لبنات الرياض الطقاقه ام يزيــــــد ..

السلام عليكم ورحمة الله وبركاته ..

كيفكم بنات ان شاء الله تكونو بخير ..

أدخل بموضوعي على طول لأن قلبي مشتب من القهر مايطفيه نهر ...

حبيباتي كان عندنا زواج الأسبوع الماضي لأخت زوجي وقلنا بنحجز طقاقه ورحنا لهالطقاقه ام يزيد بعد ماشفنا طقها بأحد الأعراس واعجبت ام العروس ..

دقينا عليها واتفقنا معها على 4000 ريال لظروف العروس وقلت المهر اللي ماراح يكفي ومن هنا وهنا تدبرت القروش قالت الطقاقه نبي عربون وعطيناها 500 ريال اتفقنا معها بمكان وسلمناها بوصل بس بخط اليد يعني لاينفع ولايغني من جوع وبعدها اشتبت تبي الباقي وكانت تضغط علينا بشكل رهيب " لاأحد يتفلسف ويقول غلطتو أدري انا غلطنا بس وش نسوي " المهم عطيناها برضو 500 ومن دون وصل وبعدها قالت ابغى باقي الفلوس لظروفي الخاصه قلنا هذي 1000 ريال وقبل الزواج بيوم قالت محتاجه باقي المبلغ واصرت بشكل غريب جدا جدا وعطيناها 1500 ريال بقت 500 وياحسره .. المهم وصل لها 3500 ريال ..

وفي يوم الزواج دقت عليها العروس الظهر وقالت لها لاتنسين ياأم يزيد اليوم زواجي قالت لها ولاااااااااااااااااااايهمك مانسيتك ..

والمصيبه بعد صلاة المغرب دقت على زوجي اللي هو وكيل العروس وولي أمرها بعد الله وقالت والله يافلان ماراح اقدر اجي شوفو غيري ظروفي ماتسمح .. وكانت صفعه مؤلمه لأخو العروس في فرحته بأخته حسبي الله عليها .. المهم مادرينا وش نسوي دورنا وهجنا وقلنا مانبي ننكد عالعروس وجبنا البديل وب 5000 ريال وتعرفون بما أنه اخوها وولي امرها صرف كل شي عنده علشان يفرح بأخته وذيك اللحظه جمعنا من هنا ومن هنا لين ماتوفرت القروش .. يعني خسارتنا بالطقاقات بس ذاك اليوم 8500 ريال آآآآآآآآآآآآآآآآآآآآآآآه يالقهر ..

المهم مشينا ذيك الليله على خير .. بس مازلنا مقهورين من تصرفها دقينا عليها نبي الفلوس قالت ابرسلها لكم وطنشت دقينا كذا مره صارت ماترد علينا الا اذا دقينا من رقم ثاني وصارت تتهرب منا المشكله يابنات اننا مانعرف لها بيت ولاشي غير الارقام المتواجده عندنا وماندري وش نسوي الفلوس اللي دفعناها من مهر هالضعيفه كانت احوج منها بها ...

والله يابنات ضروفنا بعد هالسالفه جدا شينه بس الحمد لله على طل حال الراتب جاي باذن الله وانا ماهمي ليتني مااكل ولا اشرب بس هال..... هاللي فاقعه مرارتي ودي امسكها باللي هي به ..

فكرت وفكرت وقلت مالي غير بنات حواء باذن الله هم اللي بيقدرون يساعدوني ..

وكتبت لكم ابي اي وحده منكم تدلني على اي شي عنها رقم مكان بيت اي شي تكفون اسالوا اللي كانت عندهم اعراس من اقاربكم او اهلكم او جيرانكم اي شي اي خيط ممكن يساعدني واللي عندها فكره معينه لاتبخل علي والله بموت من القهر تكفون ..

:( :( :(