لا يفوتكم الفيلم الحاصل على 7 اوسكارات (( انا وابو خشم ولقاء ساخن )) الله لا يخليني

بسم الله وعلى بركة الله
حياكم الله اقلطوا ....واللي فوق السابع ترتاح وتمدد رجيلاتها اما اللي تحت الشهر السابع تقوم تخدم علينا ...ههههههههههه لا والله محشومات .....اها عاد يالله اجلسن ولا تتنعفقون ما فيه الا قهوه وتمر اللي تبي شوكليت وما شكلتت تروح قسم الحلويات ..:22:
يالله عاد بلا سواليف واسمعوا .....انتي يا ام كرشه اللي هناك اشوفك لا تحكين وطالعي قدام ... وانتي اللي تقشمين حب ...بشويش انتبهي لا تقشمين شفايفك ....يالله بنسكر الانوار وكل وحده ما حاسبتني على الدخله للفيلم او البوب كورن مسموحه ...بس تهجد وتسمع ...

كان عندي موعد يوم الاثنين عند الدكتوره سلمى ومارحت كنت خايفه من الفحص اللي بتوسعني فيه وطلعت مع ابو الشباب والشباب ورحنا مشينا شوي ورجعت ونمت ....جا الثلاثاء ....وما فيه اي بوادر ولاده واللي ما يعرفوني انا كنت ابي اتاخر شوي علشان الامتحانات ويوم جا الجد خفت لاني اخذت من العاشر 7 ايام ...كان مقرر لي ولادتي في 30 يناير ...المهم يوم الثلاثاء كنت زعلانه من زوجي :arb: ومن الدنيا كلها وانا اذا زعلت ما فيني ملح ....ولا سكر ....بس فلفل:angry2: ..واذا صرت زعلانه ما اعرف اسوي شي غير النوم ...من ضيقة الصدر ..................المهم كنت نايمه .....وكان وقت المغرب ......وبسم الله على عقلي ما دريت الا موبايلي يرن ...والاه الحبيب ....واكلم والا سلمى على الخط وزعلانه تقول انها قلقانه علي ولازم اروح لدله اخذ طلق صناعي الساعه هذي قبل اللي بعدها .....:eek:...............انا انصدمت وش اللي اروح لدله وطلق صناعي ...ما اتفقنا ......اثاريني فاهمه غلط وسلمى يوم قالت الاثنين كانت تقصد اروح لدله اخذ طلق صناعي موب اروح لها وتكشف ...اتخيل لو اني رايحتلها ....:22:
المهم فجعتني بسم الله على عقلي وانا توني قايمه من النوم وعلى المغرب .....قلت طيب ....وكلمت ابو الشباب ...واخذت شنطتي حقت اليد وانا كنت مجهزتها من قبل وفيها الورد حق الولاده واوراق الادعيه لاهلي وحبايبي وانتوا ...ورحت للصاله والا عيالي جالسين عند التلفزيون وانا اللي تخنقني العبره :(
وناديت شغالتي وقلت اذا ما جيت الساعه 1 نزلي فراشك عندهم بغرفتهم ونامي عندهم ...
وجا زوجي ولبست عباتي وناديت عيالي وعطيتهم شوكليت وبوستهم وغورقت عيوني :icon33:
ركبت السياره وانا رجل قدام ورجل ورى ....
وفي الطريق كان زوجي يحاول معي ...ويمزح ويهون علي ...بس انا ما نيب حوله ....الهواجس تروح وتجي ...
ويوم وقف قبال دله ...
