لا للقمل لامكان للقمل بعد الان في شعر بنيتك

السلام عليكم يابنوتات ياحلوات

بما أني لاحظت كثير من البنات يشتكون من القمل ( وقانا الله واياكم منه )

ومشكلتهم انهم ماقدروا يتخلصون منه نهائيا او انهم اذا تخلصوا منه اختلطوا بناتهم مع ناس فيهم هالافة وترجع المشكلة مرة ثانية

وانا هنا بإذن الله عندي الحل الفتاك لهذه الافة بتتخلصين منها بإذن الله للابد مو حتى لو كانت زميلتها فيها قمل وبس حتى لو كانت (هالافة ) بكبرها هي زميلتها اتحداها تجرؤ تعشش في شعرها

طريقتي اذا طبقتيها بنفس ماأقولك راح تتخلصين من القمل وبيوضه للابد بإذن الله

هيا نبدأ بالطريقة مستعينين بالله

اول شي هذي الاشياء المطلوبة

20100711128-001

زيت زيتون ، خيط , مشط ذو اسنان دقيقة

اولا ادهني شعر ينيتك بالزيت واغرقيه بالزيت

الخطوة الثانية

لفي الخيط على المشط اولا في طرف المشط هكذا

20100711132-001

بعدها لفي كل سنين من اسنان المشط مع بعض خمس او ست لفات هكذا

20100711134-001

وكملي المشط كله بنفس الطريقة كل سنين مع بعض هكذا

20100711137-001

بعدها امسكي بنتك وأبدأي مشطيها بهالمشط من الفروة لاسفل الشعر مشطيها وطولي وانت تمشطين وبمنديل نظفي المشط وكملي تمشيط واذا كان فيك حيل فكي المشط ونظفيه وسويه بنفس الطريقة ومشطي شعر بنتك ثانية لما تحسين انه نظف مرة بعدها روشيها

طبعا كذا مو كافي لازم تسوين هالطريقة الاسبوع الاول يوم تسوين ويوم لا الاسبوع الثاني مرتين الاسبوع الثالث والرابع مرة وبعدين خليها شهريا كل شهر مرة

البنت راح ينظف شعرها من اول اسبوع لكن الاستمرار فائدته انها اذا خالطت بنات شعورهم وسخة على طول تتخلص من القمل اللي راح ينتقل لها من البنات

تمنياتي لكم ولبناتكم بشعر مفعم بالصحة والحيوية

أسأل الله ان يجعل عملي خالصا لوجهه الكريم