لبنات الامارات فقط

السلام عليكم أميرة المنتدى
كيف الحال ؟ عساج بخير ونعمة؟


هذا سؤالج فتح عليه جروح..........وذكرني بشعرى الطويل يوم كنت صغيره اللي لوخليته كان وصل للأرض


المهم بقولج كيف كانت أمي الله يحفظها ويطول عمرها آميين تعتني بشعري

كانت الله ايسلمج وايسلمها تدهن شعري اسبوعيا بزيت جوز الهند (تاتا) اللي ما أحب ريحته غصبا عني

وما شاء الله كان طويل وغليظ والكل كان ايقولي لا تفتحين شعرج عن العين

لكن يوم كبرت قمت ألعب فيه لعب وقصيته وصبغته كل الألوان إلى أن دخلت هذا المنتدى الرائع وقررت إني أعتني فيه

طولت عليج وقلت لج قصة حياتي


المهم والخلاصة :27:

انه الاهتمام بالشعر عموما ومنذ الصغر يؤدي إلى شعر طويل وصحي

وأنا مثل ما قلت لج زيت تاتا (عمل معايه عمايل منذ الطفوله) وإن شاء الله ناويه ارجعله وأشوفه


هل بيرجع شعري مثل ما كان ؟


الله أعلم



ياليتكم أخواتي صاحبات الشعر الطويل أو اللي كان شعرها طويل اتخبرنا عى السر


لكم تحياتي عامة ولأميرة المنتدي خاصة



والسلام عليكم ورحمة الله وبركاته



:26: :26: :26: :26: :26:


أم حمدان

مراحب انا ماني امارتيه بس لقافه انا من الكويت وانا بعد كان شعري طويل ناعم ولونه احمر طبيعي وسبب السير ان امي الله يرحمها ويسكنها جنات الفردوس الاعلى اللهم امين ان دهن الي بالعلب جوز الهند .
واسفه على اللقافه هذا كان اول اما الحين ياليت يعود الشباب يوما واخبره كيف اصبح شعري
بس الحين الحمدالله قام يتحسن عقب الاصباغ والقص والحمل والاوده

بغيت اسأل ام حمدان عن الشامبو اللي تستخدمه ...وودي تجولي اكثر عن خلطاتها؟؟

اختي الحبيبه بقولج عن اللي اعرفهم شو الشي اللي يستعملونه وخلى شعورهم كثيفه وطويله:27:

1- زيت جوز الهند اكثر البنات عندنا بالامارات يستعملونه وماشاءالله شعورهم روووعه طول وكثافه وحاليا انا استعمله وماشاءالله شعري صار كثيف وطول لاني بعد ما قصيته ندمت :06: فقررت اني اعتني فيه علشان يرجع يطول .

2- الحناء اللي اكثر البنات ما يستغنون عنه طبعا يضيفون له اشياء بس شو بالضبط مادري وبعضهم يستعمله بدون اضافات مثل زوجة اخوي وكان شعرها ماشاءالله طويل وكثيف بس للاسف قصته والحين رجعت تعتني فيه علشان يرجع مثل قبل وبنات عمي بعد يستعملون الحناء وشعورهم ماشاءالله طويله وكثيفه .

3- زيت اصغر علي 555 كل اللي يستعملونه ماشاءالله شعورهم روووووووعه مثل عيال عمة صديقتي ماشاءالله تبارك الرحمن شعورهم وااااايد طويله لين الركب وكثيفه .

هذا اللي اعرفه بس اهم شي اختي اذا بغيتي توصلين للنتيجه المطلوبه تستمرين على الزيت اللي بيناسب شعرج ترا كل اللي ذكرتهم لهم سنوات على ها لزيوت يعني مب شهر ولا شهرين

اتمنى اني قدرت افيدج :26:

زيت جوز الهند والله روعة كلنا نستخدمه في البيت بس الحين انا اعتني فيه لاني قاصته قبل رمضان بس اخواتي كلهم شعورهم طويله ماشاء الله وبعد يستخدمون دبر املا مرات مكس