قال انزلي وانا ابروح اوقف السياره ...............قلت معصي ..لا ابروح معاك ..............ضحك وقال ابوقفها واجي والموقف بعيد .........................قلت معليش ...ااااا ترى المشي زين لي ....هههههههههههه
المهم وقتها كان ودي اصرخ واقول (( هونت هونت مابي مابي ماااااااااااااااااااااااااابي ))
دخلنا وحطوني في غرفه مع وحده مسويه قيصري وجايبه توم اولاد .....ما شاء الله ....والحرمه تكلم بالتيلفون وتسولف عن الولاده وشكلها خايفه من عين اللي تكلمها وقامت تهول الامور وانا رحت في خرايطها .....((انا كنت حاجزه غرفه خاصه ...بس ما عطوني اياها الا بعد الولاده ))
المهم شوي وانتبهوا الحمدلله واخذوني وودوني لغرفه مشتركه ثانيه وزوجي معاي ... وجات الدكتوره ..وحده سعوديه تجيب العافيه الظاهر اسمها ماجده ..وقامت تسمي وكشفت بكل نعومه وبعدين عطتني تحميله الطلق وراحت وكانت الساعه 9 والتحميله الثانيه بيعطونياها 6 الصباح ....((لا تنسون متى موعد التحميله الثانيه ))
انا بعد نص ساعه بديت احس بالتعب ...بس على خفيف ... قلت لزوجي تو الناس ..رح نم وانتبه لعيالي وعلى الساعه 6 يصير خير ... قال اي تعب او شي دقي باستناك ..قلت اوكيه ..وراح
بعد ما مشى بخمس دقايق وانا قاعده اقرا بالورد حق الولاده ما دريت الا اللي جنبي تقول (( عندك احد )) وياليتني قلت ايه هههههههههههه ..... المهم جت الزينه وصارت والده قبل يومين وبطلق صناعي بعد .... وقامت تعطيني من هالتهاويل والكلام عن الطلق الصناعي وانه نار تشب فيك من تحت وان ...وان ....وان ..... انا هنا طقتني ام الركب ..... ومن الروعه الولد كان تحت وانحاش فوق وصل لرقبتي والرحم تسكر وانقفل .... وانا بس ابولع ريقي واتسمع سواليفها .... وبعدين جاها تلفون رحمه من ربي لي ... واجلس اقرا في الورد وبصوت مسموع ...عاد هي استحت تجي مره ثانيه ...واقرا واقرا ...
وهم كانوا قايلين لي لسه انتي 1 سم و6 الصباح يمكن يكون 3 سم
انا اقرا واقرا في الورد والالم يزيد ويزيد ..... والوقت بدري لسه 1 بعد نص الليل ......وانا اذا جت الطلقه اتمسك باطراف او يدين السرير .. وارفع نفسي شوي واصير اسحب نفس عميق من خشمي واطلعه من فمي بعمق .... وهذا كان مريح ..لان عدم التنفس وقت الطلقه بعمق او حبس النفس يالم اكثر واكثر ...
كانت الساعه 1 وانا تعبانه مره وبس اقرا في الورد وفي ورقة الادعيه والحمدلله اني سويت الورقه وفيها كل الدعاوي والاسماء ..لاني في هذاك الوقت ما كنت راح اذكر ... المهم دعيت للكل الحمدلله من اهلي ومن احبابي وكل الحوامل بالاسم وبدون وكل المحرومات .... والله يا بنات اني ابكي من الدعاء والرغبه في ان ربي يستجيب اكثر من الالم ...
طلبت الدكتوره علشان تفحصني قالت النيرس ان الدكتوره تقول تو الناس .... وبعد شوي طلبتها ونفس الشي ....(( الدكتوره هذي ما اعرفها ماهيب السعوديه اللي قبل شوي ولا دكتورتي ..هذي دكتوره مناوبه وللاسف غثيثه الله يهديها ))
المهم بعد فتره اصريت تجي .....جت وشافت وجهي وقالت تو الناس ......شكلك لسه ...................وش اللي شكلي وما شكلي ......انا بطبيعتي استحي ما اصارخ ولا ابكي بس اسوي التنفس اللي قلت لكم ... واتالم بصمت (( احلااااااااااااااا على العربيه كانه اسم مسلسل هههههههه))
قالت بفحصك بس ترى ممكن مع الفحص تروح التحميله ويروح الطلق ........!!!!
انا قلت لا لا خلاااااااااااااص ...عقب كل هالتعب يروح الطلق وابدى من جديد نو واي .......
