لبنات الدمام نصيحه لوجه الله تعالى ((الي تبي تعالج اسنانها))

السلام عليكم ورحمة الله وبركاته
من باب احب لأخيك ماتحبه لنفسك
حبيت اعطي نصيحه لكل وحده تبي تصلح اسنانها
سواء تلبيسات تركيب تنظيف حشو قلع كل شي حصلته عند هالدكتور
الله يحرم جسمه على النار ويوفقه ويخليه لأهله يارب
انسان رائع وقمة في الاخلاق ويده خفيفه جدا واذا شاف في شغل كثير
يعمل تخفيض عجيب
انا كنت اتعامل مع الاردني شادي في العنايه الشامله وهالدكتور روعه ويده خفيفه وشغله نظيف ومرتب
بس مايداوام الا الصباح ومزحوم ومايعمل تخفيض الا نادر يوم اشتغل بضرسي وقالي تعالي بعد يومين اعملك الحشوه لان لثتك تنزف
جيته العصر ومالقيته وطلبت من الموظفه ترشحلي دكتور قالتي عصام مارتحت له فقلت فيه غيره
قالت لي في دكتور جديد ماصرله 3 شهور عندنا قلت خليني اخش له قالت مايرضون الدكاتره
يكملون شغل غيرهم روحي كلميه يمكن يرضى والله رحت له ووافق وقال تحت امرك افندم هو مصري هههههههههه ودخلت عليه لا كشفيه ولا شي واشتغل بضرسي بدون ولا فلس على اساس اني دافعه من اول للدكتور شادي حق الضرس بس ماكمله لي.......... ولا ما يسوي حشوه الا بأساس برغي
علشان ماتطيح ابدااا لك وللزمن وقالي في اسنانك سوس من داخل سنين يمين و3 يسار
المهم قلت مره ثانيه اجيك والله واجيه بعد اسبوع ودخلني بلا كشفيه وحسب لي الثلاث اسنان بسعر واحد
هذا غير الشغل الرائع ويده الخفيفه واخلاقه العاليه والله على مااقول شهيد. واقسم برب العزه اني مالي مقصد غير اني توفقت بهالدكتور وابي غيري يستفيد من شطارته.
انصحكم يا بنات تروحون له وتحطون ببطنكم بطيخه صيفي.
اسمه الدكتور محمد عبد الفتاح في العنايه الشامله دوامه من العصر لثمانيه بالليل.
والي تستفيد منه تدعيلي ان الله يثبتني على صراطه المستقيم ويكتبلي الجنه.