مشكوورة حبيبتى احلى كويتية وكلامج صحيح بمية بالامية

وتررى الزين والشين بكل مكااان يعنى اذا شفنا الغلط من وحدة مانعم كالكل واصابع ايدينج مو سوووا

وماشاء الله اغلب بنات الكويت مستترااات حتى الى ماتلاقينها تلبس عباية هم لبسها محتشم الا فئة قليلة الله يهديهم

وهالشى مو بس بالكويت بكل دول الخليج

انا قريت النقاش امس بس كنت مره مشغوله وماقدرت ارد وحاولت ادورالموضوع بس ماتذكرت

كنت بقول غلطاااااااااانه وثم غلطاااااااااااااااانه اللي تحسب بنات الكويت وحياتهم مثل المسلسلات اللي تعرض حشى والله اغلب اللي اعرفهم عايشين بالكويت وصدقوني نفس عاداتنا وتقاليدنا وصحيح فيه ناس ماتلبس عبايه بس احسن من مليووووووون وحده تلبس عبايه بحشمتها ووقارها

ومره زرت الكويت توقعت اشوف بيئه المسلسلات بس الحمدالله شفت العكس شفت محافظتهم للعادات والتقاليد والاحتشام
وماننكر ان في كل مكان الزين والشين وين ماكنا لازم نشوف الزين والشين

وياليت اللي قالت ان بنات الكويت كلهم كذا تدخل وتوضح انها ماكانت تقصد هالكلمه وماتوقع هذا قصدها بس يمكن غلطت بالتعبير

أحلى كويتية كلامج بالصميم وصحيح مية بالمية
وحبيبتي أنا أضم صوتي لصوتج
صج في وايد بنات خليجيات على بالهم إن الكويتيات نفس مايشوفون بالمسلسلات
لكن إذا كان تلفزيونا منفتح وايد فهذا مو معناته إن الشعب لازم يكون جذي
يعني مثلا تلفزيون الإمارات وبعض الإمارات مثل دبي وأبوظبي إذا كان التلفزيون وايد فري فهذا أبدا مايمثل الشعب الإماراتي،ووايد من الإمارتيين يحتجون على هالشي وعلى الانفتاح اللي صاير
حبيبتي الحمد الله بنات الخليج عموما الغالبية العظمى محتشمات وحتى لوكان في انفتاح لكن مو الكل
حبيبتي هذي حرب على الخليج المحافظ إلا يبونا نخترب وحرب على الإسلام والمسلمين وماأقول إلا عسى الله يحفظنا ويثبتنا

سبحان الله اختي
من كم يوم انا وصديقاتي بالجامعة كنا نتناقش على الموضوع وكنت اقول مااظن ان الكويتيات يلبسوا مثثل التلفزيون باستثناء الجلابيات والبلايز الطويلة :)
وبنات بيقولوا الا فيه كذا وناس يقولوا لا
ومعانا بنوته كويتية ماشاء الله زي حرصها على حشمتها ماشفت :26:
عموما الاعلام مو بالضرورة يمثل الشعب
والقضية مو قضية لبس بس حتى فيه حاجات وحوادث اشوفها في المسلسلات واستبعد انها تحدث بكثرة في دولة مثل الكويت

وحتى احنا ماتشوفين مذيعات سعوديات تبع برامج هابطة ومغنيات بس احنا ولله الحمد مو كذا فيه نسبة بس قلييييييييييلة جدا
مشكلة الاعلام يخدع :(

واحييك اختي على غيرتك

وعليكم السلام ورحمة الله وبركاته

بارك الله فيك أختي على طرح الموضوع

وأكيد بنات الكويت فيهم الخير ولله الحمد

بس سؤال دايماً في بالي ... قد لا يكون له علاقة مباشرة بالموضوع ...

مب المفروض المسلسلات تعرض جزء من الواقع؟ مب هم يقولون إن الهدف من طرحها معالجة قضايا المجتمع (وإن كذبوا في زعمهم هذا فالغالب هدفهم مادي بحت) ؟

طيب ليش اللي يظهر في المسلسلات ما يعبر عن الواقع؟
ليش الأجانب لمّا يسوون مسلسلات أو أفلام يحرصون على أنها تكون فعلاً مقاربة لواقع المجتمع الذي تحكي عنه من كل الجوانب أما المسلسلات العربية وبالذات الخليجية فلا يهتمون بهذا ...

يعني مثلاً أليس الغالبية من الخليجيات محجبات (حجاب الرأس) والكثير منقبات (حجاب الوجه)؟

طيب ليش عمرنا ما شفنا في مسلسل الممثلة إذا بغت تطلع من البيت لبست نقاب؟؟
ليش من النادر جداّ جداً نشوف ممثلة شابة في مسلسل مغطية راسها مع أن الغالبية العظمى من المجتمع يغطي؟

أنا ما أتكلم عن حجاب الممثلة لنفسها .. بس على الأقل في القصة المفروض الشخصيات تقارب الواقع اللي تمثله

هذا غير اللبس الكشخة اللي 24 ساعة
عمركم شفتوا ناس 24 ساعة كاشخين ؟ حتى لو كانوا اكبارية وأغنياء وعيال مليونيرية !
وغير المكياج اللي حتى لو قايمين من النوم عليهم طبقة سمكها 10 سانتي

وين هذا من واقع الناس؟؟؟!!!
ولا أهم شيء بس الممثلة تتكشخ وتستانس وتفتن الناس
ولا ترضى تطلع إلا بأكمل زينة بغضّ النظر عن المطلوب في الدور

على العموم ما أحكيه هو من ذكريات ماضية فأنا ولله الحمد والمنة مقاطعة المسلسلات منذ سنوات