ياهلا والله ومرحبا حياكم الله في سفرتي المتواضعه
واتمنى انها تعجبكم وتراي اول مره بحياتي اكتب موضوع بالصور عاد استروو ماواجهتو
واللي حمسني اكتب الموضوع مواضيعكم الرهيبه اللي دايم تنقذني في اغلب الاحيان
ويارب يعجبكم ولاتفشلوني عاد الله الله بالردود السنعه اللي توسع الصدر
يالله عاد نبدا كني كثرة هذره :eek:
المقادير :
1-حبة دجاج كامله وتغسلينها زين وبعدين تحطينها في قدر وتطبخينها عادي يعني تحطينها بقدروتحطين عليها بصل وثوم وطماط وزيت وتحمسينهم مع بعض وتحطين عليها حبحر واعواد قرفه ومسمار وفلفل اسود
وبعدين تصبين عليها مويه وتغطينها وتخلينها تطبخ لين تستوي وبعدين نجي للمهم الحين
نطلع الدجاجه من القدر وناخذ ملعقه خشب ونلفها بقصدير وندخلها بوسط الدجاجه مثل الصوره
وتبلينها بشوي من مرقة الدجاج وبهارات و ملعقة زيت وشوي صلصه ودخلينها الفرن وتتشغلين النار اللي فوق
وتقلبينها كل شوي لين تتحمر
وهاذي الصوره بعد ماتحمرت
ونجي الحين لرز البخاري
المقادير
حبه بصل متوسطه شرايح و2 فص ثوم شرايح و2جزر مبشور ونص علبة معجون طماطم
وبهارات وملح واعواد قرفه ومسمار ومكعب ماجي وتحمسين البصل مع الثوم لين يذوب شوي وبعدين تظيفين
الجزر وتحمسينهم مع بعض شوي وبعدين تظيفين معجون الطماطم والبهارات والماجي وتحمسينهم مع بعض الين يذوب الجزروبعدين تصبين عليهم مويه مغليه لين يتغطى البصل والجزر شوي وتخلينه تقريبا 10 دقايق
وبعدين تكبين عليه الرز اللي انتي منقعته طبعا قبل بساعه الا ربع
وتحطين على القدر فوطه نظيفه وتحطين عليها الغطى وتخيلينه يطبخ شوي وبعدمايتشرب مويته تخففين النار عنها وتخلينه لين يستوي بعد نص ساعه تقريبا وهاذي الصور توضح الطريقه
وهاذي بعد ماكبيت الرز على البصل والجزر
وهاذا الحمد لله بعد ماخلص وحطيته في السفره
وهاذي صوره اقرب
واتمنى انه يعجبكم وبالهنــــــــــــاء والعــــــــــــــــــافيه:cook:
تسلم ايدينج على البخاري السنع