يابنات ياحبيباتي ..الله يرضي عليكم

اذكرو وش اللي اعجبكم وش الي مااعجبكم مو بس في الاسهم والمحفظات

اذكرو اسم الفرع ..من حيث السلبيات والايجابيات..ترى المنتدى الكل يطلع عليه يعني

ارائكم جدا مهمه لهم ودافع لبذل الافضل ان شاءالله..واللي ماتقدرون توجهونه

شفهي اوكتابي لهم.. الموضع يخدمكم وراح يوصل لهم باللي هيبه

واذكرو بعد كيفيه الاسلوب وايش انتي كعميله او غيره وش تتمنين تلقينه عندهم

وايش الي تتمنينه يتلافونه

الله الله بالمشاركات احبتي :27:

انا جربت سامبا بفتح حساب واكتتاب وايداعات
وتعاملهم مش بطاال خاصة لاصار مافي زحمه
اما ااذا صار زحمة فيكون ضغط عندهم وتسوء معاملتهم

أنا جربت.. سامبا الروضة والحمراء.. سيئين جداً وتعامل قاسي ولا يتعاونون معك أبداً.. كأنك تطرين منهم..

وجربت الراجحي عدة فروع أيضاً في الرياض.. عااااادي جداً.. يعني ما يقصرون معك.. لكن أيضاً بدون أي خدمة إضافية لك.. ولا حتى ابتسامة.. دايماً مبوزين.. والله يكون في عونهم لأن زباينهم متخلفين جداً بصرحة..
وخدمتهم المصرفية الهاتفية صعبة..ويتأخرون في إصدار البطاقات وغيرها يعني كل أمورهم معقدة وفيها تأخير..

وجربت أيضاً.. الهولندي.. كلمة رائع شوية عليه في كل شيء.. رغم أني ما تعاملت مع قسم نسائي.. لكن راقي راقي راقي.. ويتابعونك ويخدمونك بعيونهم..

جربت أيضاً الفرنسي العليا والحمراء.. تعامل راقي لكن ما صار زي أول صراحة.. يعني أول كانوا يستقبلوني كأن عندي ملايين.. وياخذون بناتي يلعبونهم.. ويعطونهم هدايا.. ويتابعون معي.. وبس يبون يخدموني.. صراحة قمة قمة قمة في الذوق والأخلاق.. والآن قل مستواهم عن أول.. لكن لازالوا أفضل الموجود..
وهم ما خذين جائزة على أنهم أفضل بنك في التعامل.. وهاتفهم المصرفي سريع وسهل زي هاتف سامبا..

ممممم..
وشو بعد؟؟
إيه! جربت بنك الاستثمار رائع.. بس فخم جداً.. ويحسسونك أنك سيدة أعمال.. يعني ما يصلح للناس العادية البسيطة.. خاصة أن ما فيه قسم نسائي..

أنا جربت.. سامبا الروضة والحمراء.. سيئين جداً وتعامل قاسي ولا يتعاونون معك أبداً.. كأنك تطرين منهم..

انا جربت بنك الرياض في فتح الحساب والاكتتاب والتداول ممتاز

بس انا طلبت منهم خدمة الهاتف ورياض اون لاين من اكثر من سبوعين وكل ما جيت ادخل الرقم السري ورقم المستخدم يقولي ان فيه خطأ واروح اغير الرقم واطلب التنشيط من الفرع ويقولون لي خلال 24 ساعة بيكون كل شئ جاهز لكن تنعاد نفس المشكلة وانا إلى الآن على هذي الحالة رايحة وراجعة على هذي الارقام

اما من ناحية تعاملهم فحلو ورائع