لا للخطوبة نعم للزواج

بسم الله الرحمن الرحيم
كيفكم يا بنات انشاء الله تكونوا بخير
هذا أول موضوع لي في هذا المنتدى
موضوع العنوسة أو مشكلة العنوسة وأسبابها
موضوع عجبني قريته لكاتبه ممتميزة الجوهرة الشيخ
طبعا أنا أحب أقلكم قصتي وأتمنى انكم تاخذون العبرة منها يا بنات
لنقل بصوت عالي لا وألف لا للخطوبة
أنا كنت مخطوبة لأحد القرايب وأنا وقتها كنت طالبة في الجامعة ثاني سنة
وكان هذا الشخص طالب في الجامعة ثالث سنة وهو أكبر مني بأربع سنوات وطبعا اتفقو مع أهلي ان ولدهم أول ما يخلص دراسة ويتوظف على طول يصير الزواج
وفي وقت دراستي جوني خطاب بس الصراحة ما هم كثير يمكن جوني اثنين وكانوا اهلي يردونهم لأني مخطوبة
وعدت السنوات وأنا مخطوبة له ما في بيننا أي علاقة المهم هو خلص دراسة وما لقي وظيفة وأنا خلصت دراسة
وانتظر متى هو يتوظف وقدر الله ان ابوه يتوفى وهو ما توظف والظروف صارت صعبة
كلموا والدي بخصوص الزواج وهو صار يتعذر بسبب الوظيفة وظروفه المادية
وصار شكلنا بايخ قدام الناس
بعدين هو صارح والدي وقال أنا اعتذر منكم أنا ما أقدر اتزوج
وأنا اليوم عمري 27 سنة لا توظفت ولا تزوجت والسبب كله من الخطوبة
نصيحتي لكم يا بنات كلكم لا توافقون على الخطوبة
اما العريس يكون جاهز او مع السلامة لما تكبر وتصير رجال تعال دق ابواب الناس
انا صرت محطمة :icon33:
أمانة يا بنات انكم تدعون لي بالتوفيق وان الله يرزقني بالزوج الصالح عاجل غير اجل يا رب العالمين

والله يا بنات أنا أشوف هذا المنتدى متنفس لنا وأنا الي شجعني للكتابة معاكم اني شفت خوات كثير عارضين مشاكلهم والمواساة الي صايرة بينهم ما أقول غير بارك الله فيكم كلكم