لبشره ( وجه وجسم ) ولا اروع

هذا مو خلطه او كريم ,, هذي طريقه صحيحه تتبعينها و تداومين عليها و بأذن الله راح تشوفين النتيجه الي بتعجبكي ,,,

اولا : قبل كل شي لازم نعرف ان جمال و نظاره جلدنا الخارجي يبدا من الداخل واهم شي ( الماء ) ,, كثري شرب الماء في اليوم اقل شي 8 اكواب ,, واحسن طريقه عبي جيك ماء ما يكون اقل من لتر وخليه قريب منك وحتى لو في غرفه نومك
وكل ما مريتي منه اشربي كوب ,,,, وكثري من اكل الفواكه و الخضروات لا تخلين يمر عليكي يوم بدون ما تاكلين حبه و خلي في الثلاجه صحن شكله حلو ورتبي فيه بشكل حلو ومتناسق انواع من الفواكه و بكذا كا ما فتحتي الثلاجه بيشهيكي شكله و بتاخذين لك حبه

ثانيا : العنايه ,,, وهي ( عنايه يوميه ,, وشبه يومي ,,, واسبوعيه ,,, وشهريه )

اليوميه : لازم وضروري يوميا سوي هالخطوتين ( تنظيف + ترطيب ) مره في الصباح و مره في الليل
اول ما تقومين من النوم نظفي وجهك بالصابونه او بالمستحضر الخاص بالتنظيف بعدين رطبيه ولاتنسين شفايفك و يدينك ورجولك و علشان ما تنسن حطي ( مرطب الوجه + مرطب الشفايف او فازلين + مرطب الجسم ) في مكان واحد اما درج في التسريحه او سله مرتبه في الدولاب او الحمام على المغسله وخليه برنامج اليومي وطبعا نفس الشي بالليل لكن استبلدلي مرطب النهار بكريم خاص بالليل ,,, انا كنت اول اقول ( كريم الليل هذا فلسفه ما ل امه داعي يكفي كريم النهار ) لكن اكتشفت ان كريمات الليل ضروريه و عملها اهم من كريم النهار لان خلايا الجلد تتجدد في وقت النوم و كريم الخاص بالليل يساعد على تجديدها اكثر ,,, المهم هذي معلومه جديده للي مثلي ونفس الشي اغسلي وجهك وحطي كريم الليل بعدين رطبي شفايفك ويدينك ورجولك



العنايه شبه يومي : اقصد فيها الاستحمام اكيد اغلبنا ما يستحم كل يوم ولا مره وحده في الاسبوع ,,, ممكن في الاسبوع ثلاث الى اربع مرات ,,, نفس الشي كل ما استحميتي نظفي جسمك بالصابونه او بالمستحضر الي تحبينه و لاتنسن انك تليفين جسمك بالفرشاه او الليفه ,,,


لان فعلا كثير من الاخوات يكتفون بالصابون او الشاور جيل ,,,,,,, و بالعكس اهم نقطه ( الفرشاه ) لانه تزيل الخلايا الميته و مع المداومه تعطي لمعه طبيعه للجسم ,, وبعد ين لا تنسن مزيل رائحه العرق و مرطب الجسم وانا يعجبني بيبي اويل الجيل ,,, وبالنسبه لي افضل صابون لتنظيف الجسم ( صابون الغار ) ينظف و يعطي نعومه ولي كم اسبوع ابشر الصابونه و انقعها ليله بماء و ورد واحطها بعلبه واستخدمها


العنايه الاسبوعيه : كل اسبوع ضروري تخصصين لك يوم
1-تحطين قناع لشعرك ( اما قناع جاهز او انتي تسوينه او زيوت طبيعيه )
2- تقشير و قناع لوجهك نفس الشي مكن يكون جاهز او انت يتسوينه وهذا هو المقشر هو الاشهر و المفضل من بين غالبيه المقشرات


او ممكن تستخدمين مع منظف الوجه او المقشر الفرشه الخاصه تساعد على التقشير وبنفس الوقت تعطي احساس بالنظافه العميقه والنعومه وطريقتها انك بعد ما توزعين الكريم على الوجه تسوي بالفرشه حركات دائريه ناعمه جدا وانتبهي على منطقه الخدود و المنطقه المحيطه بالعين لانها رقيقه جدا

3-العنايه باليدين و الارجل
4- حمام زيت للجسم ( اخذت طريقته من الاخت توليب الله يردها لنا بالسلامه راح اذكره بعد شوي )
5-قناع للبشره والافضل يكون طبيعي

اختاري يوم فاضيه فيه حتى الموظفات ممكن يسوونه يوم اجازتهم ,,, وانا افضل انه يكون في فتره الصبح ( انتي رايقه و البيت هادي والي معك نايمين ) والشغله ما تاخذ وقت قبل ما تستحمين بساعتين اقل شي حطي قناع لشعرك و غطيه وبعدين بهالوقت افطري و فرفري بالنت شوي بعدين رتبي اظافر يديك ورجولك ونقعي القدمين بماء دافي فيه شوي صابون سائل وبعدين افركيها بالحجر الخاص ,,,, وحطي قناع على وجهك وسوي حمام الزيت للجسم وخلاص بعد ما تخلصين من حمامك لاتنسين ترطبين جسمك كله و رجولك اذاكانت تعاني من جفاف شديد استخدمي معاها فازلين وبعدين البسي شرابات

العنايه الشهريه : خصصي لها يوم تكونين فاضيه وياليت بعد يكون الصبح وخلي هاليوم لازاله الشعر من جسمك ولا تنسين المناطق الحساسه بالطريقه الي تعجبكي و ترتاحين لها + حمام مغربي + وتنظيف البشره ( فيشال )

لتذكير :
•لاتنسين العنايه بالرموش ( ادهنيها مره وحده على الاقل في الاسبوع زيت خروع )
•استخدمي مطهر المناطق الحساسه مره وحده في الاسبوع وبالكثير مرتين ( خصوصا وقت الدوره الشهريه ) اكثر من كذا يقتل البكتيريا المفيده و النافعه وافضل مطهر ( سافلون )


الاحظ اغلب الطبيبات يوصفونه للعنايه الشخصيه وللي عندها التهابات وممكن بدل المطهر تستخدمين اشياء طبيعيه مثل ( محلول الملح الخشن ,,, منقوع المره ,,, مغلي الزعتر البري )
•لا تنامين ليله وحده بدون ما تزيلين مكياجك لنه مضر جداجدا للوجه وفيه طرق كثيره لازاله المكياج

ممكن بكريم خاص لازاله المكياج
او المناديل
او زيت جونسن للاطفال


بعدين اغسلي وجهك بالصابونه وبعدين امسحي بالاسكينول لانه فضيع في ازاله بقايا المكياج وانتي اختاري الي يناسب بشرتك ( فيه العادي اسمه كلاسيك و لونه شفاف وفيه باليمون و بالخيار و بابابايا )



•علشان تخف خشونه و اسوداد ( المرفقين و الركبتين ) واضبي باستمرار على دهنها بالفازلين وبتلاحظين نعومتها و تفتيحها ,, اهم شي لا تنسينها