لا حول ولا قوة الا بالله

السلام عليكم حوائياتي(صح):)
من صباح رب العالمين باكتب لكم موقف صار معي وانتم احكموا.................بس لا تحاولون تنصحون او تبررون انا عارفة ان هذا طبيعي من جنس الرجل المتبلد وماهمني بالعكس ادعي واستغفر واسبح عشان اطلع السالفة من بالي وابعد الشيطان بس حبيت انقلها لكم ماادري لحبي لكم واحساسي انكم مثل خواتي وابي اشارككم بكل شي
استفدت من هالمنتدى كثير الله يعطيكم الف عافية في طرقا لتعامل مع الزوج والحركات الحلوة اللي تقربك من زوجك....المم امس كان زوجي جالس في البيت الين المغرب لما جا يطلع الصلاة سالتها اجهز قهوة بترجع بعد الصلاة قال مادري؟؟!!!!على حسب
بلعتها وسكت قمت وصليت وجلست اسشور شعري من باب الفراغ واتصلح قلت افرفش شوي الا دخل...!!(مالقى احد يروح له)
جلس يلعب مع ولدي سوني وانا اقوله طيب وش رايك نطلع اليوم قال مالي خلق انت تحبين الفرفرة وانا طفشاااااااان وودي اجلس في البيت حتى عندي شغلة مهمه وبادور احد يسويها عني..؟؟سكت رحت اغسل الملابس واكمل تصليحي لنفسي...قال وين على هالكشخة قلت معزومة؟؟!!(وحده ودها تنعزم)
في هذه الاثناء اتصلت والدته المصون الو فلان ليش مارحت لاخوك بالحفل حقهم اتصل علي يبكي ويقول خلي اخوي يجي؟؟؟؟؟خلاص ابشري باروح
(الحين جا له نفس يطلع من البيت)
طبعا ماخليتها بنفسي قلت يعني بتفضى وتروح له؟؟؟
استغفرت ربي وقمت للكمبيوتر ...لما اذن العشا جا لابس جاهز وطل علي تبين شي قلت مو تتاخر امس راجع 3 وقبله 2 اليوم ابيك 10 ترد...قال والله واعدت لي رجال وانشاء الله مااطول معه:lick1:
المهم كملت شغلي وكملت غسيلي وجاتني فكرة افرحه فيها لانه قال بالكثير 10 ونص وانا عندك
اعطيت عيالي شراب ينوم عشان افتك منهم والى الحين مافيهم اللي تحرك تقولين ضحايا حرب- ومابقى شمعة في البيت الا ولعتها وخليت كشختي اكثر واكثر تلفيف ومكياج وفستان وارسلت له رسالة ان الحفلة تبي تبدا الساعه 12 وبعدها ماراح تدخل ووحركات حلوة كلها من منتدانا الله لا يحرمنا منه:pinklove2 طبعا اول شي لطعني الين وحده ولما جا عرفت انه كان عند امه لا رجال ولا غيره؟؟؟؟؟؟؟؟؟المهم كملت كل اللي انا مسوية وفي اثناء ما انا ارقص قال ايه الواحد كذا ينبسط ويوسع صدره وطلع لسانه:09: !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
(حركة عفويه يخرج فيها اللسان بمقدار1 ونص سم للتعبير عن كذبه فيما قال)اتمنى تكونون استوعبتوها؟؟؟انا لمحته وقلت ليه عاد كذا وكملت ولا عندي فيه قال لا موقصدي بالعكس انا مبسوط ومعجبتن الحركة والحفلة الحلوة هذي...لم اكترث من قوله وطنشت....
انقضى الليل ونمنا بسلام لما جات الساعة 7ونص جوالي يرن؟؟؟؟امه!!!!!!!!!!!!!
شوي الا تدق على البيت صحيته وقلت امك على التلفون قال رديتي قلت لا طلع جواله ويحصل 25 مكالمة؟؟؟؟؟تذكر انه مواعد اخوه يطلع شغل هو واياه؟؟؟من بدري وانا لو ابي شي بدري مستحسييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييل:
بس ابي افهم انت واخوك متواعدين امك وش دخلها تقومونها وتزعجونها ليه هذا الشي اللي يقهرني فيهم كلهم اي شي لازم يمرون على امهم ادري امهم لاتقعدون تقولون بس احيانا اشياء تدل على انهم بزران واحيانا اشياء يروعونها فيها وهي مالها ذنب يعني عجيبين..وانا اشك لكن باتعوذ من ابليس انه امس لما كان مطيح عندها اتفق مع اخوه قدامها عاد قامت تبي تشوفه الى جا ومو بعيده مجهزه الفطور عشان تفطر معه وانا قبل لايطلع اقوله وش مشتهي اصلح لك قال ولا شي شبعان...يمكن عندهم يجوع:)(انا اقول كذا لان امه هذي تنافسني عليه بطريقة وكانها ضرتي!!!وتعامله احيانا كانه زوجها تتقرب منه بطريقة وتحط يدها على رجله وسواليفها معه في غير وجودي نوعا ما محظورة!!!!!!لاتقولون تبالغين بس خليها في القلب تجرح ولاتطلع للملا تفضح؟؟؟
المهم الحين راح وانا مالي الا الله ثم حبيباتي الحوائيات اسولف عليهم واذكر لهم وش قد الرجال غريبين....
طولت عليكم بس عديها حلقة من مسلسل او مذكرات ولا تبخلين بالتعليق ولك الحب:26:
ليش مايرضى يطلع لي صور حطيت كم صورة تعليق ومارضوا ينشرون الموضوع يقولون كثيره..؟؟وانا اشوف ماشاء الله بعض البنات الصور اكثر من الكلام؟؟!!