شكلي راح اسوي حملة جديدة اسمها / سيبرو استغلال
بما انه سيبروفيتا اخدت ضجا كبيره بين البنات الي ودهم يسمنون
والبعض صار يبيعه بسعر فلكي وصل حدود 60 ريال للعلبة الواحدة
حبيت اقلكم لايضحكون عليكم وياليت تشغلون الجمجمه شوي
حبوب سيبروفيتا ما تختلف نهائياً عن البرياكتين الي يباع في الصيدليات بـ 7 ريال فقط لا غير
راح تقولوا لي كيف ؟؟؟ وضحي اكثر !!
انا اشرح لكم
السيبروفيتا في الاساس يحتوي على مادة فعالة اسمها Cyproheptadine HClبمقدار 4 ملغ وهذي المادة عبارة عن مضاد للهستامين تستخدم للحساسية ومن اعراضها فتح الشهية
نفس هذي المادة ياعزيزاتي موجوده في البرياكتين بمقدار 4 ملغ وبـ 7 ريال فقط
الاختلاف الوحيد بين السيبروفيتا والبرياكتين هو ان السيبروفيتا يحتوي على فيتامينات
والفيتامينات تقدري تشتريها من الصيدلية اي نوع + شراءك للبرياكتين = راح تكون النتيجة سيبروفيتا بسعر معقول ورخيص دون اي استغلال
هذي صورة للسيبروفيتا ولاحظي كلمة سيبرو هيـبـتادين Cyproheptadine HCl مكتوبة بالانجليزي في الاعلي باليمين ومكتوبة كمان باليسار بخط اصغر من ضمن المكونات وبجانبها الجرعة بالملي غرام , قارنيها بالكلام المكتوب على اي علبة برياكتين او بالنشرة المرفقه وراح تتأكدي من صحة كلامي
ملاحظة : البرياكتين آمن ما دمتي تقيدتي بالجرعة المسموحة
ولا يحتوي على كورتيزون ولا اي شي من هالخرابيط الي تسمعونها
آلية عمله انه يفتح الشهية وزيادة الوزن راح تكون على اساس الاكل الزائد الي راح تاكلينه مو انحباس المويه مثل الكورتيزون
هذا كلام اكثر من صيدلي ثقه مو من راسي
صدق السبروفيتا صارت اسعاره نار !!
مشكوره عالمعلومه المفيده