لبنات الكويت

شـــــــــــــــــــــــــــــــــكرا

حياج الله حبيبتي

اذا تبين فندق 5 نجوم وجنب السوق عندج فندق مارينا حلو وهو لازق بمجمع مارينا مول واتكونين قريبه من أسواق

السالميه ومجمعاتها مثل:الفنار ,ليلى غاليري,البستان,زهره,شارع سالم المبارك كله محلات لكل شي

واذا تبين ماركات عندج :مجمع الرايه وفيه بنفس المجمع او لاصق فيه فندق الكورت يارد 4 نجوم بس المجمع معظم

محلاته ماركات..مجمع الصالحيه (ماركات)مجمع الثريا هم ماركات ومجمع زهره ماركات وتلاقين فيه فساتين سهره

روعه خاصة عند محل الفاتنه ومحل الأسطوره وs ستايل هذول مميزين

ولايطوفج مجمع الأفينيوز كلشي فيه وهو اكبر مجمع عندنا فيه سينمات ومطاعم واذا معاج اطفال تقدرين اتحطينهم

عند بروي(اسم محل خاص بالاطفال ) وتتسوقين على راحتج والمحلات اللي فيه من جميع المستويات

واذا تبين تستانسين أكثر اخذو بفندق صحارى .فيه غرف v.i.p اتصير نظام فيلا اصغيره وفيها حمام سباحه خاص

لكم ..وعندج موفمبيك البدع ايطل ع البحر وفيه الشاليهات اللي اتكون تحت ومدخلها منفصل عن الفندق بس

مافيه خصوصيه نفس صحارى والبدع حوالينه مطاعم مثل:بيتزا اكسبرس.تشوكوليت بار.تال.واسابي.سراي

هذول اللي اذكرهم الحين

وبالنسبه للأماكن الترفيهيه:بمعظم المجمعات تلقين سينما.اكوابارك(المدينه المائيه)+المسيله(نفس الشي مدينه

مائيه)+ الشعب(العاب) +المدينه الترفيهيه+صالة التزلج ع الجليد

حولي بارك هذا اللي اذكره حبيبتي وحياج الله بالكويت وان شاء الله تستانسين

مشكووووووووووره يالغاليه وماقصرتي

الله يعطيك العافيه ...


بس كم اسعارهم ؟ لليلة ؟

حياج الله حبيبتي ما سويت شي

بالنسبه لأسعار الفنادق انا بعطيج الأسعار التقريبيه يعني مو متأكده منها

المارينا قبل فتره قريت لهم عرض للكويتيين والخليجيين الليله 65 دينار

اما صحارى غالي اذا الشاليه اللي قلتلك عنه الليله 210 دينار

يعني حول 3000 ريال الليله

بس اذا في بالك مكان معين ارسليلي حبيبتي وانا اتأكدلك بمكماله لهم من السعر بالضبط

up