السلام عليكن والرحمة...............


أختي العزيزة ..حبيبتكم.. مشكووووووووورة وااايد على هالمعلومات الحلوة عن الدخون وتدرين عاد هاذي أهم الشغلات عندنا وان شاالله بدقلهن هالحريم اللي يبيعن،،
بس ما أدري أنا عن نفسي أفضّل أتعامل مع محل (( ياس )) وايد حلو وعندهم شغلات حلوة مثل كريمات للجسم بريحة دهن عود أو مخلط وشنط للزهبة وايد حلوة مجهزة بالكامل .......


وحبيبتي .. الاميرة أوديت.. مشكوووورة على معلوماتج الحلوة ،، وانا باين عليّ بتعدل عند هيلين صراحة عيبتني من مديحتج لها المهم الغالية عطيني رقم موبايلها ..

--------------

وعندي لكن يا الغاليات معلومة اضافية انا سمعت عن صالونات ((( عمرو))) في دبي عنده صالونات خاصة للحريم وفي للرياييل اما الحريم مكياجهن يهبل لان ربيعتي شافته مرة كانوا مظهرينه في التلفزيون فبرنامج فنجان قهوة المهم انها مدحته واااااااايد ..

-------------

وفي عندي سؤال وأتمنى حد يجاوبني عليه ... في وحده منكن اتعرف مكان لتفصيل الشيل والعبي ممتاز في دبي لاني سمعت ان تفصيلهم ونقشاتهم احلى بوايد عن العين؟؟

-----------

والسمووووووووووووووووووووووووحة ^_^

السلاااااااااااام والرحمه مره ثانية...................


اتذكرت شي طلبوووووووه مني البنيات بكثره واللي هو رقم الباكستانية شاهينه اللي تحني من دبي ،، ترا أسعارها في متناول الجميع ،، مثلا الكف من برا وداخل تحتنيه ب 50 درهم والله زين لو رحتن اي صالون في العين بيحنون ب 70 اقل شي وهاه لو كان زين بعد.. ومثلا للعروس يعني نقول حنه اليد لين الكوع وفوق شوي + الريل وفوق 5 سم = 220 انا تشي اتحنيت في الملجه لا تقص عليكن انتن جادلنه في السعر بطييع .... وهيه صدق نصيحة مني لوجه الله لا تتحنن بحنتها هاتن حنة العروس اللي في العين اتعرفون حناهم زين ... انزين ليش عاد انا قلت تشي ؟؟ لان حنتها وايد قويه وريحتها خايسة واتحرق بس ترا حناها واايد حلو ...

الرقم هو:- شاهينه 050/6313862

أم سلامة
هذي اسعار شاهينة.... حتى لو يت هي للبيت
ولا لو سرتي لها دبي

السلام عليكن والرحمه...........

مرحبا اختي حبيبتكم .................لا فديتج هاذي اسعارها وهي في بيتكم وانتي مرتاحة واي مكان تراها هي ماعندها مشكلة تروح .......

بغيت اسئلتج اتعرفين حد يسوي خلطات لتبيض الجسم للعرايس..؟

والسمووووووووووحة .. أم سلامي

السلام عليكم
الموضوع حلو والاحلى انه يخص بنات العين:)
المهم حبيت اشارك بشئ انا مجربتنه وواثقه منه
وهو تنظيف البشرة .....
في صالون اسمه لمسات للتجميل وحده لبنانيه تسوي
التنظيف بذمة وظمير مب شرات هذيلا اللى يمشن ع الاخضر
واليابس في الويه والحرمة اسمها فاطمة وكانت من قبل
تشتغل في لبنان وعندها خبرة من هناك
وبصراحه يوم سويت التنظيف عندها كلهم لاحظوا الفرق:)(بياض
اكثر نصاعا)
والصالون موجود مكان صالون الافراح قبل بجنب سويت ليدى
فوق مكتبة المكتبه اعتقد ماذكر اسمها بس المهم من ذاك الصوب....
جربن وبتشكرنى:14: