لبس العروس

تلبس بعد الفستان مدري وش يسمونها تجي ارواب نوم عرايسية غالبا من قطعتين قطعة بدون اكمام وكذا وفوقها قطعة مسترة وتلبس معاها شبشب يجي معها يكون دانتيل وكذا والصباح تلبس لبس ناعم ممكن الفساتين الشيفون الناعمة يكون قصير شوي او زي كذا الاحسن تحددين من البداية وش بتلبسين اول يوم وثاني يوم وكذا وانتي تجهزين حطي ببالك هذا اللبس لاول يوم وهذا للثاني عشان ماتحتارين ولو بيجيك احد غيري لبسك البسي فستان يكون للاستقبال بس مايكون اوفر طبعا غالبا اول يوم هو رح ينام وانت تصحين قبله الصباح ممكن تقومين شوي شوي للحمام تزينين نفسك وكذا وارجعي للفراش بعد ما يصحى زوجك ويطلع قومي انتي بدلي لبسك ورتبي السرير انا بالنسبة لي بديت بالطبخ بعد اسبوعين بس مو كل يوم بس اول طبخة كانت بعد اسبوعين وكان اول يوم دوام لزوجي غالبا الاشهر الاولية مرات كثير يعزمونكم الاهل او يرسلون لكم غدا مرة من اهلك مرة من اهله وكذا لو سوو اهل زوجك عزيمة لان يسوون غالبا يا ثاني يوم يانهاية الاسبوع زي مباركة يعني يعزمون الناس والعرسان وكذا روحي طبعا كشخة يعني البسي لبس عروس وكذا وحتى لو عزموك اهلك وعزمو اهل زوجك وكذا نفس الشي انا بعد زواجي ثاني يوم ام زوجي عزمتنا وعزمت اهلي والناس اللي يقربونهم اعمام العريس وكذا ونهاية الاسبوع امي عزمتنا انا وزوجي وعزمت اهل زوجي فبكذا عزايم روحي متكشخة وهي ترا تساهيل لما تخلص الفترة الاولى من زواجك تكتشفين انك شلتي هم اكثر من الازم يعني الامور تتيسر وتمشي عادي لاتشيلين هم

كفت ووفت 👍🏻

مبروك لك ياعروس ..
شوفي كل عروس تختلف عن غيرها اذا على الطبخ ماطبخت الا بعد شهرين لان وقتنا كان متلخبط وكنا على طول نروح مطاعم ..
ثاني شي كل رجال يختلف عن الثاني انتي لا تفكري بنفسك فكري بنظرة زوجك من ناحية اللبس ..
قميص الدخله معروف انه هو لبس ساتر نوعاً ما عند محلات اللانجري نعومي وغيرها تلاقين طلبك
بالنسبة للصباحية في كثير عوايل مايزورون العروس بصباحيتها وهذا الافضل ..
لكن لو حصل انتي اساسا نومك راح يكون خفيف ومكان جديد عليك فماراح تطولي بالنومه راح تتسحبي وتقومي تتحممي وتتضبطي وتلبسي قميص وروب ناعم لونه فاتح قريب من لبس الدخله يكون ساتر ومكيب خفيف وعطر .. وفي حال اهله او اهلك بيجون غيري لبسي والبسي فستان مكسي ناعم جدا انتي اسالي زوجك افضل عشان يكون عندك خبر .. وتكوني جاهزه ..
وباقي الامور سهالات خليك بسيطه ولا تتكلفي كثير ..

رفع

كل اللي ردوا علي وأفادوني أو رفعوا الموضوع أشكركم والله يوفقكم يا رب