dhn3oood
•
سمعيني عروس الخليج حلووو حق العرايس ووايد من بنات العين اين عنده يوم عرسهن وحتى بنات ليوا في الاعراس انا بخيرج بين صالونيين في ابوظبي عندج عروس الخليج وعندج دولا كلهن حلوات دولا على لبناني لكن عروس الخليج خليجي مية في المية دولا اذا لبستي فستان عرس ابيض وفيه لون مثل ازرق او وردي او اي لون بتقيديها لانها اتحب تلعب بالالوان وماكياجها راقي ونفس الشي عروس الخليج لكن عروس الخليج احسه للعرايس حلو يعني بقولج صديقتي اتحب اتروح عروس الخليج وايد لكن لاحظت التسريحات وايد متشابهه اللي ايسونهم لها ما ادري يمكن اتعودوا على طلبها او ما اعرف دولا اذا قلتي لها ابا ماكياج بسيط او هادي كعروس ما عندها غير هالوردي هو حلو واتحط تدرجاته كلها لكن ملينا منه اشوي انتي لما بتسيرين عندها قولي لها ابا شي مميز او لون غريب بس حلو وعروس الخليج ايجهز العروس بـ 750 درهم ودولا داخل الصالون 2000 درهم وخارج الصالون ما اعرف بس اذا داخل بوظبي 3500 لكن برا بوظبي ما ادري بصراحة المهم انصح بهذيلا الصالونيين لانهن حلوات وايد وتسلمين
dhn3oood
•
المهم الف مبروك وعساج اتكونين احلى عروس في احلى ليلة واحنا في الخدمة اهم شي حق عرسك الراحة النفسية جهزي كل شي بسرعة وبترتاحين نفسياً لانه كل ما ايكون وراج شي بعدج ما خلصتيه تتعبين وتمين اتفكرين خلصي الحجوزات كلها واللبس كامل وبعدين ما شي وقت في شهر تسعة اتفيقي حق عمرج فيه تنظيفات مع حمام مغربي مع اقنعة وحمامات الزيت للشعر وكثري من النوم اشوي ودري المشروبات الغازية اذا كنتي تشربين اشربي عصاير فريش كثري الفواكة والسلطات لانه هذي الاشياء مفعولها بيكون واضح عليج بيشرق ويهج وانشاء الله ترتاحين اهم شي الراحة وانصحج ثم انصحج لا اتقولين بسوي هذا الشي بعدين لانه بتنسين اشياء وايد الوحدة في هذي الفترة اتكون متشتتة مية شي في راسها فخلصي امورج احسلج وبالتوفيق انشا الله
الصفحة الأخيرة
اخيرا حد شجعني عليه
تبين الصدق ابى اتعدل هناك
لانه في العين الصوالين مب لين هناك
بس اهلي يقولون لي بعيييييييييييييييييييييييييد
الصراحة في ربيعاتي ثنيتن يوم عرسن تعدلن هناك
سارن في نفس اليوم الظهر وردن على المغرب
بس خواتي يقولن تعب عليه
اقول لهن برايي كيفي
اخاف اخر شي عريس الغفلة ما يخليني اسير
انا يوم قلت لها اتييني العين قالت لي 7 آلاف
الصراحة وااااااااااايد
لكن انا ما عليه منهم بسير يعني بسير