مشكورين

لالالا عاادي انا بنتي الصغيرره بعد 6اشهر اخلطه مع الحليب حلو بس البدايه بالرز
بس اذا بنتك تقبلتو خلاص اعطيهاا

ممنووووع منعاً باتاً إعطاء الطفل عسل قبل عمر السنة حسب برنامج doctors اللي يجي على mbc4

حبيبتي أنا أم جديدة وممكن ما أفيدك لكن الي أنصحك فيه إنك تخلين السيريلاك والاشياء الجاهزة في حالات الطوارئ فقط .. لأن مستحيل تكون قيمتها الغذائية مثل قيمة الأكل الطازج .. وعلى فكرة بنتك كبيرة يعني مفروض بديت من أول تذوقينها وتعطينها ملعقة في اليوم من اي نوع من الفاكهة .. مثلا تفاح أو كمثرى أو حتى تسلقين لها ربع جزرة وتطحنينها وتعطينها ملاعق قليلة جدا ممكن ملعقتين الى 5 ملاعق في اليوم حتى ما ترفض الأكل في السادس ..

شوفي إنت عندك رأيين في الأكل أمهاتنا يقولون من الرابع والدكاترة يقولون من السادس بس كذا دكتور قال لناس اعرفهم أنهم يبدون ياكلون عيالهم من الرابع يعني الدكتور بس ينصح لكن ما ينفذ ..

>> كأني طلعت عن الموضوع هههههههههه

اسفة بس بغيت أقولك إنه لا تخلين السيريلاك وجبة دائمة لأطفالك .. بس خليه وقت ما تكونين مزنوقة او تعبانة ومافيك حيل للطبخ أو مسافرة ماعندك اغراض يعني للأزمات أما الايام العادية أفضل للطفل أنك تعطينه الأكل الطازج يعني إنت تسوينه في البيت حتى تكون صحته أفضل ..

شوفي في البداية كل 3 ايام ذوقيه أكله .. مثلا 3 ايام جزر مهروس 3 ايام بطاطا حلوة >> وتراها جدا مفيدة للأطفال
و3 ايام كوسا وكذااا .. وبعدها ابدي بالفواكه كل 3 ايام فاكهة .. لانه ممكن طفلك يتحسس من شي إنت ماتعرفينه فخليها 3 ايام لكل صنف وبعدها ابدي اخلطي الاكل مع بعض

والرز أفضل للنونو إنك تعطينه الرز المصري تنظفينه وتسلقينه وتهرسينه .. طبعا اللحوم والدجاج والسمك خليها بعد الشهر السابع ..

:) وعوافي على القمر ...