لبنات الكويت عندي استفسارات ياليت تجاوبوني عليها ترى مالي الا انتم ؟؟؟؟ ؟

لرررررررفع

حياج ربي حياج أخت قمر 14 والله يعينك على الزحمه اللي بتصير بالعيد عندنا

شوفي يا الحبيبة اللي تبينه من مكياج وعطورات تلاقينه بسوق الديره " المباركية سابقا " وحتى محل المنصور بنفس السوق تسئلين عن سرداب الشايع وتلاقين مجموعة محلات كلها مكياج وإكسسوارات وأرخص من بره ومحل المنصور موجود بس لا تتسرعين وتشترين منه إلا بعد ما تاخذين لك فره على بقية الهنود لأن بره تكاسرينهم عادي لو قالك دينار قوليله بنص وحتى في الإكسسوارات
وفيه محل يبييع تقليد درجة أولي بس راااااااااقي غير غير عن أي محل شفته تلاقينه بزاوية

محلات العطور ما انصحك بالشايع مع إن اخوي يشترى منه بخور حلو وكل ما شريته ما يطلع نفس الريحه عندك محل القريشي عنده خلطات حلوه وفيه كم محل وايد حلوين بس الأحلى منهم عطورات العبدالمحسن عطوراتهم لا يعلى عليها لا تروحين المرشود غالي عالفاضي بس العبدالمحسن على 3 و5 دنانيير وشغلهم راقي بصراحه .

بالنسبة للقمصان الطويله والبنطرونات تلاقينهم على أفا من يشيل بمجمع السندس والأيوب والنقره وعلى 5 دنانيير بس في أشياء راقيه وغاليه تلاقينهم بالمشاغل أو عند البيوت اللي تبيع ويطلع سعرهم فوق ال50

البجايم تلاقين في المباركية بجايم أشكال وألوان وعندك مجمع بيروت بحولي " فاشن مل " وحاليا منزلين شتوي تخبرين ديرتنا ثلوووووووج

الأحذيه تلاقين بحوش السالمية " السالمية القديمه " شارع سالم المبارك محلات وايد للأحذيه ورخيص ولو تبين شيء راقي عندك مجمع مريم السواني وعندك المهلب كل لحظه وعندك برج جاسم كل لحظه بس اسعارهم نار يا حبيبي نار

أنصحك بأسواق الفحيحيل لو كانت زيارتك مطوله عندك الدبوس والكوت روحي تعشي هناك بمطعم ميجنا حلو بالليل
والعدسات بكل مكان تلاقينها وأي سؤال بليز كتبيلي عالخاص

وأتمنى أكون أفدتك .. وبنفرش لك الأرض ورد ثالث يوم العيد:)