السلام عليكم ورحمة الله وبركاتة
نزلت للعثيم مول بالقصيم متعنية ومسافرة لة
وياحسافة على الملابس المعروضة والله يابنات فريت اليين
داخ راسي تعبت وانا ادور لبس ساتر كلها لحد الفخذ وتحتها هيلا هوب
الحمد لله والشكر
والا عارية:angry2:
طيب الوقت برد من هي اللي بتلبس عاري
لاحول ولاقوة الا بالله
شي يقهر والله فريت السوق كلة انا وزوجي بالاخير
قلت لة اذا لقيت لبس محترم علمني
قال الشكوى لله والله مو موجود الا اللي تشوفين
قلت لة والله لو الناس والبنات مايشترون هالخالع
كان ماباعوة اصحاب المحلات
كل محل ادخلة اقولة في من هذا طويل يقول لا
اطلع على طول واذا طلع شي ساتر
تلقين موديلة قديم حتى البنات لاحظت كم وحدة معاي تسأل نفس سؤالي وتطلع من المحل
حتى بالملكان اللي برى نادرا تنعد على الاصابع الملابس اللي طويلة
انا قلت مستحيل بنات الحمولة والقبايل يلبسونها :(
هذي الملابس الظاهر حتى بالخارج ماتعرض
والله يابنات ماابالغ ولله الحمد مااحد من بنات جماعتي تلبس مثل هالملابس واذا لبستة وحدة(من سن 13أو15) الكل يناظر لها
نظرات تحسسها انها شاذة لان خلاص
ماشاءالله بهالعمر كبيرة وتصير الشرهه على الام مو البنت
والا بالله مين اللي تلبس
مدري بس وش اسمية سروال الين نص الفخذ جنيز
والله لاعت كبدي يوم شفتة واذا جينا ننصح قامت علينا الدنيا
انتي متخلفة
انتي دقة قديمة
انتي ماتدرين ان مابقى احد مالبس بنطلون؟
طيب لية انا يعني اكون امعه واسوي اللي يسوونة؟
يعني انا مااصير متطورة وفاهمة بالموضة والازياء
الا اذا طلعت السرة والظهر نصة طالع
او بينت ابطي ياربي لك الحمد
بنات ليش كذا لية ماتتقبلون النصيحة
لية يوم نقول لكم يابنات البنطلون حرام
القصير حراااااااااااااااااااااااااااام ؟لية تزعلون
حنا مانجيب شي من راسنا هذا كلام علماء وناس اهل دين
دارسين ومتعلمين احسن مننا
يوم يبغون لك الخير وينصحونك
تسويين ولاكأنك سامعه شي ترى اللبس متعه لفترة بس
بتظهرين محاسنك وتتغنجين عند الناس طيب وبعدين شفتي هالجسد
راح تأكلة النار قطعه قطعه؟ يابنات والله حراااااااااااااااااااااام
كيف تلبسون هالملابس عند محارمك واخوانك وابوك وخوالك
بالله مايتقشعر جسمك
انا مااقول لكم؟ فية ملابس حللوها المشايخ زي البنجابي بس انا اتكلم
عن البنطلون الماسك واللبس القصير اللي اذا جاء هواء بس نقول الله لايفضحنا
تقول اختي لبست عندهم طالبه بالكلية الميدي وجاء هواء قوي
تقسم بالله ان الدنيا من ورى طلعت لهم كما خلقتني ربي كللللللللل
شي شافوة وصارخوا البنات كلهم طبعا الله يعين صاحبة الموقف بهالوقت
ارجع واقول اتقوا الله يابنات وراك قبر
بيضيق عليك بقوة ضيق بنطلونك اللي لابستة
والله يستر على اللي تبغى الستر
هاه مين اللي تحصل مثل طلبي للبس العيد؟
تدرون بالاخير والله فكرت اقطع لي قماش زي الاقمشة الرجالية
اللي تجي واقفة واسوي فية الموديل اللي يعجبني واركب
علية فرو وياسللالالالام اخر حلاوة واخر دفا
عضوه عالم حواء @aadoh_aaalm_hoaaa
محررة ذهبية
يلزم عليك تسجيل الدخول أولًا لكتابة تعليق.
ann moooon
•
جزاك الله خير ...
وهذا هو واقع كثير من البنات الله يهديهم,,,:(
مشكووورة يالغلا الله لايحرمك الاجر...
استغفر الله*استغفر الله*استغفر الله*استغفر الله*
استغفر الله*استغفر الله*استغفر الله*استغفر الله*
استغفر الله*استغفر الله*استغفر الله*استغفر الله*
مشكووورة يالغلا الله لايحرمك الاجر...
استغفر الله*استغفر الله*استغفر الله*استغفر الله*
استغفر الله*استغفر الله*استغفر الله*استغفر الله*
استغفر الله*استغفر الله*استغفر الله*استغفر الله*
اااااااااااااااااااااااااه ياقلبي
مشكورات خواتي
وربي حزنت على اللي تلبس كذا
وحزنت بعد على رجولي اللي تكسرت بالفرفرة الله يعوضنا خير
مشكورات خواتي
وربي حزنت على اللي تلبس كذا
وحزنت بعد على رجولي اللي تكسرت بالفرفرة الله يعوضنا خير
الصفحة الأخيرة