الجيده @algydh
محررة
لا كل شيء يهزكن
السلام عليكم ورحمة الله وبركاته
==
كيفكم واخباركم
بناااااااااااااااااات ياحلواااااااااااات
والله إني أستغرب من بعض المواضيع
وبعض مشاكلكم مع أزواجكم
كل ما طق عود عود قالت الوحده أنا حامل ونفسيتي تعبانه
ما أبي أطبخ ولا أنظف لاني حامل
أذكر أول نشوف الحركااااات هذي في بعض المسلسلات ونضحك عليهم
أنا ما أقول الحمل مو تعب إلا تعب ودوخه ووحم وثقل
بس أبي كل وحدة تسأل امه كيف كان وضعها يوم كانت حامل فيها
حمولة وطبخ عزايم وغسيل وكوي وقليل اللي عنده شغاله او يودي للطباخ
ما غير ذبايح تنسف وكرشتها قدامه
ومواعين كومة
ويمكن كومة بزران
والحين الوحدة كل شيء متوفر ولو يقول له زوجه أبي كاس شاهي
قومت الدنيا وزعلت وبيت اهله
ولو يضحك لإخته أو يجلس مع امه
أو يرد السلام على مرة إخوه
قامت قيامته
ونزلت موضوع تشتكي منه ومن قسوته
ويجيه كم رد يزيدون الطين بله
وبعد إسبوع تنزل موضوع
بنات أبي حل مايرد عليّ
كيف أراضيه ؟؟
ترى الرجال عملة نادره الحين ولاه عجز لايعرس خصوصآ إنه البيت صار جاهز
يعني وش يرده ؟؟
حافظن على رجالكن
ولا أنتي ميتة لو زينتي كبسة بدون كشنه
ترى الرجال يبي من الحرمة مثل ما تبي منه
هذي نصيحتي لكن
قبل لاتزعلين إدرحي الشيطان وإحسبيها صح
ولا تصرين خفيفة كل شيء يهزك ترى الثقل زين حتى بالزعل
لانه يجي يوم تحتاجين الزعل ولاه صدق يخاف من زعلك
ربي يسعدكن ويوفقكن وبنتي وبنات المسلمين
:26:
--
الجيده
19
969
يلزم عليك تسجيل الدخول أولًا لكتابة تعليق.
احلا موني
•
اللهم امين كلام يستحق االاهتمام
سومياتي
•
كلام سليم100%
المذكور عن الرسول ان النساء كفارات عشير
وادلة حق الزوج على الزوجه كثيييييير
وربط رضاه بدخولها الجنه
لكن اللي اشوفه هنا ان كل الحريم ملاك
والرجال هو اللي مقصر مدري كيف انقلبت الايه
تجيك الوحده تشكي وتقول وتصيح
وانا ماقصرت وهو اللي مقصر مدري كيف الوضع صار كذا
المذكور عن الرسول ان النساء كفارات عشير
وادلة حق الزوج على الزوجه كثيييييير
وربط رضاه بدخولها الجنه
لكن اللي اشوفه هنا ان كل الحريم ملاك
والرجال هو اللي مقصر مدري كيف انقلبت الايه
تجيك الوحده تشكي وتقول وتصيح
وانا ماقصرت وهو اللي مقصر مدري كيف الوضع صار كذا
الصفحة الأخيرة