لا تنقبي عن المشاكل.... ولا تدققي في صغائر الأمور .....طيب وبعدين ؟؟؟

كل ما احب افضفض لصديقيتي الحميمة ترد مسرعه:
لا تنقبين عن المشاكل .....لا تدققي في صغائر الأمور ......وعيشي جياتك ؟؟؟
طيب وبعدين اي حياه هاذي وانا اعاني وأسكت وانجرح من زوجي وانطم
بس ما في فايده تبقى المشكله
إن لي حد للصبر وأيضا لي طاقه إذا زادت عن حدها بأنفجر والأهم في حدود لا زم يعرفها؟؟؟

بنات أي شرع هذا إلى يجبر الزوج على الأهتمام في أبنائه إذا تعبوا وزوجته لا !!!!!!!!!
والله لي كذا يوم تعبانه من الم في اسفل ظهري وقلت له وأرسلت له رساله
بس للأسف التطنيش كان الجواب؟؟؟؟؟؟؟؟؟؟؟؟؟
صح سألني من إيش يوجعك؟
وشخص الحاله وقال أكيد برد يا حبك للمكيف وش إستفدتي الحين جاكي برد يومين ويخف !!!!!!!!!!!!

طيب اليوم ولده إرتفعت حرارته وإنتم عارفين الأطفال في هالوقت ترتفع حرارتهم عشان الجو حتى عيال أخواتي كلهم إرتفعت حرارتهم وعطوهم مسكنات وتحاميل وكمادات والحمد لله يومين وكل شي تمام


لكن ولده لا حرارته غير............
ما غير كل شوي تدق عليه زوجته الثانيه وتقوله ترى حرارته مانزلت عطيته دوا ونفس الشي وهلم جرا ما يمر ربع ساعه إلى وهي داقه...

اخر شي قالي وش رايك نطلع نتمشى ونتعشى برى قلت له ياليت لي إسبوع ما طلعت من البيت

دق عليها ها كيف الولد وأنا طالع ناقصكم شي ؟؟؟
قالت خلنا نوديه المستوصف هو ما صدق حبر تقول حرارته ما إنخفضت ابد
وطلع وخلاني وودوا ولده !!!!!!!!
طيب ليش يوم تعبت ما فكر ؟؟؟
وولده ركض عالمستوصف

انا تعبت من جد احيانا اقول لو نفترق يكون احسن ولا تعب الأعصاب وضيقة الصدر ؟؟
لدرجه أحيانا ما أحس في قلبي أي ذرة حب له
أحسه إنسان أناني ما يحب إلى نفسه وعياله
وانا أبغى من يهتم فيني

اسفه طولت عليكم بس حبيت اكتب لكم عشان ارتاح واشوف حل لمشكلتي إلى ماراح تنتهي
اخيرا يا زوجي
لا تحملني ذنب عدم الإنجاب وتعاملني كالمهانه .............