لبنات الرياض مرجع لجميع انواع الهدايا ومواقعها

افا عليكم يا بنات الرياض ولا وحدة ترد ما توقعت اني اتشوت كذا القاء موضوعي بصفحة ال7 وانا توني كاتبته امس مو معقول انه ولا وحدة ما قد شرت هديه لاحد وان كان صج ماقد شريتو مصيبه بنات شاركو حتى بنوع الهدايا او فكار شفتوها بحل
مثلا
انا شريت لزوجي طقم روب نوم 5 قطع ومتوفر ب5 الوان من شارع الثميري تقريبا ب 200 ريال
ومرة عزمته في مطعم افوكادو وطلبت بوكيه ورد وكاتوه بعد العشاء مفاجاة كانت فكرة رائعه ومفاجاة حلوة طبعا السعر حسب نوع الاكل والبكيه حسب الحجم وكاتوه كمان
و ولا اقول الباقي لما اشوف تفاعلاتكم لا تخيبوني يابنات الرياض يا النشميات

بنات حرام عليكم جبرو خاطري ااي فكرة تكفون ترى تشتركون با الاجر

هلا ياقلبي ماعاش من يردك :)

احس الهدايا صعب نحصرها من غير تحديد معين

يعني مثلا الهدايا الرجاليه نقدر نقول محافظ ,, ساعات ,, اقلام ,, ملابس ,, شنط ,, نظارات ,,
ميداليات ,, مسابح ,, جوالات ,, لابتوبات .................... الخ
واذا حبينا نحدد اماكنها "المحافظ" مثلا فيه منها الرخيص والوسط والغالي وكل وشي بمكان
وبكذا ماراح نخلص .

تدرين ليه ؟ لأنه كل شي ممكن يكون هديه ... ولا ايش رايك :)

اذا عندك تقسيم معين .. أو شغله تبغين نبدا فيها أنا معاك .

بالتوفيق يالغلا
واضح انك ماكتبتي هالموضوع الا لمساعدة غيرك .. ربي يجزاك كل خير .

لرفع

شوفي عن تجربه شخصيه هدية لاخوك او زوجك من باريس قاليري الدور اللي فوق محافظ وكبكات واقلام ماركه يعني تطقمين لك بحدود 2000 اقل شي وتنزلين تحت تاخذين مجموع عطورات اللبنانيين اللي تحت مايقصرون معك..وممكن تاخذين سبحة باحجار كريمه من محل السبحة بالعليا العام او خاتم رجالي الماس او حجر كريم من ظباء نجد او مركز النمر عندهم اشياء حلوه
للمواليد ..عندك القرعاوي تلاقين عندهم ملابس البيبي الماركه وعندك المملكة محل كنزو الدور الثاني وعندك بيربري قسم الاطفال وعندك محل في صحارى التوسعه ناسيه اسمه بس ملابس الاطفال قطع تاخذ العقل من باريس
للام اذا كانت صغيره في السن خذي لها تعليق او خاتم ماركه من سرماس اللي في الفيصليه او المملكه بحدود ال2000 فيه بولغري او سان لوران والماس طبعا بس ذووووق
وخلي تغليفك مميز روحي لبيت الهديه او مناسبات وطلعي افكار من عندهم