لا للخلطــــــآاات .. بنآآآآآت تكفوون ردوو ع مووضووع البعثه

هلا بك يا قمر ..
للاسف حبيبتي لأ ما ينفع .. ولا كان السعودية كلها ابتعثت.

الوزارة عندها شروط للالحاق في البعثة وهي
انهاء 30 ساعة اكاديمية للبكالوريوس بمعدل لا يقل عن 2.5 من 4 ... او انهاء 9 ساعات اكاديمية للماجستير بمعدل 3.3 من 4 عالاقل )

يعني لازم تروحين للبلد اللي تبغينه على حسابك ..وتفتحين ملف طالب دارس على حسابه الخاص في الملحقية
وتبدئين دراسة

الشرط هذا تبع انهاء الساعات المطلوبة احياناً الملحقية تتساهل فيه وتلحق طلاب قبل انهاءه او في مرحلة اللغة ... واحياناً ترجع تطبقه وتشدد عليه ولا ترسل ملف اي طالب للوزارة الا بعد انهاء الساعات المطلوبة

وهم في الفترة هذي مشددين ...


يعني زي ما قلت لك تخلصين اللغة والتوفل وتختبرين الجيمات ولا الجي ار اي للماستر اذا كانت الجامعة طالبتها وتنقبلين في الجامعة.
بمعنى اخر تنهين كــــــــل شروط القبول تبع الجامعة وتجيبين منها قبول نهــــــــائي

بعد كذا تدرسين في الجامعة 9 ساعات اذا كنتي ماستر (تقدرين تخلصينها في سمستر واحد)
او 30 للبكالوريوس (تقدرين تخلصينها في سمسترين)

بعـــدين تقدمين طلب الالحاق.


...مااحد يعرف اذا ممكن يلحقونك في البعثة قبل تخلصين هالشروط لأن زي ما قلت لك احياناً يتساهلون واحيانا لأ... بس لازم تكوني حاطه في بالك وتكون ميزانيتك كـــافية لمدة لا تقل عن سنة او سنة ونص.


بالنسبة للغة والقبول النهائي والتحضير للامتحانات البعض تاخذ معاهم وقت طويل ومصاريف كثيرة .. بس لو قدرتي مثلا تختصرين الوقت وتجيبين التوفل من السعودية بيكون حلو
بتوفرين مصاريف دراسة اللغة اذا جبتي قبول مباشرة من الجامعة بدون الدراسة في المعهد
والجيمات او الجي ار اي اما تحاولين تلقين جامعة ما تطلبها ..
او تحضرين لها في السعودية وتختبرينها هناك
او تحضرين لها اثناء دراستك للغة في المعهد لو حابة.. بس بتزيد المصاريف لأن الفترة بتطول بالاضافة لمصاريف المعهد.

القرار راجع لك بس شوفي اللي اسهل عليك ويناسبك.


... بس فيه شغلة مهمه انه اذا تم الحاقك في البعثة باذن الله راح يرجعون لك رسوم المعهد او رسوم الجامعة
ماعدا المصاريف الشخصية طبعاً من سكن وفواتير وغيره.

فـ هالشي يمكن يخفف شوي.

ويمكن يكون حظك حلوووو وتجي مكرمة ملكية ولا زيارة وزير ولا امر مسئول بالحاق الطلاب .. او الملحقية نفسها تتساهل احياناً مين يدري.

واستخيري ان قررتي الروحة واحسبيها صح من كل النواحي

موفقة ان شاءالله

يعطيك العافية يا لا للخلطات

و موفقة يا ما على الدنيا تعب

لا للخلـــــــــــــــــــــطآت تسلم والله يمين ربتـك.. مآقصرتي على هالمعلوومآت

افدتيني.. كثير .. سعوودي قيرل ويآك يآرب

للرفع