قالت بلهجتها (( لا خلاص ما يمديك موب يوم جيت ونزلت لك )) وتقوله بنزره او هي تهوش
انا هنا جتني الصيحه اااااااااااااااااااااه الله بس لا يجدعنا ضعفه لخلقه
وفحصتني غصب ...الله يرجها
المهم تفاجئت وانحرجت وقالت (( ما شاء الله منفتح 3 ونص .. مش باين عليكي )) شوي وقتها وارفسها على خشتها .....
بعدين اعطوني الابره الشرجيه ... وانا كنت ناويه اخذ ابرة الظهر بس متخوفه مع اني ماخذتها قبل بس في لندن ...وقلت استحاله تكون الابره هنا زي هناك ..خصوصاً ان المستشفى اللي ولدت فيه افضل مستشفى هناك (( ولدت فيه كاثرين زيتا جونز ومادونا ومرت بيكام )) >>> هاه يمديكم انا ووليدي السديراوي متعب اقصرا لكاثرين زيتا جونز ..وجتني لغرفتي وذاقت من القبابيط اللي بحلبه وقالت اووه ايتس سو نايس ...سو تايستي ..... عاد انا قلتلها صحه وعافيه وعطيتها الطريقه ... ويوم جيتها لغرفتها ولاها مصلحه مرقوق وتقطع ذيك الحلوف انها راقتها بيدها ...(( نصب اول ابتدائي ))
نرجع للفيلم
المهم دقيت على ابو الشباب لاني قلتلهم ابي ابرة الظهر وقالوا طيب بس زحمه فوق والدكتوره التعبانه قالت عساك تلقين سرير تولدين فيه .....ااااااااااااااااااه
جا زوجي وضبط الامور ورقيت فوق وانا في حاله غير كل الحالات .... الله يهون على الجميع يارب ..
وودوني لغرفه وجلست اقرا واقرا واقرا من الورد ومن الدعاء ...وطلبت الدكتور مكارم علشان يسويلي الابره وقالوا ما فيه غير جيهان ......انا بيني وبين نفسي لو يجيبون راعي البلديه ولا الخباز اللي قبالنا ما قلت شي .....
وجت جيهان ويا سلااااااااااااااااااام .....دكتوره او اخصائية تخدير ولا اروع .... ما شاء الله عليها ...تذكرون لما قلت اني ما هقيت الابره تطلع زي في لندن .... والله والله وربي شاهد علي انها احسن ....اللهم لك الحمد كما ينبغي لجلال وجهك وعظيم سلطانك .... والله يا بنات ان اسلوبها وطريقتها وحتى بعد ما حطتها كنت احرك اصابع رجولي ولما قلتلها انه في لندن ما عاد صرت اقدر احرك رجولي قالت هذا خطأ .... وبيني وبينكم احساس اني احرك رجولي يعطي امان وراحه ... والم الطلق بدا يخف ويخف لين صار مغص خفيف ... وصرت اتحمد ربي ...... وجلست اسولف مع زوجي وكلما سمعت وحده تصرخ جتني النفاضه وجلست ادعيلها ....
روحت زوجي يرتاح لانهم قالوا انه لسه 4 سم وكل سم ساعه .......
راح زوجي نام في السياره في المواقف ... وسبحان الله .... انا اقرا في الورد وفي الدعاء والطلوق ورى بعض .....حتى الدكتوره ....قالت بتفاجا ما شاء الله ايه دا ...................
لما زوجي راح كانت الساعه 3 ونص او 4 وكنت توي 4 سم او 5 .........وعلى الساعه 5 ونص او 6 كنت 9 ونص (( والله يا بنات انه من قراءة الورد والدعاء بعد الله )) ...
