اخبار الحلوووين ان شاء الله تمام ..
بدخل بالموضوع دغرررري مالي بالمقدمات بالمره ..
انا يابنات صار لي فتره وانا ادخل على قسم تاخر الحمل
الله يرزقني بالذريه الصالحه وجميع البنات المحرومات
و صراحه صرت كئيبه من كثر مالموضوع شاغل مخي
وماصرت اهتم بعمري قلت وراه ياجوجو صايره كذا
روحي والعني بليس واشتري لبس العيد وعيدي واكشخي مثل اول
وكمان صوريه للبنات خليهم يتفرجون معاك ..
وهذاني جيت اوريكم اللي شريته للعيد واشوف ارائكم طبعا اتقبل ارائكم وبقوه ..
طبعا من البدايه بقولكم وش شريت مع كل صوره
وايه نسيت اقولكم ترى انا من الساعه 12 وانا قاعده اضبط الصور
واحملها يعني هالله هالله بالردود ..
نبدأ بسم الله ..
هذا الله يسلمكم شريت قماش نفس لون الفستان اللي حاطته لكم
وفصلت زيه بس باقي ماطلع للحين من الخياط
وشريت معاه الجزمه الله يكرمكم والحزام والشنطه
وهذا الفستان الثاني
هذا فصلته كمان وباقي ماطلع من الخياط برضوه
و اخترت لون القماش بنفسجي غامق واشتريت معاه
الله يكرمكم جزمه بيج وشنطه بيج
وفستاني الثالث شريته جاهز
لونه اورنج ودخلت معاه الجزمه الله يكرمكم ازرق غامق
والشنطه نفس الشي
وحزام انا مصممته فيه جميع الالوان
وهذا قماش شريته جازلي لونه وبقووه خاطري افصل عليه
تنوره ميدي واخذت معاه شوز لونه ابيض وكمان ناويه اشتري معاه
تي شيرت ابيض
وهذا قماش شريته بس مافصلت شي عليه بس جازلي لونه مره
وكمان عالطبيعه احلى بكثير مره وباقي محتاره بالموديل اللي عنده
لي نصيحه بالموديل ياليت تفيدني
وهذا شوز اسود شريته بس كذا تعرفون اسود ومايتفوت مع ان زوجي
قالي خلاص بسك جزم هههههه بس ابشركم فزت بالمعركه واخذته :42:
وكذا اكون خلصت .. واتمنى منكم تدعون لي
ان الله يرزقني الذريه الصالحه عاجلا غير اجل
ويرزقني الحمل السليم المعافى التام 9 اشهر ..