السلام عليكم ورحمت الله وبركاته
ببدء في السالفه على طول
ابي احكي لكم قصت الضعف اللي كنت عايشته ومسيطر علي ومخليني كذا:35:ما كنت ادخل قسم الحياة الاسريه واشوف واستفيد كان كل همي شكلي لبسي بيتي احاول اكون مثاليه في عين ابو الشباب لحد ما جاء اليوم اللي صحيت منه من غفلتي يوم كان بتصير لي جاره وتستحوذ على الجمل بما حمل والله استفدت من عالم حواء الكثير وفعلا الرجال ما يحب المره الضعيفه المغلوب على امرها ما يبيها عجله يدورها وين ما يبي الرجال يكره هذا النوع من الحريم وربي
وصحيت من غفلتي يوم صارحني:arb: وقال انا ما احب المره الضعيفه اللي تسكت عن حقوقها اللي دايم تلتمس العذر للرجال وتنتظر انه يبادر ويعطيها حقوقها انا احب المره اللي تطلب حتى لو الرجال ما طاوع مره وثنين وثلاث احب المره اللي عندها حوار وما تسكت على اغلاط زوجها
وفعلا راجعت شريط حياتي وفعلا طلعت ضعيفة شخصيه واقوم افرفر في عالم حواء واشوف مشاكل هاذي وتعلم من هاذي وادعي لهاذي وكان بعض الاشياء نسخه مني للاسف:44:
هنا وقفت وقلت لا مو هاذي ساره اللي عرفتها اصحي يابنت قبل ما تصحين على جاره
وادخل موضوع وحده تتكلم عن المصروف وانه من حقك تطالبين فيه حتى لو عارض مره واثنين وثلاث وبيرضى وبيتعود وبيصير روتين
واروح يابو فلان ابي مصروف انت مو مقصر معانا بس انت عمرك ما قلت هذا مصروفك استغرب الرجال قال وانتي ليه ما تطالبين شفتك ساكته قلت عادي وش علي قلت فعلا انا اللي كنت ساكته والتمس له الاعذار واقول حتى تتحسن ضروفه
ودخلت موضوع وحده بعد تزوج زوجها عليها الله يرده لها ردا جميلا تقول انها كانت تخدمه بعيونها وضعيفه قدامه وفي الاخير جازاها بضره ليه طيب وانا عطيتك عيوني وسكت ورضيت وصرت لك خادمه هاذي جزاتي والرجال ما همه الجديده تطلب وتجره يمين وشمال وهات وجيب وهو على قلبه مثل العسل
وارجع واتذكر حالي اني لا قلت له ابي الشي الفلاني قال خلا ص اي شي اجيبه مشي حالك فيه حتى بعدين اقول حاضر وعلى امرك لو يقول يمين اقول معاك شمال معاك فوق معاك تحت معاك مع الخيل ياشقراء ما افرض رائي واصر عليه
قلت لا والف لا وانتضره على احر من الجمر واحط نفسي مشغوله واني واني
ها عسى ما شر ابد ياعمري بس ابي الشغله الفلانيه وابيها جديده مع الراتب واصريت وتراني ما امزح وارجال مستغرب ابي يكون لنا ايام في الشهر نطلع نغير جو نغير روتين
رد ان شاء اللله ما يصير الا خير
وفعلا حسيت براحه نفسيه واني تغلبت على ضعفي وسكوتي على كثير اشياء كل شي لازم نتناقش فيه وسبحان الله يجيب نتيجه بالحوار والتفاهم بابداء الرئي وعدم السكوت حتى لو اكتشفت انه خان ولا سافر ولا اي شي من المشاكل لازم الحوار بس بدون رفع صوت وهواش و ان كل شي بالتاني يجيب نتيجه
هذا ما تعلمته من عالمي عالم حواء
ان تكون لي شخصيه ورائي وكلمه وصوت وحوار ومطالبه مع زوجي ومع من حولي
لا للسكوت على الحقوق لا للتغاضي
ساره2009 @sarh2009_1
عضوة فعالة
يلزم عليك تسجيل الدخول أولًا لكتابة تعليق.
*رتاج*
•
ما شاء الـله
برافو عليكي
بس اوعي تضعفي و ترجعي متل اول
خليكي قوية و أد حالك و سدئيني انتي الكسبانة
برافو عليكي
بس اوعي تضعفي و ترجعي متل اول
خليكي قوية و أد حالك و سدئيني انتي الكسبانة
الصفحة الأخيرة
دعوتكم لي
اللهم ارزقني ولدا تقيا ذكيا ليس في خلقة زيادة اونقصان عاجلا غير اجل اللهم امين واللهم استجب اللهم استجب اللهم استجب
وجميع المسلمين
وصل اللهم على محمد وال محمد