لا يا وجودي على المقناص يا طيبه

لا يا وجودي على المقناص يا طيبه

نبعد عن الضول والصجه والازعاجي

والجيب جاهز وجاهزةٍ مطاليبه

مع كل فجٍ خلا نمرج به امراجي

عليه ربع سنام الحق توفي به

بالطيب دايم لهم مدخل ومخراجي

الرجل يعتز في ربعه واصاحيبه

اليا سهج عن علوم الطيب سهاجي

خوينا الصدق ما نهفي مواجيبه

لا واللذي ساعات الشدة فراجي

والكل منا رفع صوتٍ يغني به

صوت يطلّع غرام بالحشى لاجي

والفرض لا حل في وقته نصلي به

محظوظ من يطلب الخالق له يناجي

نبعد عن هل الحسد والحقد والغيبه

بر بريره ما لازم نور وسراجي

خدٍ لحافه من الاعشاب ناتي به

متمايل العشب كنه ميل الامواجي

ودك تقضّي حياتك وانت تمشي به

ما غير ربعٍ معك في الخد هراجي

نسري ومعنا اشقر الجنحان نسري به

يصبح له بدار قبل الصبح ينباجي

النادر اللي قويات مضاريبه

يشمخ لحد السحاب وجا بانهاجي

الشلف كنه توجه من مخاليبه

اليا ضرب وارتفع للدم زراجي

الطير معروف ماضيةٍ تجاريبه

يكفي عن البندق اللي نقلها احراجي

اليا كشف برقعه كلن يماري به

يتل نفسه يبي من الارض مخراجي

والله يا لولا مسابيقه تلاوي به

يظف ريشه بدارٍ صيدها افواجي

عيونه تقول بتشقق معازيبه

لا جا بوصفه على الدنيا ولا داجي

انا اشهد ان العشى حوله ويحري به

هداده اقبل ما عاد يحتاجي

متى على الصيد نقبل به ونقفي به

بالديره اللي هواها طب وعلاجي

والسلام عليكم ورحمة الله وبركاته ,,