لا صراصير بعد اليوم ... صدقوني هالمرة وكذبوني باقي العمر

السلام عليكم ورحمة الله بوركاته

يا اخواتي انا سجلت خصيصا عشان هذه المشكلة الي ما فيه بيت بالسعودية ما يشكي منها وانا بعد الله عرفت الحل النهائي للصراصير

خلونا ناخذها خطوة خطوة والموضوع يبيله صبر وان شاء الله تدعون لي بعد هالموضوع

اولا كل بيت له تصريف خارجي للمياه المستهلكة و من هنا تجي كل مشاكلنا




_فتحات الحممات



_ المغاسل


_ فتحات احواض الاستحمام



_ فتحت المجلا



_ فتحات الارضيات



بأختصار كل مكان يخرج منه الماء لخارج البيت هو مجال للصراصير انها تدخل للبيت من خلالها





الحمامات



الحمام العربي هو اكبر مشكلة لأنه تقريبا مكشوف على شبكة التصريف وبسهولت واغلب الوقت الصراصير


تدخل منها بعكس الحمام الافرنجي اللي نادر الصراصير تدخل منه لكن الحمام العربي حله سهل وبسيط .


فيه علبة صغيرة تنركب على فتحت الحمام العربي وبكذا تمنع الصراصير من انها تدخل


لكن نقطه مهمة جدا جدا الحمام العربي بالعادة له حواف على الجوانب حواف مخفية اذا ما نضفت زين تتكاثر


الصراصير بها مرررررررة وتسبب رائحة كريههة جدا جدا


لازم ينظف قبل تركب العلبة ولا ما نقدر نلغي الصراصير





المغاسل




المغاسل بحد ذاتها نادر ما تدخل منها الصراصير لانها مرتفعة تقريبا ممكن تدخل لكن مو مثل الحمام العربي

لكن مشكلت المغاسل وهي اكبر مصيبة ان حوض المغسلة ممكن يركب بصورة خاطئة اقول ممكن ولازم تتأكدن من ذلك

حوض المسلة يجي لي ( خرطوم ) نحيف يجي من المغسلة ويدخل في ماصورة بلاستيكية دخل الخرطوم هذا بالماسورة يسوي فراغ بسيط من هنا تجي اغلب الصراصير وهذي مصيبة كبيرة لان الصراصير بس تدخل راح تعشش داخل زواي المغسلة وهذي مصيبة

والحل سهل يلف الفراغ بشطرطون ( شريط لاصق ) وانتهينا من المغسلة



فتحات احواض الاستحمام



اذا كان حوض الاستحمام من النوع الارضي فهو راح يسوي مشكلة كبيرة لانه بس تتدخل الصراصير من فتحت حوض الاستحمام الصغير راح بسهولة تدخل لباقي ارجاء الحمام وبالعادة يكون نفس الحوض مكشوف من الطبقة الداخليه للحوض يعني الصراصير مو لازم تدخل من نفس الفتحت لا ممكن تلقالها طلريق مختصر بفتحة صغيرة حول الحوض لكن ما اقول الا حسبي الله على العمال اللي ما يعرفون يشتغلون زين بتركيب الاحواض واساسيات البيت بشكل عام

الحل

بالنسبة لفتحت تصريف الماء بالحوض مالها الا سدادة الحوض السود وبالنسبة للشقوق الي حول الحوض حلها ابسط

وهو الجبس اللي يجي على شكل طحين من محلات البناء ( الكيلو بـ 3 ريال )

يخلط مع الماء ويصير عجينة وتتقفل الفتحات وانتهينا

بالنسبة لحوض الاستحام الكبير ( البانيو ) المشاكل مع الصراصير لا تذكر لنها اذا دخلت ما تقدر تطلع منه

لكن واكرر لكن ممكن يكون في جوانب الحوض فتحات او سيراميك مفكوك او مكسور ممكن تتسلل منها

وحلها بـ 3 ريال الجبس اللي قلنا عليها مع البانيو الصغير

على فكرة الجبس هذا معجزة لربت البيت

بس بعدين نتكلم عنها



فتحت المجلا


وهذي بنظري اكبر مصيبة لأن الصراصير تفضلها لأنها قريبة من المطبخ اللي فيه فتات الطعام و الزبالة

وركزو معاي زين

المجلا تقريبن مشكلة مثل مشكلة المغسلة خرطوم صغير وماصورة

لكن اغلب البلاوي تجي منه وحلها بـ 3 ريال

شريط لاصق ( شريط يجي ورق وعريض ) تلقينه عن المكتبات

هذا اذا كان مجلك فيه نفس المشكلة لان بعض الجالي تختلف




فتحات الارضيات


فتحات الارضيات للاسف تترك عادة مفتوحة وهذا خطأ كبير لانها يجي لها غطاء المفروض تتقفل فيه وما تفتح الا وقت الشطف ولا تترك ابدا مفتوحة

وفي حال اذا كان الغطاء ضائع ( مفقود ) راح تلقينه في محلات البنا بـ 5 ريال واحد جيدي بس لازم نفس الماركة حتى يركب الغطاء عليه







وفي النهاية قبل انهي الموضوع

ركزو بس على الحمام العربي لأن موضوع الحواف الداخلية للحمام مليانة مليانة ملينة صراصير



وبكذا لا نشتري مواد كيميائية ولا بودرة ولا عجينة ولا ابر المانية ولا بلاوي متل تلة

وسلامتكم


ايه قبل ما انسى

لي موضوع قريبا ً عن النمل

راح تقضين على النمل نهائيا


بس نفذو اللي قلت عليه وراح تدعون لي


خبرة طويلة في البيوت المستأجرة علمتني هذه التجارب

وسلامتكم مرة ثانية