنتك للشيخ وكنت استغرب تصرفها وكانت بنتها زمان تقولي المفروض زوجك يكون زوجي رغم زوجها مثل الخاتم في أصباعها والله تهينه قدام الكل وهو مطأطأ راسه لتحت ولا ينطق بكلمة وتخليه يطلع يسب في أمه وأخوانه وكل يوم عامل مشكلة مع أهله بسببها حتى أهله سكنو ناس ضعاف على قد حالهم رجل كبير في السن مع زوجته وبنته مطلقة وأخوها وزوجته في شقة بس عرفت عندهم بنت مطلقة تخيلو تخلي زوجها كل يوم يروح يهينهم ويضايقهم علشان يطفشو من البيت بس أخوانه وحريمهم الباقين يحزنو عليهم ورافضين خروجهم من البيت والله كانت ايام تمرعليا في السنة مستحيل اجلس في بيتي لا اطيق زوجي ولا زوجي يطيقني اشوف عيونه شيطان يكون فترة إختبارات عيالي وكانت وحده من قريباته تعطيني أكل لزوجي يحبه والله على نيتي أعطيه هو وسار الكل يعرف في هذا الوقت من السنة ما أجلس في بيتي وبعدين سار الكل يقولي شوفي قبلها اش يسير فعلاً لما رفضت أعطي زوجي الأكل من قريبته والله حالي أتغير معاهاوحياتي بهدوء ولا خرجت من بيتي الحمدلله الله يكفيني شرهم رغم ولدها يصر ناخذ الأكل ونقوله ياولدي مانبغى شكراً يصر إني أعطيه لزوجي سرنا ناخذ الأكل واستغفر الله نكب في الزبالة وكانت أمه تظهرلي الأخوة والمحبة كنت أعتبرها أخت رغم بعض التصرفات النكدية إلى اشوفه منها بس كنت اطنش بس ماكنت اتوقع تعمل لزوجي سحر علشان ياكله وينكد علينا حياتنا وقت الإختبارات علشان مايجيبو درجات في الإختبار ونتنكد في الإجازة وكلمت زوجي ماياخذ أي أكل منهم لو اش يسير الحمدلله حياتي بخير الله يديم عليا بس بس مشكلتي دحين ولدي له كم سنة كاره البيت وكاره جلسته معانا لما أكلمه يقولي مدري ما أطيق اجلس
الله يوفقكم ماكتبت قصتي رغم إني أول مره اكتب موضوع يخصني عن حياتي إلى من قهري وتعبت في حياتي من حقد وحسد إلى مايخافو الله ما اطلب منكم في هذه الأيام تدعو معايا على من ظلم طفولة بنتي ربي يدمرهم ويجمد الدم في عروقهم ويلقو في من يعزهم وعيالهم إلى سار في بنتي اضعاف مضاعفة في حياتهم الله يخليكم لا تنسوني من الدعاء في هذه اليالي المباركة ممكن تكون في وحده من الأخوات ربي إن شاءالله مايرد لها دعاء والله محتاجة دعائكم قلبي محروق على بنتي 9 سنين في عذاب الله يعلم بيه والله ليلة يقولو رمضان بنتي تفضل طول الليل بصراااااخ وبكاء وتعب وسامحوني لو ضايقتكم اكتب وانا منهارة بكاء وقهر
ام رهف م @am_rhf_m
محررة
هذا الموضوع مغلق.
الصفحة الأخيرة
الله يشفيها يشفيني ويشفي كل مريض