لا تياسوا من رحمه الله تعالى

اخواتي لا تياسوا من رحمة الله و احسنوا الظن به سبحانه و تعالى النهارده قريت مواضيع كتير عن ناس ياسوا نتيجة لكلام الاطباء ان لا علاج لهم
عايزة اقوللهم حاجة اعرف قصص ناس كتير جدا عندهم مشاكل في الحمل و لسنوات طويله و في النهايه و بدون توقع ربنا رزقهم من حيث لا يحتسبون و بعدين مش ربنا سبحانه و تعالى قال " انا عند حسن ظن عبدي بي" فاحسنوا الظن بالله
ح احكي لكم قصة ( ع )
متجوزة من 18 سنة و لم تحمل و لفت على اطباء مصر المشاهير كلهم واحد واحد لدرجة انها كانت تتعالج عند دكتور مشهور جدا الله يرحمه كان وزير الصحة و ده كان اخر حد راحت له و قال لها لايمكن ان تحملي من زوجك هذا حالتكم مستعصيه و لا علاج لها عندي
قالت له طب نعمل اطفال انابيب ......رد : انه لا يجوز لانها ستفشل
و الست دي عايزة اقول لكم انها مرحه جدا ومؤمنة جدا قالت خلاص انا وجوزي بنحب بعض و ح نعيش كده و لن اقطع الامل من الله
وعاشت حياتها و شغلت نفسها بانشطة تطوعية و خيرية كتير و تحسيها مرحه و حبوبه و الله كل اللي يتعامل معاها يحبها من طيبتها و لا ياست و لا اكتئبت
و اخدت تحضر لفرح اخو جوزها الصغير و كانت تقريبا هي اللي مربياه و سفر للقاهرة كل يوم هي كانت عايشة في بلد بعيدة نوعا و تشيل العفش و تفرش البيت ( بدل والدته لانها ست كبيرة و هي في مقام امه )....... و مجهود الجهاز هي اللي كانت شايلاه على دماغها و بعد الفرح بتاعه لاحظت ان الدورة متاخرة اوي يعني تقريبا 3 شهور من بداية توضيبات الجهاز وهي ما كانش في بالها و قالت لواحدة صاحبتها قالت لها يمكن حامل .....قعدت تهرج و تقول لها بع ما خلاص داخله ع الاربعين ....استحااااااااااااااااااااااااااااااله ...ز دا انا خلاص عندي سكر و ضغط خلااااااااااص
بعتت جابت لها ممرضه من الصيدليه و عملوا التحليل طلع ايجابي قعدت تبكي و مش مصدقة و الحمد لله راحت للدكتور و الدكتور ما كان مصدق ابدا ....... و الحمد لله ربنا كرمها بمصطفى ( قولوا ماشاء الله ) و طلع ولد زي القمر



نقول سبحان الله الرزق بيده و اذا اراد شيئا انما امره بين الكاف و النون ...... لا تيأسوا من رحمته وادعوا الله ان يرزقنا جميعا بالذرية الصالحة ان شاء الله
و ادعوا كل اخت لديها قصة ان تكتبها لتكون دعوه للصبر و للامل