لا تنطشوني

اولا السلام عليكم ورحمة الله وبركاته
وثانيا كل عام وانتو بخير يارب وتصومو وتفطروا على خير
ثالثا عندي طلب وبالله عليكم لا تنطشوني
انا عندي تجديدات ببيتي يعني راح انقل جلستي للصالة وصالتي عبارة عن زوايتين زواية راح اخليها جلسة وزواية راح اخليها طاولة طعام عائلية وغرفة معيشتي القديمة راح اغيرها وتصير غرفة نوم لأولادي
وبرضو راح اغير صالوني وراح تكون عندي غرفتين غرفة صالون استقبال للضيوف وتطل على غرفة الطعام الخاصة بالضيوف
وبعد كل هادا ابغى مشورتكم يااهل الذوق أيش الألوان المناسبة لكل غرفة يعني انا محتارة خصوصا بغرفة عيالي والصالة لانها هيا اللي راح أبدأ فيها دحين ايش الوان البوية الدارجة وايش المناسب لأطفال اعمارهم من 1 إلى 4 سنين
وبالنسبة للصالة ايش رأيكم هل عندكم أفكار للبويات وهل كل زاوية أعملها بلون مغاير ولا أعمل الصالة كلها لون واحد خصوصا أني خابة اسوي تغيير وحركة بصالتي لانها راح تكون جلسة ليا وراح تكون بوجه الباب يعني راح استقبل فيها اهلي واهل زوجي ابغى شي يكون مرتب
وبالنسبة للصالون وغرفة الطعام تبع الضيوف انا ماني مستعجلة عليها دحين بس اللي عندها خلفية بالديكور ياريت تفيدني خصوصا انو كنب الضيوف لونه سكري وداخله عودي
ياريت تفيدوني ياأخواتي
واللي يكون عندها صور ياريت ترفقلنا هيا
أسأل الله انو يكتبنا ويكتبكم من عتقائه بهذا الشهر الفضيل ويتقبل صيامنا وقيامنا
تحياتي
أختكم
سويت مدام