mar mar :

سلام عليكم ورحمه الله وبركاته عزيزتي الؤلؤ الحر مثل ماقلتي الجهاز غالي بس احسن شي تنسين فكره انك تسوين رجيم الافضل تحطين ببالك انك تبين تعدلين نظامك الغذائي الغلط كيف يعني؟ اقول لك كيف اول شي تشربين اقل شي 8 كاسات ماي في اليوم طبعا ع الريق كاسه وفيها ملعقتين عصير ليمون حامض ثاني شي تحطين في برنامجك اليومي من 3 الي 5 كاسات شاهي اخضر وممكن تخلين معاه نعناع او دارسين خشب او مرميه طبعا ال3 اعشاب هذي تساعد علي اذابه الشحم ثالث شي تحطين في برنامجك اليومي كاسه عصير كرفس وتفاح (الكرفس عشبه تشبه البقدونس بس كبيره اعتقد البعض يسميها السلري) رابع حاجه قبل كل وجبه بتقريبا نص ساعه تاخذين كاسه ماي و تفاحه وتمضغينها كويس خامسا تبدين الاكل بالسلطه تكون خضار وتتبلينها بالليمون واو الخل وشويه زيت وملح يعني مش مايونيز سادس شي مااقول لك الغي بس خففي الحلويات والايس كريمات والشغلات المقليه سابع حاجه كثر ماتقدري استبدلي السكر بالعسل والزبيب والتمر والتين بعد فتره بتحسي انه طعم السكر تغير بفمك ثامنا تاخذين قبل النوم كاسه ماي وفيها ملعقتين او 3 ملاعق ليمون حامض طبعا كثري من الخضار المسلوقه وحاولي تسوين رياضه حتي لو مجرد تمشين نص ساعه بس البرنامج هذه تبان نتيجه بعد فتره ورجوع الوزن بيكون بطئ جدا جدا جدا في ملاحظه حابه اقولها للجميع الرجيم الي اقل من 6 اشهر تقريبا كاذب ورجوعه بيكون سهل يعني بعد 6 اشهر تقدرين تقولين انك فقدتي مثلا 5 كيلو او 8 كيلو لانه النزول السريع كاذب ويرجع بسرعه ويمكن يرجع دبل انتي شيلي فكره انك مسويه رجيم لانه هلشي يتعبك ويخليك تفكرين في الاكل اكثر وتحسين بالنهم وودك تاكلي بس تدرين ليه؟ لانه اول ما المخ يفكر انه الجسم راح يسوي رجيم راح ينبعث اشارات للجسم انه بينحرم مثلا من الخبز طبعا كلنا ملاحظين اذا قلنا مثلا من اليوم خلاص بنوقف الرز من يومها يصير طعم الرز لذييييييييذ ونفسنا ناكل رز حتي لو بدون لحم ولا صلصه وهذه معناته انه ارسل للجسم نداء انه بينحرم من الرز ويصير الجسم ياكل رز اكثر عشان يخززززززززن عشان كذا اقول لك انسي انك تسوين رجيم وحطي ببالك انك جالسه تصلحين طريقه اكلك وتصلحين نظامك الغذائي وشوفي بعد فتره كيف وزنك ينزل ومايصعد وبتحسي جسمك مشدود وممشووووووووق انا مجربه كل الي قلت عنه والحمدلله كان وزني 78 كيلو وهلحين وزني 65 كيلو طبعا صار سنتين ووانا ماشيه علي هلنظام ووزني ماتغير ماني نحيفه بس الحمدلله لا كرش ولا شي واي شي البسه مناسب عقبالك وعقبال كل دبدوبات المنتدي تقبلو تحياتي اختكم mar mar

سلام عليكم ورحمه الله وبركاته عزيزتي الؤلؤ الحر مثل ماقلتي الجهاز غالي بس احسن شي تنسين فكره انك...