كلموا على سلمى ... وسوو الممرضات حركه بايخه ..قفلوا ابرة الظهر مع ان سلمى قالت لانه عندك اطفال ما يحتاج نقفلها وقت الولاده ...يعني ماني بكر عندي طفلين واعرف كيف ادفع ومتى الطلق يصير ...واقولهم افتحوه ويلعبون علي ويقولون شغلناه .... والالم يزيد والطلوق متسارعه ...والتفت على حامل الابره وابلبص بعيوني بس ما اعرف شي ....
وقلت بس نادوا الدكتوره جيهان مع انها راحت للسكن ....بس يا حبيليلها الله يسعدها ...
المهم ودوني لغرفة الولاده وشوي وجت سلمى ويوم شفتها كاني ولد في الحضانه شاف امه ....تعبرت وقلت دكتوره عيوا يا ما سا تا .....قالت ايش سووا ........ قلت عيووا لا ام ما اخ اه اوه ....وقعدت اتشره مثل البزران .... وشرحتلها انهم عيووا يشغلون الابره ... وهي اللي تكرشهم وينادون جيهان وترجع تشغلها ...بس استفادتي منها كانت اقل شوي ....
المهم بدا الدفع والزحر ...... وهي تقرا علي الزلزله وتدعيلي بالخلاص ......يا حبيلياك يا سلمى يا عسل الله يحفظك ...
وتشجعني على اني اخلي الدفع او الزحره متصله وغير منقطعه والنفس اذا راح اسحب واحد سريع واكمل وهكذا ...لان المتقطع يخلي البيبي يوصل بعدين يرجع شوي وهكذا (( الشرح هذا للحلوات البكريات )) ههههههههههه
والحمدلله كما ينبغي لجلال وجهك وعظيم سلطانك ......وصل نواف الساعه 7 ونص صباح الاربعاء ...تذكرون لما قالوا بيعطوني التحميله الثانيه 6 ..... شوفوا سبحان الله الدعاء والورد بعد الله ...
طلع وليدي وحطوه على بطني بس ما تحرك ولا صاح وانا اللي مسكتني النفاضه وتروعت ...بسم الله على قليبه .... واخذوه وشفطوا من فمه ...وشوي وصاح وعيا لا يسكت هههههههههههه عاد الدكتوره سلمى تقول هذا خليجي وحمش ميه بالميه ...ما يبغى يبكي ولما شاف الناس تجمعت قال طيب يالله خذوا صياح ...................انا التفت اتفحصه الحمدلله اول شي على الخلق الحسن ....ههههههههه هو مميليح وشكله بيطلع خفيف دم مره (( من شاهدك يا با الحصين )) ههههههههه
بس زين ما عندنا ...على اننا انا وابوه واخوانه مزايين (( قويه )) هههههههههههههه اما ذيا صاير البطه السوداء ...عليه خشم متربع على الوجه كله عاد سميناه ابو خشم .... يا ملحه تكفون هو وخشمه ....كنت ابي اصوره لاهلي وادور زاويه اصوره تصغر الخشم ما فيه فايده .....ههههههههههه لا وعصبي .......................... يعني شين وقوي عين .....هههههههههههههه ياربي تخليه لي واخوانه وابوهم يارب ........
وخلص الفيلم ........................... يالله هووني عاد قصرت وابي انسدح ....وابو خشم بدا يصيح ........
والحمدلله
الحمدلله
الحمدلله كما ينبغي لجلال وجهك وعظيم سلطانك .................
يا ودود يا ودود يا ذا العرش المجيد يا مبدئ يا معيد يا فعال لما يريد اسألك بنور وجهك اللذي ملأ اركان عرشك واسألك بقدرتك التي قدرت بها على جميع خلقك واسألك برحمتك التي وسعت كل شئ لا اله الا انت يا مغيث اغثنا ...
يالله يا كريم تهون على كل الحوامل وتيسر ولادتهم وترزقهم هون الطلق وحسن الخلق وتسخر لهم دكتوراتهم وتسخر لهم صلاح الارض وملائكة السماء ....وترزق المحرومات بالذريه الصالحه عاجلاً غير اجل ولا يدور الحول الا وكل وحده جنينها بين ايدينها ..... يااااااااااااااااااااااارب