لبنات البحرين..عيادت ابن النفيس

اختي انا وزوجي نتعالج عند دكتور واااااااااايد اوكي في العدلية اسمه شي بركات والله ما اتذكر عدل بس المستشفى ماله اسمه مستشفى البركه للخصوبه بس روعه الدكتور تصدقين انه ما يخوفج ولا يصكها في ويهج بالعكس يطمنج وااااااااااايد اتصدقين انه هو شرحلي انه فيني تكيس بدون ما يقولي اسم التكيس وانا مستانسه على بالي عادي عقب انصدمت يوم قلت حق دكتوره ثانيه وقلتله كلام الدكتور جان تقولي ايه اسمه تكيس وهو مسكين ماكان يبيني اخاف او نفسيتي تصير مب زينه على فكرة الدكتور مشهور ووايد فيه اقبال عليه والدكتوره الي دلتنا عليه صديقتها سوت عنده العمليه ونجحت من اول مرة فانا انصحج حبيبتي تروحين تتعالجين عنده

اما دكتور عيسى امين انا ما انصحج فيه ابدا لانه زوجي راحله واحنه وضعنا الحمد لله والشكر انه المشكله عندي انا واهو لكن ما طمنه ابدا بالعكس حسسه بالياس وجنه كلش مافي امل واعوذ بالله رجع زوجي نفسيته مب اوكي ابدا لكن هذاك الدكتور يبتسم في ويهج ويطمنج ويبشرج بالخير هاذي نصيحتي حبيبتي واتمنى اني فدتج ومابي غير دعواتج انتي وخواتي الحبيبات ان شاء الله احنه راح نسوي العمليه في الربيع لانه قاعدين نتعالج عن نفس الدكتور الحين

فيروزة اللي تقصدينه اهو الدكتور احمد بركات
آنت بعد سمعت عنه وايد وانه من افضل الدكاترة في هذا المجال
اما دكتور عيسى امين صراحة ما اعرف عنه اي شي

تسلمين فيروزه 1 ..على الرد والمساعدة ..بس الدكتوراحمد بركات في البحرين ..ياليت تكتبين لي عنوانة ..او رقم التلفون
او تسلمين ام احمد
او كم نجاح العملية ...لان دكتور عيسى امين قال لنا ..ان نجاجها 40%

اي نعم ام احمد هذا الدكتور الي انا اقصده
حبيبتي نور البنفسج ايه الدكتور في البحرين في العدليه رقمه 17727888 اتصلي عليهم وقوليلهم يدلونج المكان بالضبط احنه ما قالنا اي شي عن نسبة نجاح العملية بس مثل ما قلتلج يا اختي والله ترى دكتور يفرق عن الثاني وفيه دكتور ما يعطيج اي امل انا اقولج دكتور قاسم امين ما عطى ريلي امل ولا حتى علاج قاله في ناس ياخذون ابر بس ما بتفيدك لانه انته وضعك غير ويوم رحنا عند دكتور بركات قال حق ريلي انته لازم تاخذ الابر هاذي وبسم الله ماشاء الله فيه تحسن ملحوووووووظ بروحه ريلي يحس فيه وانا بعد ملاحظه لا تاخذين اي كلام سلبي من اي حد وخلي ثقتج بالله كبيرة العلمية مو في يد الدكتور في يد رب العالمين الله يرزقج حبيبتي ويفرح قلبج وقلوبنا كلنا وان شاء الله تبشرينا قريب