السلام عليكم
اليوم يابنات دخلت الشهر السابع بالحمل
وعندي طفلين من قبل
صارت مشاكل مثل اللي تصير بين اي زوجين وتنحل ولله الحمد
صارلي متزوجه 7 سنوات
وعمري قرب على ال35 علشان كذا فكرت احمل واجيب طفل ثالث
وبعد 4 شهور حملت
وياليتني ماحملت ندمت على الساعه اللي حملت فيها صار يكرهني انا وعيالي يعصب بسرعه مايتحمل اي ازعاج حتى اي صووت يطلع من البيت ولا يسافر ويخلينا
وزياده على تعب الحمل كان لازم اتحمل نفسيته
والله كنت اتوحم واروح للدوام وارجع انتبه لعيالي واذا نمت ساعه ياويلي يجي يشغل النور ويصارخ ويضرب العيال
وكنت اصبر واذا جاء كلمني عادي انسى كل شي مو حب فيه بس علشان امشي هالحياه
وبالشهر الخامس عرفت ان اللي ببطني بنت وكانت الصدمه لي
علشان لو كان ولد بيفرح ويفتخر قدام عيال عمه هو كاره الحمل كله وشلون لو درى اللحين انهها بنت بيحس ان المصيبه مصيبتين لاني اعرف تفكيره
اه يابنات وش كثر ضايقه فيني الحياه اقوله احس بالم يناظر فيني ويسكت كانه يقول احسن
والله حتى لخبطت النوم اللي بعد رمضان يهاوش عليها
ويعزم الناس ولو اقوله عطني فلوس اجهز اي شي للبيبي يقول ماعندي علشان في تخفيضات هالايام وبعد يومين عنده عزيمه بالاستراحه بتكلفه فوق 5 الالف
حتى امه تقول هو اشر عيالي والله يعينك عليه
وش السواه
بنات وصلت الاكتئاب اني اشرب قرفه ابغاه ينزل بس مانزل الحمل ولا صار لي شي
وش الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

M17774 @m17774
عضوة نشيطة
يلزم عليك تسجيل الدخول أولًا لكتابة تعليق.

اغلى الأمنيات
•
استغفري ربك وش ينزل وقرفه .. تعوذي من الشيطان وداري حملك وحافضي عليه وحاولي تمشي الامور منا منا .. اعطيه من وقتك شوى يمكن انشغلتي عنه .. خلي العيال بغرفه او ينامو وقت يجي يكون شوى روقان وتهدا اعصابه .. ولا تفكرى تضرى جنينك يمكن الخير والرزق والفرج كله بيجي معها وش حلاتها البنت .. ومع الايام بتصير احب اولادة لقلبه يارب يسخره لك ويهدي الاحوال

اعوذبالله من رجال زي كذا اقول بس انتبهي لصحتك وصحة جنينك لاجاك شي موب نافعك والله خليه يصارخ من راسه لرجليه وش نفع معه السكوت السكوت هذا هو اللي خلاه يزق على راسك ومعليش ع الكلمه خلي لك شخثيه وخذي حقك وتحيسبي عليه وادعي


عشان ترضي زوج تغضبي ربك 🤦🏻♀️
أمر الله صار وحملتي خلاص خافي ربك وحافظي على هل البنت
يمكن يطلعلك فيها خير أكثر من زوجك
هذي روح ببطنك غيرك يدفع عمره على ظفر منها وأنتي
وعاوزة تنزليها
الله لا يتوهنا
أمر الله صار وحملتي خلاص خافي ربك وحافظي على هل البنت
يمكن يطلعلك فيها خير أكثر من زوجك
هذي روح ببطنك غيرك يدفع عمره على ظفر منها وأنتي
وعاوزة تنزليها
الله لا يتوهنا

انا 1212
•
قولي الحمد لله
ارتاحي وماعليك منه الاطفال نفعهم للأم أكثرمن الأب
بكره تكبر إن شاء الله والله إن تندمين على. تفكيرك السخيف
خايفه عشانها بنت.......وربي ماأحد يدقق على ابسط أمورك الا البنت
والله مغبونه من ماعندها بنت.....احمدي الله واستغفري رلك
بك. إختار لك الخير صدقيني
ارتاحي وماعليك منه الاطفال نفعهم للأم أكثرمن الأب
بكره تكبر إن شاء الله والله إن تندمين على. تفكيرك السخيف
خايفه عشانها بنت.......وربي ماأحد يدقق على ابسط أمورك الا البنت
والله مغبونه من ماعندها بنت.....احمدي الله واستغفري رلك
بك. إختار لك الخير صدقيني
الصفحة الأخيرة