أختي بيسان الله يسعدك أبي أعرف أيش الخددمات في هالشارع مثل الأسواق والسوبرماركات والمدارس وايش أسماء الشوارع الفرعيه التابعه لشارع المدينه؟؟؟؟؟

شارع المدينه شارع رئيسي كبير جدا وممتد امتداد كبير بقولك عالمنطقه اللي انا فيها وهي المهمه وببداء من اسواق البديعه مول وهي مولين كبار البديعه مول 1و2وجنبه الهرم بلازا والبديعه بلازا والبديعه بلازا خاصه بالشباب مقاهي واسواق وفيه في البديعه مول 2جرير وقريب منه وودن بيكري لسه جديد مافتح وفيه عمو حمزه ومطاعم الشراع وكتاكيت والناضج والوطني ومطعم لبناني والفطيره الدمشقيه وكنتاكي وهارديز والطازج وبيتزا هت وهايبر بنده وبلشرف والعثيم وحلويات المملكه واوبرا وسنابل السلام والقباني وهرفي وفيه سنتر بوينت وسيتي ماكس وسوق الرياض الدولي ومحلات عطور ومكياج كثير مثل محمود سعيد وعطر ومكياج ومحلات العاب مثل تويز ار اص ومحلات الغامدي وفيه رامز وعلى كيفك والمحلات مره كثير وقريب بيفتح التميمي وفيه فرعين لماكدونالدزوفيه شارعين مهمين اهمها شارع عائشه بنت ابي بكر وهو يودي للسويدي ويوصل للدائري وسارع اخر نسيت اسمه يوصل لمستشفى الامير سلمان والمستشفى جدا قريب لشارع المدينه المنوره وفيه مدارس المجد ومدار كثير بس في الحواري والشارع بصراحه مزدهر وما فيه شي يخطر في بالك إلا وتلقينه فيه وفيه بقاله عاصم مفتوحه 24ساعه ياليت اكون افدتك واي سؤال ابشري اجاوبك من عيوني

الله يوفقك ويسعددك يارب مإقصرتي ....طيب شارع عائشه بنت أبي بكر أيش المراكز الموجوده قبل ألف وادخل هالشارع ...أو على الأقل هالشارع أيش أقرب مركز تجاري له أو مطعم ...ويوم ادخل من شارع عايشه أيش ألاقي فيه من بقالات أو محلات أو مدارس ......معليش تعبتك معي

هو مشهور بشارع الأبراج ونادر ماتلقين احد يقولك شارع عائشه وشارع الابراج مشهور بمحلات الاتصالات بس عليه اسواق الراشد وفيها العاب الحسين ومكتبه المؤيد وفيه اسواق اليمامه وهي محلات منوعه ملابس واقمشه وفيه مفروشات العمر وتي شوز واسواق الحربي مفتوحه 24ساعه وفيه محلات ومطاعم كثيييييييير جدا وفيه شارع فرعي وهو شارع الجيل وسمي كذا لأن عليه مدارس الجيل وشارع الابراج زي ماقلت يوصل للدايري وعلى امتداد هالشارع فيه اسواق السدحان والرومانسيه وماما نوره بس هذي اخر الشارع قريبه من الدايري وعادي ياقلبي دعواتك تسعدني وتخليني اطمع في خدمتك

الله يسعدك ماشاءالله عليك
طيب يعني شارع عايشه يسمونه شارع الأبراج ؟؟

وهالشارع فرع من شارع المدينه؟؟؟
وهالشارع يودي للسويدي؟؟؟؟
آخر الشارع يوصل للسويدي أ

أو فيه شارع عايشه شارع فرعي يودي للسويدي ؟؟
يعني أبي أعرف من شارع عايشه وين أمشي عشان

أوصل للسويدي؟؟؟؟؟؟




فقط جاوبي على هذي والله يفرج عليك كل هم