انا نفس طريقتك بالخبز اسويه بنفسي واحط معه ملعقة بذر الكتان مجروشه او كامله ماتفرق والخضروات الي تحبينها من ملفوف وزهرة وكوسة ووبصل طماط بهارات واقلل الملح وملعقة او ملعقتين زيت زيتون واحيانا احط كم قطعه كبه واقصدرها واحطها بالفرن روعه ...
والهامبرجر اشويه واحطها بالخبز الي اسويه بنفسي مع ورق خس وجبن قليل الدسم شرائح يطلع روعه ..
بأنتظارك مع اطباق العشاء والغداء والله يعافيك على افكارك الحلوة
الكفتة خذي لحم بقري من دون دهن وكببيه يعني انا باخذ بس 3 كببات واكببها ببصل وطماطم وكمون وملح وفلفل اسود وبقدونس وملعقة شاي صويا صوص واحطها بصينية تيفال واحط شوي موية واغطيها بالقصدير وادخلها الفرن
اما المكرونة الاسباجيتي حطي بقدر تيفال شوي موية مشوحي بصلة صغيرة او ثوم وبعدها حطي طماطم معصورة ورشة كمون وفلفل اسود وملح وحبة هيل واخر شي اضيفي الموية وكسري الاسباجيتي فيها وغطي القدر واتركيها على نار هادئة ولما تستوي خذي منها الكمية الي تبينها انا مثلا بأخذ منها اربع ملاعق اكل منها وبالف عافية